hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (R) Railway 鐵路討論區 港外鐵路 (R3) 2010關西之旅 - 鐵道篇 [最後新相在#35]
開啟左側

[日本] 2010關西之旅 - 鐵道篇 [最後新相在#35]

[複製鏈接]
DIH 發表於 2010-10-27 23:19 | 顯示全部樓層 |閱讀模式

                                    Advertisement



先此聲明:嚴禁轉載及轉貼

「再講多一次」,小弟在9月25日至10月2日同家人去了日本關西自由行,
早前已經發了航空篇及巴士篇,而家終於可以發埋鐵路篇。

去得日本,鐵路先係主角,所以有關行程、見聞、使費等分享都會在本帖發表。
因為係同屋企人去,行程唔係我plan的,而且都行得幾趕,部分相片質素欠佳,請見諒。

行程
9月25日:AI314抵達關西,大阪弁天町交通科學博物館,通天閣
9月26日:大阪市內(這兩日用大阪周遊券二日票)
9月27日:京都比叡山、清水寺
9月28日:京都嵯峨野、嵐山、梅小路蒸汽機關車館
9月29日:池田、神戶(這三日用Kansai thru pass)
9月30日:大阪市內(這一日用大阪市營交通局的一日乘車券)
10月1日:奈良(這一日用奈良斑鳩1 day pass,我地選擇近鐵配大阪地下鐵)
10月2日:AI315回港(這一日不用pass)

站規似乎並無硬性規定一帖有幾多張相,我就以每一日做單位。
真係好多相,我篩極都平均每日有30張相,請見諒。如覺不妥,歡迎指出。

第一日:

JR及南海電鉄共用的関西空港駅。
DSCN2219p.jpg

南海閘口。
DSCN2225p.jpg

南海電鉄車票,周遊券不包這一程。特急rapi:t太貴,紙水咁高,唔搭,搭急行。
DSCN2228p.jpg

我自己一個去前面展望,過橋後多人到我返唔到原位,一直展望到難波(坐著的)。
DSCN2238p.jpg

去到難波,架車一到總站就轉牌,車務極之繁忙。
DSCN2246p.jpg

剛才搭的車,我爸見到相就話似地鐵
DSCN2248p.jpg

特急Southern的7100系,此車之前在 岸和田 超越我地,有好多人轉去佢的自由席。
時刻表上,急行專登預留四分鐘停站去等佢。
只係早四分鐘到難波,上自由席又冇位坐,都咁多人轉,星期六晏晝都要咁趕,做日本人都幾辛苦。
此車自由席(1970年代7100系)同指定席(1985年10000系)車廂外型及內裝迥異,扣埋一齊煞是有趣。
DSCN2250p.jpg

泉北高速鉄道。
DSCN2252p.jpg

轉大阪地下鉄御堂筋線。
DSCN2254p.jpg

車內路線圖。
DSCN2256p.jpg

淀屋橋,我地酒店的所在地。淀屋橋係商業區,一去到係星期六,比較少人。這張相係上酒店放低行李後出發時攝。
DSCN2258p.jpg

站牌~
DSCN2261p.jpg

往本町轉中央線到弁天町。
DSCN2266p.jpg

大阪地下鉄的PIDS,列車「正在前往上一站」時(相中「堺筋本町」旁邊的箭咀),會開始有閃燈顯示位置。
假如班次疏,架車好遠都未到,就無顯示。
DSCN2269p.jpg

弁天町是架空車站,中央線有一大段是夾在高速公路中間,都幾得意。
DSCN2273p.jpg

交通科學博物館部分展品,用大阪周遊券有八折。冇得免費,因為博物館係JR的,JR在關西被私鉄圍攻,勢成水火。
DSCN2294p.jpg
DSCN2297p.jpg
DSCN2300p.jpg
DSCN2354p.jpg
DSCN2357p.jpg
DSCN2362p.jpg
DSCN2379p.jpg

