(一直都想打呢篇野好耐,係岩岩e+先有少少時間)
9月頭既時候終於忍唔住手砌layout
奈何冇時間+冇錢,唯有好似鐵路工程咁斬開n截+開通頂做
layout草圖?唔好意思冇畫到!
$呢?唔好意思得百零蚊首期搞到買料要分期買料
就係咁,冇草圖冇銀兩仲要冇時間下,我就開工搞layout
無論係拍攝用定行車用layout,屋都係除咗車之外最重要既元素
所以我頭批$15x就倒哂落間屋度...
不過一分錢一分貨,百零蚊價錢既屋多野汁漏就梗!
==================
開盒之後,膠味濃郁,正正暗示唔開通頂唔得...
開工,當然唔止只係砌咁簡單
上邊都有講,呢間百零蚊貨色"膠味濃郁",
唔舊化恐怕會毒死人
唯有擺大陣拎哂舊化工具出泥侍候間屋
之前溝好既色粉又用哂,
唯有從頭再搞,咁又冇咗十幾分鐘
之後既上色,又係另一煩到嘔既工序
呢張圖可以見到,如果直接上色
除咗色彩唔平均之外,仲會"一PATPAT"咁難睇到死
但唔做舊化,出來既效果又會令人中膠毒身亡
所以唯有用最唔環保既方法..攞廁紙磨好色佢
遺憾既係呢個step唔記得影相.....
如是者,又上色又溝色又落uhu膠(呀...kmb推介好東西...比模型膠還好用...)
就搞到晚上三時先有教好訓....
第一晚進度....
6個鐘方得這屋不似屋,鬼不似鬼的鬼樣....
*明日再續 |
