巴士下層佈局同假頂閘有關係?

答：一樣唔願企入去

只要晚繁企鵝頸橋底
就會發現0的「頂閘巴士」車尾一般企唔超過十個人
甚至出現車尾得三兩個客 但係兩度車門之間就逼晒沙甸魚0既情況

其實同用咩車冇關係
我周不時都見到215X既大白豪同豬
D客係會一個一個咁企滿埋車尾果段走廊，而前面就多人到差D頂得開對門…

其實唔關窄定闊事囉(闊雖然多D位,但唔好坐,仲衰!)

個人經驗:乘客多數企前面先,到真係好多人先至會企入去果條通道(不過只會企2-4人...)

[ 本帖最後由 67m 於 2010-10-10 11:04 編輯 ]

這個情況咪同搭鐵路一樣
d人一樣鐘意堆係個車門隔離, 點都唔肯行入d

地鐵車廂既佈局點都大過巴士喇掛

唔會, 企入去真係阻住人落車. 我諗睇下層企位人數會更實際..
成日見中間位置疏落, 車頭頂閘.但其實可以上多10個人左右.

原帖由 67m 於 2010-10-10 01:12 發表
其實唔關窄定闊事囉(闊反而仲少坐位,仲衰!)

個人經驗:乘客多數企前面先,到真係好多人先至會企入去果條通道(不過只會企2-4人...)

面對面(闊)係比背對背多一個位係輪拱上，一面9個位，一面8個位

olympian 你用橫位定直位其實條走廊咪又係咁窄,
我就唔覺得差幾遠, 反而龍車走廊就闊 d, 好企好多.

原帖由 ~誰@359~ 於 2010-10-10 00:55 發表
其實同用咩車冇關係
我周不時都見到215X既大白豪同豬
D客係會一個一個咁企滿埋車尾果段走廊，而前面就多人到差D頂得開對門…

同意, 最主要都睇班客仔既習慣。

好似904/905呢對線, 用車一模一樣,
搭905企門口, 試過無數次俾人推入車尾企,
但904見落車門附近有位, 想由車頭捐入去企會俾人睥,
970就豪龍躉都係去到門口就算。

其實呢d可以話係關人既慣性問題事
你上得車,就自然預左會有落車既一刻
但係若果你落個個係中途站
自己又企到咁入,到時落個陣未好麻煩?

何解大部分乘客上到車之後,見下層冇哂座位後會即刻上上層搵位?
因為唔想成個旅程迫沙甸魚,想搵番些少空間感
至於點解大部分人上車前,見上層座位滿得七七八八
上車後都會迫哂係上車門/落車門之間既通道?
就係為左方便自己囉

試問乘客上車時,見到成車迫到沙甸魚咁
有邊個係唔想快d落車?
而企近d門口位,自己落車時就可以因為企近門口而快d落到車,快d離開一個咁迫既空間
雖然巴士係規定左前門上,中門落
但係到頂哂閘時,車長亦往往會因為想快d疏導乘客而比人係前門落車

呢個情況就慢慢演化成一個慣性
上左車既乘客,冇位坐既會盡量企哂係中門附近,為左令自己可以更快落到車
啱啱上車既乘客,見車廂入面空間唔多,所以就盡量迫哂係前門附近,落車時可以破例走前門
而係前門同中門中間既乘客,唔少都可以話係被動咁企哂係個個位既
因為前門同中門已經迫哂沙甸魚
而兩對門之間既空間就好鬆動,當到左下一站,再有人上車時
原本企係前門附近既乘客就會因為其他人既閒言閒語而好唔願意地企入去
從而令到成架巴士既前半部都出現迫滿哂人既「假頂閘」現象

至於後半部個條窄窄既通道
簡單問一句:「你會唔會願意主動企入去?」
一條咁窄既通道,空間已經唔多,而且附近亦都冇出口可以比自己更快地落到車
相信比著係你都唔會願意企入去啦
何況你冇空間活動之餘,其他人亦冇空間可以讓比你過
所以企係呢部分既乘客,落車就會變左係一件最辛苦既事
你都唔會想係開始一日既工作之前就已經比一程車搞到冇哂動力
正因為每個乘客都有相同諗法,所以先會為自己尋找一個有利既位置去解決呢個問題

用側位冇錯係可以令條通道闊d,但係都礙於同一個問題---離出口遠
落車時又要麻煩其他人讓路,而令乘客唔願意主動企入去
當然,我唔排除會有抵諗d既人蝕底企入去
但係睇番每朝/晚繁時,有幾多人企係個個位就可以知道有幾多人係真正「抵諗」既...
難聽d講句,企係條通道上面既乘客,若非抵諗既一類,就係貪方便既一類
巴士乘客有上有落,當下層坐係度既乘客要落車時
企係通道既乘客就可以因為地埋優勢而優先入座,唔洗再同人迫
再唔係,就係個位乘客跟本就係尾站/尾站前幾個站落車
已經過哂人潮,所以企邊度跟本唔成問題

總結黎講,假頂閘問題既主因唔會係座位佈局既差異,而係人既慣性問題
所以即使條通道再闊,隨非可以係車尾開多對落車門
否則呢個問題都仍然會持續落去...
(一個差唔多日日繁時迫沙甸魚既人得出既結論 )