走返去搭車~
DSCN2388p.jpg

可以端詳一下車站結構~
DSCN2390p.jpg

該列中央線列車由日立製造。中央線除大阪市交通局外,尚有近鉄京阪奈線列車乘入。
DSCN2395p.jpg

之後轉堺筋線去恵美須町,有阪急車乘入,堺筋線幾乎等同一條阪急線。
DSCN2398p.jpg

阪急車外用深棕色,車內用木紋。
DSCN2399p.jpg

堺筋線阪急車即使在隧道內,一見到對頭車以及臨入站都響號,搭短短幾個站好似聽交響樂咁(但唔好受)。
DSCN2402p.jpg

登上通天閣,大阪周遊券包登塔。此為大阪市內第一次登高,在大阪市內總共登高三次。
DSCN2433p.jpg

走喇,又影站牌。大阪地下鉄好處係站牌、前後路線牌非常充足,風格統一,字又大隻。
DSCN2461p.jpg

今次搭到大阪市交通局的列車。
DSCN2464p.jpg

這個車両編號似乎比較不祥,好彩唔係66613~
DSCN2465p.jpg

車外~
DSCN2468p.jpg

到動物園前轉御堂筋線返酒店,第一日行程完畢。
DSCN2469p.jpg

---
御堂筋及下面的御堂筋線,就像香港的彌敦道和荃灣線,分別是市內最主要幹道及最繁忙地鐵線。
大阪地下鉄大部分都風格相似,除了長堀鶴見緑地線係線性馬達、
堺筋線有阪急乘入而用架空電纜外,其他都係用第三軌供電。
除了長堀鶴見緑地線外,大部分地鐵隧道在站與站之間都可以見到對頭車。
大阪地下鉄採用了車站編號系統,不過我地個個識睇站名,冇乜需要。
搭得多,我阿姨唔識日文都講得出淀屋橋Yodoyabashi、本町Hommachi、
心齋橋Shinsaibashi,難波Namba幾個對我地而言最重要及最常使用的車站。
大阪地下鉄及絕大部分關西私鐵都係用標準軌(除了南海電鉄及近鉄南大阪線系統係用1067mm),
車速較快,行車較穩定,乘坐感同香港差唔多。

容後再續。

[ 本帖最後由 DIH 於 2010-11-8 21:43 編輯 ]

評分

參與人數 2aPower +10 收起 理由
Kaix + 5 exciting trip
89B + 5 Good

查看全部評分

herman15hk 發表於 2010-10-28 21:02 | 顯示全部樓層
一見你講堺筋線阪急車我又諗起東鐵線都有個司機好鍾意響安

關西鐵路相對關東好多地多野都好唔同.....下次有機會都會去下
少甜啊唔該
 樓主| DIH 發表於 2010-10-28 22:03 | 顯示全部樓層
第二日:
呢一日係市內活動,全部搭地下鉄,相比之下無咁多相。

齊來看看御堂筋線的第三軌,對面白色板是排隊標記。
DSCN2493p.jpg

搭御堂筋線往天王寺方向~
DSCN2496p.jpg

~去到難波。大阪市交通局係用平假名表示「難波」。
DSCN2500p.jpg

轉千日前線去日本橋~
DSCN2501p.jpg

~目的地:黒門市場!
DSCN2521p.jpg

之後一直行行行,行返去難波附近,大阪名物:
DSCN2538p.jpg
DSCN2541p.jpg

固力菓男:
DSCN2603p.jpg

由心齋橋走,搭御堂筋線去梅田。
DSCN2610p.jpg

本班列車由東急製造。
DSCN2612p.jpg

大阪地下鉄全部都有這個:
DSCN2614p.jpg

第二次登高,Hep Five摩天輪。圖中所攝是JR大阪駅。
DSCN2629p.jpg

之後行去新梅田City空中展望台,這是第三次登高。兩次登高都係周遊券包埋。
圖中所見,左邊係十三bypass(新十三大橋),右邊係十三筋(十三大橋),
最右邊係阪急三線六軌鐵路,有一列神戶線列車經過。
可能因為係星期日,路上車輛不多,當時係20:16。
DSCN2665p.jpg

正下方黑色的是JR梅田貨場,隔了一條馬路後係JR大阪駅。
DSCN2674p.jpg

行返去梅田搭車返歸喇~
DSCN2679p.jpg
DSCN2680p.jpg
DSCN2681p.jpg

---
我去過兩次東京自由行,似乎都唔覺有這種市內周遊券,大阪周遊券係包所有地下鉄及巴士,
以及大部分景點,連唔係好hit的景點都有,這樣除了方便遊客,又可以帶挈景點附近的購物點,
可能計落條數,雖然景點入場免費,但有人購物就有賺,關西人真係識做生意。
可惜丫,搞出新一輪釣魚台事件,我見關西機場及各主要景點本來預備好晒簡體字banner「关西欢迎您」等十一黃金周,
結果大陸客幾乎non-existent,何其諷刺;加上日圓高企,做生意的都大失預算。

第三日預告:京都比叡山

[ 本帖最後由 DIH 於 2010-11-1 23:30 編輯 ]

評分

參與人數 1aPower +3 收起 理由
CTB3B + 3 Great Photos

查看全部評分

 樓主| DIH 發表於 2010-10-28 22:53 | 顯示全部樓層

                                    Advertisement



原帖由 herman15hk 於 2010-10-28 21:02 發表
一見你講堺筋線阪急車我又諗起東鐵線都有個司機好鍾意響安

關西鐵路相對關東好多地多野都好唔同.....下次有機會都會去下

拿來我出發前有感而發的文章,只係基於個人觀感,不代表全部係事實(嚴禁轉載):

