全車身廣告

鍾意影廣告特見係一回事
點樣去影又係另一回事

班烈士亂咁跑追位,咁係咪等於
"影廣告特見"呢個行為冇意義先?

因為有一排無乜野影,所以都追多左全車身廣告特見,亦因為咁見識到d巴迷為影特見既奇景!!
佢地既行為真係嚇親好多路人,仲嚇親我,試過有次企前少少,總知阻到佢地都問候過我~
難道我比你影,我就唔洗影嗎?
所以而家可以的話都自己一個搵個位影....
好似試過一次影HL1693@14....成班巴迷係站尾企到無雷公咁用長鏡影,又喝住d路人唔好行,我無理佢地,我係站頭等架車停好,影完2,3張即行開...

原帖由 FV5139 於 2010-10-17 16:19 發表

都同你講左話唔好將自己既觀點套用係別人身上-.-
專業冇人話一定係好既方面,,D咸濕佬影完人地裙底,被影者完全唔知,咁都係專業黎嫁,雖然佢做既事係犯法,但你絕不能否定佢依方面是十分專業咁解,,又好似D貪心佬咁,用最 ...

我冇夾硬將自己觀點套用係你身上
我只係想問影廣告特見而亂咁跑而危害他人生命既又有何藝術之處？
如果你認為亂衝馬路去影張特見都係冇問題、你係贊成佢地咁做既話
我真係無話可說

影人裙底者已經唔算專業攝影師
果啲直情係下流兼賤格既行為
同專業一詞完全不能掛鈎
我相信你是但問一個真正專業影相大師
佢地都唔會願意跟果啲專影人裙底既九流攝影師可以拉埋一齊講
同樣地
為咗單廣告特見而亂咁違規既話實在不見得可以同藝術扯上任何關係
我相信你都唔會願意被其他人視為同呢啲人相提並論
(除非你都會咁做)

由此至終
我並冇反對影咩廣告特見之類
但我只係反對因為影張特見而去違法違規兼導致他人有傷害既話
呢啲所謂藝術我真係不敢苟同
同藝術、專業根本唔可以拉上一齊
咁樣只係侮辱呢兩個詞語

請你地唔好歪曲我既說話
並唔好將呢種行為合理正常化

[ 本帖最後由 sea1986 於 2010-10-18 01:04 編輯 ]

原帖由 skh30 於 2010-10-17 23:52 發表
因為有一排無乜野影,所以都追多左全車身廣告特見,亦因為咁見識到d巴迷為影特見既奇景!!
佢地既行為真係嚇親好多路人,仲嚇親我,試過有次企前少少,總知阻到佢地都問候過我~
難道我比你影,我就唔洗影嗎?
所以而家可以的 ...

離遠見到部車已經週圍喝路人行快 o的或者唔好行，我都知影車俾人阻，確係好無癮，不過可否禮貌少少 ?

眼見這些不知情的路人，真係路過都要無啦啦俾人喝一野甚至指住黎鬧，反應既驚訝亦無奈。
想要一眾路人幫幫忙唔好阻住影車，但又對人呼呼喝喝，又是否合理 ?

ok 偷拍裙底個例子唔算好....
咁一眾娛記呢？
你覺得佢地係咪一門專業呢？
娛記為左一單猛料衝下紅燈影幾張相亦都唔見得係一d罕見的事
我亦都唔覺得佢地的行為好過你口中果班巴士迷好多lor
再講 哩個世界其實生活中有好多人都違緊法
一條馬路一日有幾多人違規跑過馬路？
唔通個個都係巴士迷追緊位咩
你哩等道德之士都係隱居山林吧啦
香港哩種鬧市將不合理變為合理的事多到數都數唔晒
你都係睇開d吧啦

原帖由 LY7309 於 2010-10-18 09:02 發表
ok 偷拍裙底個例子唔算好....
咁一眾娛記呢？
你覺得佢地係咪一門專業呢？
娛記為左一單猛料衝下紅燈影幾張相亦都唔見得係一d罕見的事
我亦都唔覺得佢地的行為好過你口中果班巴士迷好多lor
再講 哩個世界其實生活中有好 ...

