-------------------------------------------------------------
我自己對行程有少少失望..
首先,我唔明點解會去昂船洲? 一去到見到一堆貨櫃車, 陣味又難聞(特別係上層車箱), 要影靚位既話就要企一企路中心.. 講真,如果有得選擇,我會覺得去大嶼山好d...
同埋,主辦單位應該清楚知道大棠總站係多車出入, 咁係咪唔應該去呢個位? 去到d車又要就架186, 186就要前郁後郁..而且自身安全都係一個問題  ops:
另外,人地鐘意吹水, 大家又知道佢鐘意吹水
如果唔鐘意佢既, 咪當佢唔係到囉, 何必要成班人係到同佢鬥串? 最後大家都無著數bo  大家俾錢黎呢個遊河, 無非係想一班志同道合既人一齊開開心心咁影車者, 點解要搞到咁?
同埋途中有人係上層車頭貼左d紙, 其實貼/寫果班人, 有冇諗過人地感受? 換轉係人地貼你個花名係架車度,你都唔會開心啦?? :sad:
同埋張紙寫果句野, 大家唔覺好似講緊成車人咩!? 乜依家d人鐘意自己講自己既咩?? [banghead]
仲有, 我自知長鏡同短鏡位有分別, 咁大家影車果陣係咪要互相遷就, 而唔係長鏡班人爆哂粗,聲大夾惡咁去趕走短鏡班人? 而短鏡既人就應該盡量影完就走.. 我相信長鏡既人都曾經渣過dc/短鏡,都明白影緊野果陣俾人大聲咁叫你走, 當時大家都唔開心啦..?係咪先..? ops:
同埋點解後尾果幾個站主辦單位要人落車先?? d人落哂車又要搵人睇住班人, 又要班人係到呆等部車泊好位...
有d人落左車等兩等就大聲咁閙話俾錢去等部車泊好俾佢影, 講到好似俾左錢就唔洗等, 一落車去到個位部車就應該泊好哂去俾你地影... 乜依家d香港人既態度仲差過內地同胞既!? 香港人真係覺得俾左錢就大哂, 要乜有乜?? 香港既Service industry真係陰公.. 好似幫人做牛做馬咁.. [sosad]
途中亦都有人好大聲咁講下次唔join呢個團體既活動, 其實主辦單位已經做得好好, 不過可能係有d大家唔鐘意既人影響大家, 同埋有時泊車就位司機唔清楚... 呢d唔係主辦單位既錯, 主辦單位無可能叫某某人唔join得, 亦都無可能同個車長操線先.. 唔該大家諗清楚,主辦一個成功既活動,唔係一件易事..可能主辦單位要係半年前開始plan, 之後book車, 再去邀請人地參加, 之後到果日又要做一大輪準備工作, 管理參與者既秩序, 睇實參與者既安全, 等等.. 一個活動,唔係話租車,叫人黎玩就得.. 要設計好路線, 預計到時候有咩困難係一件極度重要既野..無做到既話到時候就大獲.. ops:
仲有, 係安全街停車場走果陣, 點解主辦單位既人可以有特權係架車去車埋你??我自己唔認為主辦單位有特權去做呢d野..咁只會令人地覺得主辦單位係做乜都得-0-" :?
仲有..搞牌城巴方面係禁止, 主辦單位亦都係按本子辦事.. 當然, 有d單位無講, 要求玩牌時司機亦都會俾你地玩.. 但係.. 俾你玩係人情, 唔俾你玩係道理喎..
有起時上黎係咪大家負責先??
大家都知道呢一個圈子其實都幾受人注目..每次影車個個行過都會望下你,什至"bea"住你.. 同埋大眾對巴士迷呢個詞語都唔係好鐘意, 可能佢地都係見到d巴敗啦.. 咁大家係咪應該更團結,更加應該自律,唔好企馬路影相,去改變其他人對我地既眼光? :?:
最後, 下次主辦單位可以應惡時惡.. 唔好用溫和既態度去同一d引起罵戰既人講野~  [呢個係我做左咁多次義工既經驗- -]
------------------------------------------------------------------------------------------------
以上言論如果唔岩大家心水,大可以唔睇/一笑置之.. 但我亦都歡迎大家任插- -"不過插得有道理先好..
最後多謝主辦單位搞呢次遊河
亦都多謝借出Leyland水牌既朋友~
同埋多謝見義勇為既果位朋友(係咪當事人我就不予置評~因為我都唔清楚, 但肯定果兩張野令到某部分人極度唔開心/憤怒)
仲要多謝借出一大堆巴士野既果班朋友 #good#
同時我希望今日有關既人士唔好咁唔開心, 唔好將今日d野放係心到~
下次亦都唔想見到呢d事發生.. :oops: (雖然我只係一個small potato..)
歡迎跟相/感受 
**車廠相為廠外攝
btw..我想知今日186遊河落去同主辦單位講有人貼紙係車到果個係咪張紙上面寫既當事人??點解佢咁大反應既?? but it's a good job~
純粹問下~ [可以pm講- -"]
[ 本帖最後由 leungfan 於 2010-10-17 19:15 編輯 ] |