<関東関西鉄道初探>

今年旅行由関東「轉軚」去関西,我都要即時惡補関西鐵路概況,首先發現関西JR pass唔多好用,原因是JR處於弱勢,其後再比較関東與関西的JR及私鉄分佈,終於明白今時今日的局面如何造成。

JR與私鉄的分佈,受地形及歷史影響。以下以東京首都圈及関西京阪神做例,略作分析。

東京早於1925年山手線已經成圈,山手線長34.5公里,29站,圈內面積推算約94.7平方公里。戰前制度限制私鉄不能進入山手線圈以內,所有私鉄在市中心外「八強止步」(東武西武北総京成京王京急東急小田急),私鉄若要伸展勢力,必須借助九曲十三彎的地下鉄作直通運轉,費時失事。與此同時,JR在地面佔盡優勢,山手線基本上四軌並行,東部連新幹線動輒八軌十軌(東京至品川:山手線、京浜東北線、橫須賀線、東海道線、東海道新幹線,共十軌),要快得快,要多站有多站,各取所需,各司其職。私鉄大部分都要靠山手線接駁,私鉄賺,山手賺;山手賺,JR賺。

云云私鉄當中,只有連結成田至羽田、橫浜的<京成-淺草線-京急>及2013年才實施的<東武東上線-副都心線-東急東橫線>能對JR有點威脅,但乘客基數多,個餅夠大,分畀你食又有乜所謂。JR條湘南新宿ライン要出動到15輛編組、同橫須賀線一樣要用雙層Green Car,成日頂閘飽到嘔,而且在有條件的良性競爭下,JR及私鉄都各出奇謀,這邊廂JR賣直逹及網絡大,那邊廂京急先來120km/h,京成再整個160km/h,目標直指新東京站,務求成為私鉄新幹線,受惠的當然是乘客及鐵路迷。

另一方面,離開你爭我奪的首都圈,若要前往日本海或東北,必須開山劈石,私鉄不會貿然投資。反觀JR East有三條新幹線(東北、上越、北陸),半天之內已到本州頂端,搶盡飛機客,而舊特急被廢只係左手交右手,新幹線收費高回車快,蝕極有個譜,才可以在沒有副業(地產、旅遊、百貨)的情況下,豪張pass畀你任搭特急同新幹線,兼可以預留座位。較鬆動的財政狀況,使JR East可以改善服務,良性循環吸引更多乘客,一家便宜兩家著。

大阪則要遲至1964年才有大阪環狀線。大阪環狀線長21.7公里,19站,圈內面積推算約37.5平方公里。一比之下已經同山手線大不同,失去市場先機,私鉄早已茁壯成長,由名古屋至姬路,超過200公里的路程可以完全在私鉄上度過(當然時間很長)。関東因為東京城市擴張,以前的城際運輸變成市內通勤,發展是一大片的,私鉄和JR各有市場。但在関西,幾個城市之間受地形限制,城際走廊來來去去都是那幾條,打開Google Map一看,京阪神奈各市之間,以及大阪至関西空港,JR旁邊都最少有一條私鉄亦步亦趨,京阪、阪神更是兩條私鉄夾攻;再zoom近少少,通常都是JR線瘦小得可憐,私鉄卻車來車往好不熱鬧。

JR West覆蓋少,畀人撳住來打,若要以四字詞來形容関西四城的JR覆蓋,會是:
京都 隔靴搔癢
大阪 作繭自縛
神戶 狹路相逢
奈良 聊勝於無

看看JR West Kansai Pass張地圖,再對比JR East Pass,你會立刻認為JR East收貴你三倍價錢都是值得的。関西JR又受先天限制,大阪環狀線的軌道配置極不靈活,由関西空港至京都,要經梅田貨物線繞過最繁忙的大阪站,只能停在淀川對岸的新大阪站;去神戶方向更要在吹田調頭,也因此導致関西空港出發的JR服務站點不多,吸引力大減。

相反,私鉄沒有不能進入市內的限制,明目張膽穿過地底「暗中交易」(直通運轉),JR還在上面繞圈子。地下鉄較遲發展,路線筆直又直抵市中心,造就了不少養眼的景觀:京阪電鉄京津線直通京都地下鉄東西線(集路面電車、普通鐵路、市內地鐵於一身)、近鉄京阪奈線直通大阪地下鉄中央線(日本少見的第三軌供電)、阪急/阪神/山陽電鉄在神戶相通、近鉄/阪神在大阪交接。夾埋整張Surutto Pass可以搭晒所有私鉄、地下鉄、巴士,偏偏唔包JR,完全不把JR放在眼內。各市地下鉄沒有和JR直通運轉,反之在東京,JR中央総武線、常磐線都有和地下鉄直通。