似乎仍然有人歪曲我既意思
我唔理佢係咩行業人士
總之違法違規、有違道德既行為係唔可能與專業拉上邊
你口中所講既娛記
如果係因為為猛料既而作出有違常理既事
已經係有問題
咁你仲係咪仲需要用咁多力氣嚟問我，果班娛記係咪專業？

我唔否認世上有好多有違常理既事發生
但我既著眼點係︰為張特見而喺馬路上亂跑、呼喝路人既行為仲係咪可以用專業或者藝術去形容呢？

原帖由 LY7309 於 2010-10-18 09:02 發表
ok 偷拍裙底個例子唔算好....
咁一眾娛記呢？
你覺得佢地係咪一門專業呢？
娛記為左一單猛料衝下紅燈影幾張相亦都唔見得係一d罕見的事
我亦都唔覺得佢地的行為好過你口中果班巴士迷好多lor
再講 哩個世界其實生活中有好 ...

你搵娛記黎比? 冇野呀嘛
人地搏哂老命, 衝燈跑街帶埋自己阿媽返工, 係為自己幾千蚊人工
你地搏哂老命, 衝燈跑街帶埋自己阿媽出街, 只係為一幅所謂既廣告特見相咋
同人地比? 講出黎都笑大人個口啦
如果人地娛記如果唔係為咗份糧, 你估真係為興趣先至咁做?

再講, 你地自己咁大個人, 應該有獨立思考能力, 知道乜野應該做, 乜野唔應該做
人地唔要命, 你地又要跟風, 咁你地仲讀書黎做乜?

我成日都話,
佢地出馬路,
俾車車死幾件..唔關我事,
話知佢..

師兄,,你睇清楚d,我冇話你將自己觀點套用係我身上啵
第2; 我想問下你可唔可以舉d例子去證明有人為左影廣告特見而亂咁跑而危害他人生命
係條街亂咁跑,,衝紅燈,,我相信唔係只得影廣告特見果班人先會咁做囉
你依家咩證據都冇就話人地影廣告特見而危害到他人生命?
我從來冇話影車亂衝係一種藝術,我只係話影廣告車影唔同位係一種藝術
第3; 我冇話過影人裙底者係專業攝影師,,我只係話影人裙底者犯案而未被其他人或當事人發覺,,這行為專業咁解,,佢個行動專業同埋佢係一個專業攝影師根本就係兩樣野,,咁深奧閣下唔明解也
是能夠理解~

原帖由 DM17 於 2010-10-17 23:43 發表
鍾意影廣告特見係一回事
點樣去影又係另一回事

班烈士亂咁跑追位,咁係咪等於
"影廣告特見"呢個行為冇意義先?

無錯 , 或許我指示不明確
影全車身廣告不代表無意義
但你為全車身廣告去拼老命
不理會生命危險 , 而去為該目標追捕
那是令我 / 一般人覺得有問題的行為


這句子 , 我再分開理解
「 班烈士亂咁跑追位,咁係咪等於
"影廣告特見"呢個行為冇意義先 」

亂咁跑去位 , 呢個係問題 , 因為入面已可以發生想不到的後果
影廣告特見 , 呢個無問題 , 因為你係去影呢個目標 , 但你去亂咁跑追位
而波及路上行人 , 或阻礙交通 ; 或對路人/駕駛者構成危險 , 那我認為有問題
因為你去構成危險 , 已顯得該事情無意義 , 若你為巴士而付出沉重代價 , 你認為值嗎 ?

無錯 , 你認為你為該目標追捕 , 可能為你影的圖集
加添了色彩 , 不同位置 , 令人佩服你
但我看的只是你背後 , 作出了什麼危險行為
而你覺得你看到四周環境 , 以為跑得安全
但意外是意料之外 , 難保你有一天
舉例被你當時不知道的醉駕者撞及

你認為自己很棒 , 追位亂跑無事
因為你慣以為常 , 但重申難保有一天
因此而發生意外