西鐵延伸線對接龍華鐵路口岸???

"據深圳市口岸辦主任蔡明遠介紹，陸路口岸方面，蓮塘口岸規劃已經啟動，基本確定為貨檢和長途客運口岸，實行兩地兩檢。還建龍華鐵路口岸，該口岸建成後，將與香港西鐵的延伸線對接，並開通內地大城市、沿海各大城市至深圳和香港的直通旅客列車，使深圳成為中國最大的鐵路客運口岸站。" Adopted from Wenweipo dated 10/10/2010

link http://paper.wenweipo.com/2010/10/10/YO1010100001.htm

如果西鐵延伸線對接龍華鐵路口岸,   那么仲起西九龙站做什么?

我懷疑佢地以為香港重係講緊區域快線西鐵共用方案～

在香港的資料，暫時不見有西鐵過境的消息，北環綫又唔會過境，
要講都只有洪水橋接駁深港機場快線，不過都係「叮噹咁遠」（好似Doraemon來自22世紀咁遙遠）的事。

d口岸有咁多人用先算啦...

原帖由 ate_58x 於 2010-10-11 00:28 發表
d口岸有咁多人用先算啦...

上面建設不嬲都係 "超前發展" 架啦, 所以唔奇. 而且我覺得佢地好似越來越有一種 "冇人用唔代表永遠冇人用, 只係會用的人仲未到" 的思想, 所以再超前都會繼續超落去 ......

但同文另提有「廣深港客運專線口岸」，又似係講緊第二
樣野喎？

原帖由 DIH 於 2010-10-10 20:31 發表
我懷疑佢地以為香港重係講緊區域快線西鐵共用方案～

在香港的資料，暫時不見有西鐵過境的消息，北環綫又唔會過境，
要講都只有洪水橋接駁深港機場快線，不過都係「叮噹咁遠」（好似Doraemon來自22世紀咁遙遠）的事。 ...

照字面咁睇 (純粹估下 )

龍華鐵路口岸+西鐵延綫用來行走長途直通車(無指明是CRH), 並可經西鐵延綫到達香港境內

而西九龍站主要用於穗、深、港鐵路客運專線
(背後意思係, 大部份珠三角以外的CRH, 都在龍華高鐵站為止, 而龍華 - 福田 - 西九的一段路軌主打穗、深、港班次

原帖由 h2o 於 2010-10-11 01:20 發表
上面建設不嬲都係 "超前發展" 架啦, 所以唔奇. 而且我覺得佢地好似越來越有一種 "冇人用唔代表永遠冇人用, 只係會用的人仲未到" 的思想, 所以再超前都會繼續超落去 ...... ...

點定義"超前發展"???

澳洲一條56公里長、31個站的通勤鐵路，
每日8萬客已叫嚴重飽和，因為繁忙時間有乘客要企，
市民強烈要求4軌化兼百億另建新鐵路隧道入市中心

香港一條35公里長、12個站的通勤鐵路，
每日30萬客仍然係大白象，因為繁忙時間乘客未迫實，
市民強烈要求多線共用2軌

香港人鍾意迫沙甸、下下計到盡，要咁犯賤都冇計，不過唔好成日怨生活壓力大
(香港d老板洗員工洗到盡，正正係香港人下下計到盡嘅心態)


中國有13億人口，好多野要達到建設需求根本好容易，
而文中所講嘅新口岸，有幾個只係中小型口岸

[ 本帖最後由 Kaix 於 2010-10-12 00:17 編輯 ]

以西方國民準則, 基本上可以用 crazy 去形容每程企40分鐘,而且缺乏個人伸展空間的環境下往來市區的近郊鐵路.

原帖由 barking 於 2010-10-12 00:17 發表
以西方國民準則, 基本上可以用 crazy 去形容每程企40分鐘,而且缺乏個人伸展空間的環境下往來市區的近郊鐵路.

所以咪話香港人唔應該強行套用自己標準落人地度

不過我覺得係偏見問題，
因為冇聽過有香港人批評西方建設係好大喜功、亂建設，
反而一個批評西鐵係大白象嘅香港人卻會響往西方城市鐵路返工日日有位坐

[ 本帖最後由 Kaix 於 2010-10-12 00:36 編輯 ]

原帖由 Kaix 於 2010-10-12 00:33 發表



所以咪話香港人唔應該強行套用自己標準落人地度

不過我覺得係偏見問題，
因為冇聽過有香港人批評西方建設係好大喜功、亂建設，
反而一個批評西鐵係大白象嘅香港人卻會響往西方城市鐵路返工日日有位坐 ...

西方城市都有經歷過「好大喜功亂建設」階段，但發生在十九世紀末二十世紀初，時下班人冇咁老。
1960年代，香港還未有地鐵，九鐵未電氣化，英國已經一把大斧頭砍掉25%鐵路里程及50%車站，
其實想砍更多，只係觀點角度改變而無再繼續，被砍掉的重唔係「好大喜功亂建設」？

另外，香港人真係冇「國家觀念」，對住十三億人960萬平方公里的國度，
重係用住七百萬人1100平方公里的思維，梗係牛頭唔搭馬嘴啦。
我見過有人話而家個紅磡站好大，「使唔使起到咁大呀！」......
我爸媽見到港穗直通車一日12班就覺得好多好方便，東京大阪之間新幹線一日124班又應該點形容？
唔好忘記香港與廣州之間，除了直通車還有唔知幾多搭東鐵轉CRH1或搭大巴的乘客，
個客流係好龐大架，只係分散晒，兼關口遠離市區，先至唔覺。

盲目批評現今中國建設的人，其實係佢地個腦放在大八千倍的土地上，神經線都分散得不能思考了。
自兜：我前面只係話唔知佢講緊乜野線，我冇話佢大白象呀～

OT：
在Google Maps衛星圖見到更新了廣州南站一帶，但仍然係未通車的情況。
暫時所見，站北一個廠，應該係畀廣珠城際；站南一個廠，應該係畀武廣高鐵。
廣珠城際的月台在車站的最西面。

[ 本帖最後由 DIH 於 2010-10-12 12:39 編輯 ]