問速成與倉頡

有o羊不同?

出來做野,D公司會承認邊個多D?

速成只需頭尾碼，方便d唔識倉頡拆字根既人...

我做過幾份文書（打字／資料庫管理），三間都唔認速成
可能因為識打倉頡既人太多，要求識打倉頡都唔會無人應徵

[ 本帖最後由 bananasims 於 2010-10-27 20:18 編輯 ]

以前我係學速成，但係覺得煩同慢。
所以，轉打倉頡，快好多，爽好多。

小弟見工都冇特別要求速成定倉頡
以極速而言,速成唔會比倉頡慢太多
(當然,一般人可能會有分別)

其實公司又唔會太著重你用咩輸入法,最重要嘅係速度
正如有部份人打九方,大易呢d都可以打得快過倉頡
唔通又唔畀你用咩?(除非閣下唔係用普遍常用輸入法,否則都唔會點理)

p.s.小弟學咗好多年速成(當年仲係ICQ年代 )
       自問速度都唔太差,一分鐘都打到四十個字左右
       倉頡真係學極都唔識,可能小弟比較蠢

拆字原理一樣，只是拆碼數目不同。
各大作業系統都內置速成及倉頡（唯一例外的應該只有iPad），
除了著重文字輸入速度的職位，如文字輸入員外（多數要求倉頡），
其他職位應該無大分別。

倉頡極速可達每分鐘120字以上，因為唔使選字，
速成比較難做得到（唔係唔得，有記者朋友話速成打字，記埋選字碼一樣快），
所以倉頡一般會被認為打得快少少。

如果未學，建議一口氣學倉頡，
速成最大問題係，如果輸入法出新版，選字編排轉了，會經常打錯字，
轉換作業系統便經常有這情況，
雖然倉頡一樣會有咁既問題，不過倉頡要選字的機會少得多，
換輸入法，唔使再記一次新的選字碼。

小弟到現在只懂用九方...速成只係識打自己個名
如果宜家先黎學的話小弟都係建議學倉頡，因為XP同7的速成根本係兩個構造黎
岩岩7 beta時，我有幾個fd係我部電腦用新速成都打到係咁爆粗...佢地仲要係班上公認打字快的人黎

其實用熟左的話，用九方隨時可以快過用倉頡同速成
問題只係九方係付費輸入法，後兩者係免費，部部電腦都可以用
最近買左部ipod touch，都係度諗緊好唔好俾錢買個九方番黎用

無錯

固然速成打字可以好快，不過記字碼好多限制

唔單止唔同 Windows，有時一樣係 Windows XP 既速成字碼擺法都一樣
好似九龍塘站 iCenter 個速成，竹戈7=卵，唔同正常既竹戈7=我
Mac OS X 既打法又係唔同（常用字擺晒响前面，竹戈1=我）

倉頡當然都有，不過我見過最多既選字都係四隻字，影響唔大

四年前我用速成，平均打字速度約 60/分鐘
而家我大約 110/分鐘
唔洗選字實在係好方便

[ 本帖最後由 bananasims 於 2010-10-28 16:45 編輯 ]

倉頡唔單止大部分情況下唔洗選字，仲可以打埋標點符號 。比起用“速成”真係覺得順暢好多。

速成都有得打，好似「Ｚ木１」係句號，只係唔洗記中間嗰兩個碼（Ｚ難日木）