[未證實]UA 沙田重建地盤將拆卸重新改建

沙田UA戲院重建項目近五年仍未完成，有區議員就事件向新鴻基公司了解。問題主要涉及圖則改動，設計方案仍未落實（據說原有的方案被推翻）。但新鴻基方面明確表示，重建的項目仍為戲院設施，用途不變。不過，新鴻基未有提供具體的時間表。

成棟野要拆哂再起過，真係好浪費

點解新鴻基會係2009年4月突然停止沙田UA戲院重建項目工程?
點解新鴻基會改動新設計方案?

據說原有的方案被推翻 ?
咁神奇, 當初唔係應該定好哂先起架咩

又拆?唔知又產生幾多建築廢料
唔該可唔可以諗清諗楚,傾清傾楚先開工?!

原帖由 AVD1 於 2010-10-26 13:11 發表

據說原有的方案被推翻 ?
咁神奇, 當初唔係應該定好哂先起架咩

0岩0岩係維基0既新城市廣場條目度，搵到呢段0野：

新地原打算花費3億元重建UA戲院，並且有兩個IMAX戲院，打造成全港最佳音響及視覺效果戲院。[16]重建後戲院大樓樓高七層(其中兩層位於地庫)，附設其他零售店舖，重建工作原預計於2010年初完成，但由於重建圖則既樓面面積超過舊有面積，被政府發現，並要求新鴻基補地價。地盤自2009年4月起停工，1樓西翼改裝成美食廣場的計劃也擱置。

但成件事仲有無其他內情，我就真係唔知。

原帖由 nwfb1601 於 2010-10-26 23:54 發表

0岩0岩係維基0既新城市廣場條目度，搵到呢段0野：


但成件事仲有無其他內情，我就真係唔知。 ...

Wiki 個度咁講
即係暗示新地想暪天過海, 起左之後先算博政府唔知,
問題係新地咁大間公司, 冇理由諗個時唔會計埋後果 ?

如果事件屬實
睇黎政府個補地價仲貴過佢拆左之後再起 o既費用 ~

原帖由 AVD1 於 2010-10-27 10:14 發表
如果事件屬實
睇黎政府個補地價仲貴過佢拆左之後再起 o既費用 ~ ...

咁都要睇番佢比原本起多咗幾多...
可能新地見反正都未起好,拆咗佢仲"經濟"
不過批建築廢料就真係...

UA戲院位置停工好似係受公眾空間條例影響

其實新城市廣場 7 樓、地下食肆及一田百貨 Food Court 原本設計亦都有佔用公共空間放置座位，,現在因公共空間條例，7 樓食肆及一田百貨 Food Court 要收回座位，而地下食肆外的大玻璃門則從未打開。

其實我想問下什麼是"公眾空間條例"? 似乎香港並無這條例wor...
是否指地契中有關公眾空間的條款?

唔係掛...又拆!?
宜家間UA都係因為佢搞到得番兩個house黎做生意
但如果真係重建的話，係咪又好似本來咁有美食廣場同IMAX戲院的?

另外大眾出面果個位，又係封左幾年咩都冇做過...