作為主辦單位, 我地搞一個公開遊河, 就係除左自己圍內一班可以出黎玩,
我地都想令其他參加者有個機會聚首一堂, 除左拍攝主角巴士外,
都可以互相認識, 開開心心咁出黎玩, 達到聯誼效果,
希望今次 186 遊河既參加者能夠開開心心咁玩足半日, 能夠盡興而歸
今年既活動, 我地作出左新嘗試, 為遊河拍攝活動加入動態拍攝,
雖然未必每一位參加者都會喜歡呢個新元素, 不過最終實行出黎既效果亦達到我地既目標,
另外就行車路線及停車地點方面, 我地會以選擇特別的路段及選擇正光位為原則,
從而定出以上兩次遊河既路線, 我地會收集就各方面的意見作出檢討, 希望下次能夠制定更好既路線
作為公開活動, 參加者之間的摩擦少不免, 今次參加者尤其熱鬧, 所以發生一些衝突,
好抱歉我地係控制車內氣氛和諧方面仍然有進步空間,
但同時主辦單位亦希望各位參加者能夠互相尊重, 唔好違反我地聯誼既目的,
希望大家無論影長鏡定影短鏡, 定抑或見到自己既死對頭, 語氣都可以好D,
你既正面付出係絕對會為成個活動帶黎正面效果
每一位參加者同義務幫手既工作人員, 你地對我地既支持我地都唔會忘記,
日後再有活動, 大家只要出示手上的年曆卡, 我地一定會給予優惠以作感激
多謝您的點閱, 唔講咁多, 立即去相
古色 186 動感之旅 - 19 Sep 2010
第一站 - 科學園
第二站 - 將軍澳工業邨 (電視城+動態拍攝)
186 古色遊第二回 - 17 Oct 2010
第一站 - 昂船洲
第二站 - 掃管笏
第三站 - 大棠
第四站 - 聯和墟
第五站 - 大埔
終點站 - 九龍塘
最後加送 2 張 poster 既縮圖俾大家
多謝晒  |
