日出康城

首都開盤時，我都同佢講左康城個佈局，周圍堆填區，
隔離個足球場唔知幾時先起得好（都係堆填出黎），對面海係墳場。條環保大道又多重型車入，沙塵滾滾。
佢話呢個盤最緊要樓下有地鐵站，自成一角，單位向將軍澳市中心就無事。

結果近呢一兩日見返個朋友，終於話好後悔，落大雨個幾日陣味難頂，閂哂全屋窗開冷氣都仲有味聞到，
就算以前住將軍澳中心都無咁難頂。想賣左佢買返將軍澳市中心，但樓按罰息又咁貴，個樓價又升左咁多。
現時都唔知點算。

跟住講開好高調自己住日出康城的方國珊議員，詳細政績唔多講，我聽朋友講話佢好落力，
然後要求政府立即封閉新界東南堆填區。我當堂呆左......

自己買樓唔係要為自己行為負責咩，搬左入黎知味道就叫政府負責，又唔係政府攞支槍指住你去買樓，
買樓係個人自己的決定，政府政策比你行先，你無理由叫政府因為你小眾而放棄大眾的利益，
政府話係該區擴建就話有保留啫。

自從雷曼事件開始，香港人的一個弊病就係自己蝕底左就要搵人填氹，縱然人地有錯，
但無可否認自己動機出自貪心，因為回報率高。牛唔飲水唔噤得牛頭低。
越來越唔願意承擔自己做錯誤決定的責任。唔知呢種風氣會唔會有一日改變呢？

基本上同紅磡個邊起完樓買樓就要踢去殯儀館同一個道理。

原帖由 kay 於 2010-10-9 19:01 發表

基本上同紅磡個邊起完樓買樓就要踢去殯儀館同一個道理。

即刻諗起四五年前，灣仔尚翹峰就0黎入伙0個陣，班
準業主又0係嘈食環署，要踢走太原街同石水渠街0既
市集。

不過講真，你買得0個度，就應該知道0個座樓附近有
咩問題架啦......咁都有得嘈？

其實而家d香港人買樓之前唔會睇個層係咩環境先架咩!? . . .
明知日出康城個度係向往堆填區架啦，仲走去買 . . .
咁其實而家要擴建堆填區，其實我覺得都係無可厚非架wo -,-
又唔係無得你選擇，你一早可以唔買個度架 . . .

原帖由 KC3555 於 2010-10-9 14:27 發表
自從雷曼事件開始，香港人的一個弊病就係自己蝕底左就要搵人填氹，縱然人地有錯，
但無可否認自己動機出自貪心，因為回報率高。牛唔飲水唔噤得牛頭低。
越來越唔願意承擔自己做錯誤決定的責任。唔知呢種風氣會唔會有一日改變呢？

夠膽咪搵李超人算帳囉...

講到呢度，小弟都要賴下政府－－政府應強硬時軟弱，應放軟時強硬；應say no時寧可息事寧人，令港人乜事都歸咎政府不無關係。

不過小弟又覺得呢單未必可以同雷曼債券相提並論，一來產品個名有誤導性，又複雜到連專業人士都未必明白。

而日出康城...好多傳媒都一早指出種種隱憂。就算售樓書點誇張，點誤導都好，買家買之前，總有機會去實地睇下掛？

[ 本帖最後由 s3n370 於 2010-10-10 00:48 編輯 ]

又是NIMBY(不要在我家後園)心態作祟, 有時大家還是不要要求太高了.

原帖由 hkth 於 2010-10-11 19:13 發表
又是NIMBY(不要在我家後園)心態作祟, 有時大家還是不要要求太高了.

問題係依家o的人自己拎個堆填區做後花園，
又要嘈之巴閉。

之前都有將軍澳居民嘈唔准再填海架，
不過我想問，有幾多將軍澳居民住緊塊地唔係填海填出黎？

原帖由 3ASV174 於 2010-10-14 04:18 發表

問題係依家o的人自己拎個堆填區做後花園，
又要嘈之巴閉。

之前都有將軍澳居民嘈唔准再填海架，
不過我想問，有幾多將軍澳居民住緊塊地唔係填海填出黎？ ...

基本上將軍澳發展自寶林之後,所有地都係填出嚟