樓下區議員又真係幾關心交通事務

本身住係海怡，呢排發現樓下個區議員D BANNER都係關於巴士既事務，近來590脫班實在太過份了，有時係灣仔等成40分鐘都冇車，咁上次見到議員辦事處有職員係度數巴士，到左今日好難得係中環搭590，又見到同一個職員係度，就忍唔住走去呻下話巴士脫班D野，佢仲話會將寫比城巴同運輸署D信件CC比我睇，又真係唔錯，希望真係可以解決到脫班問題啦~如果佢地真係cc d信比我，唔知可唔可以post上黎呢~

原帖由 燈芯草 於 2010-10-4 11:48 PM 發表
本身住係海怡，呢排發現樓下個區議員D BANNER都係關於巴士既事務，近來590脫班實在太過份了，有時係灣仔等成40分鐘都冇車，咁上次見到議員辦事處有職員係度數巴士，到左今日好難得係中環搭590，又見到同一個職員係度，就忍唔住走去 ...

對於我呢個每朝都要坐 590 既打工仔黎講
九月的確係一個惡夢
八月既時候 keep 到平均 10 分鐘一班
0825/35/45/55 都有車到入境事務大樓
九月好多時 0825 之後果班
0845 頂閘飛站 (連 70 都係咁!)
70M 唔見影 (今朝由 0830 - 0850 都無車)
再下一班 590 試過 0900 先到
不過中秋之後情況又好似有 D 改善
起碼 0830 之後, 有機會 0845 - 50 班車會上到
同埋 70 都算密密黎

想問下係邊個議辦數車?
我諗我都要找佢地傾下

題外話呀 港島塞車真係愈來愈嚴重
我住東區 灣仔返工
返工5日有3日都係塞車 放工時間就日日塞
睇黎都要等中環灣仔繞道起好哩D情況先有改善

p.s. 交通係居民最貼身既問題 何況下年區選 而家做定野都差唔多....

嗯~話就話下年區選姐，我見我地區另一位區議員剩係話「叫苦連天」，都冇咩實質野做到出黎
回覆返樓上位師兄，佢話佢係馮煒光議員辦事處既職員

[ 本帖最後由 燈芯草 於 2010-10-5 00:30 編輯 ]

馮先生間公司，其中一個主要客戶係AMS。如果巴士搞唔掂，可以建議AMS開小巴輔助590服務，反正同香港仔區黃議員(AMS老闆)閂埋門一家親，要傾開線都容易D。

原帖由 PB602 於 2010-10-5 02:02 發表
馮先生間公司，其中一個主要客戶係AMS。如果巴士搞唔掂，可以建議AMS開小巴輔助590服務，反正同香港仔區黃議員(AMS老闆)閂埋門一家親，要傾開線都容易D。 ...

AMS又點可以做到590既服務，睇返590既客量，小巴根本就食唔到，再者，如果AMS開條590輔助線，會增加道路上既行車，咁咪令中環至灣仔果邊更加塞

今日放工係交廣等590...見一班車坐滿位..又唔想企..咪等下班..點知..呢一等...等左差不多半個鐘....先至有架車...頂閘收場...之後全程右手邊...大概半個鐘終於返到屋企....紅隧一塞...連帶灣仔/中/上環負荷不到...
唔該港鉄發D進駐南區...等南區居民唔駛再受塞車之苦啦

朝早見到堆AMS就把火
連續六七架咁塞住入隧道

馮先生如果真係咁關心590線服務，就唔該當日審批全日拆線時醒少少，唔好俾人「誤導」隨便通過拆線，之後
搞出晚間同假日每20分鐘一班呢D荒謬班次後，就走去搞大龍鳳。

寫信俾運輸署同城巴有鬼用咩(更何況590都唔係城巴線，身為議員連條線由邊間公司經營都搞唔清楚，不如寫埋
信俾嶼巴同九巴啦)，人地咪又係Hea答話班次正常。

既然問題係市民無車坐，議員就應該想辦法搵車俾市民坐。好似我咁講，叫馮先生搵佢老闆黃先生傾下，入紙申
請開小巴又好，村巴都好，再唔係叫區議員出錢租車載市民出中環，真係整多D車俾市民坐，咁先係向新巴同老
運施壓。

本身海怡都唔歡迎小巴入去
你睇下63唔入海怡
37,37A 9點後唔經東商場就知咩事啦
朝早590 3-6分鐘好地地
但唔知點解下繁回程就做到咁....

[ 本帖最後由 brianlhm 於 2010-10-5 23:31 編輯 ]