外觀上,東京附近的私鉄,只有北総京成京急用1435mm標準軌、京王用1372mm馬車軌,其他都是用1067mm窄軌;関西則絕大部分私鉄,包括阪神、阪急、山陽、京阪、近鉄都是用標準軌,只有南海及近鉄南大阪線用1067mm,私鉄淨係部車都有霸氣過JR。輸人唔好輸陣,JR West就係輸了個陣,否則也不用將時刻表定得這麼緊,又沒有餘錢做改善,才會弄出福知山線高速過彎出軌的慘劇。新快速踩到盡125-130km/h都只係剛剛跟到時刻表,完全沒有預留延誤的空間。

結論,在関東JR與私鉄平分秋色,旅客可自由根據行程及喜好選擇乘搭路線,如果全部搭JR都可以在合理時間內去到大部分地方;在関西,則私鉄才是王道,即使完全不搭JR,也可以在區內自在遊走,只搭JR就係搵自己笨喇。

[ 本帖最後由 DIH 於 2010-10-28 22:58 編輯 ]

評分

參與人數 1aPower +3 收起 理由
leochill + 3 有水準! 有見地!

查看全部評分

herman15hk 發表於 2010-10-28 23:25 | 顯示全部樓層
師兄高見真係十分認同,果四句非常精警

上次去左北陸同關東,下次可能要去下關西中國
少甜啊唔該
CTB3B 發表於 2010-10-29 07:28 | 顯示全部樓層
佢Kansai Area Pass 只係俾你坐得一條特急(はるか)仲要係非指定席,真係無咩用...
不過如果拎注果張係JR Pass遊關西,俾我揀我就會坐番JR West D 特急同新幹線(不過前題係如果唔玩埋九州/東日本之類果D就曬左張pass)
果時遊京都,嵯峨野,嵐山共去左三日,去程回程唔係新幹線就係しなの/サンダーバード或者雷鳥

我覺得如果係以體驗国鉄年代嘅特急列車同遊部份古跡為目的的話,關西/山陰/北陸呢面係一個唔錯嘅選揀黎嘅(不一,兩年後就唔知啦...)

[ 本帖最後由 CTB3B 於 2010-10-29 07:57 編輯 ]
 樓主| DIH 發表於 2010-10-29 22:45 | 顯示全部樓層

                                    Advertisement



我諗緊,北陸新幹線N年後假如真係通到落大阪,會唔會同山陽接軌?
而家整個日本的新幹線係分成兩大系統,在東京站相遇而不相交。

好,奉上第三日相片。
由呢日起的三日係用Kansai thru pass(日文係Surutto pass),三日券係5000円。
可以搭乘西至姬路/山陽網干、東至近鉄大阪線青山町、北至鞍馬貴船、南至和歌山港/高野山,
這個範圍內幾乎所有私鉄(極少數路線例外)、地下鉄、市營巴士,南海或近鉄的特急只需加指定席料金,唯獨不包JR。

是日行程去比叡山,山上有延曆寺。先搭京阪特急去出町柳,酒店樓下就係「京阪電車」總站。
(佢自己個招牌係寫「京阪電車」,佢以前真係電車。)
DSCN2689p.jpg

內籠,早繁用打仗車行特急,其餘時間係豪華的,回程的相就會見到。
DSCN2691p.jpg

車頭,新塗裝6000系。
DSCN2698p.jpg

轉叡山電車去八瀬比叡山口。
DSCN2704p.jpg

由繁忙的大阪去到清幽郊野,只須轉一次車。
DSCN2713p.jpg

離開電車...
DSCN2718p.jpg

...轉纜車。
DSCN2731p.jpg

叡山Cable(日文正名:京福電気鉄道鋼索線),唔包,連之後的叡山Ropeway,共收840円。
DSCN2732p.jpg

操作儀器:
DSCN2735p.jpg
DSCN2736p.jpg

經過上次板友熱心講解纜車原理後,終於睇得明。
叡山Cable大部分面對乘客的員工都是女性,包括纜車操作員。
車程中,操作員一直一輪嘴咁講解,我見日本遊客都唔係好理佢。
DSCN2745p.jpg

到Cable比叡站。
DSCN2751p.jpg

路程陡峭(平均勾配41.3%),纜車係樓梯型。
DSCN2752p.jpg

再轉叡山Ropeway,一口氣登上山頂!
DSCN2754p.jpg

本來係20分鐘一班,之前搭的纜車好多人,我地掛住影相,上唔到原定班次,
同場有幾個日本遊客,結果職員主動臨時開多班。
DSCN2759p.jpg

雖然未有紅葉,但青翠山頭配上蔚藍天空,最普通的最美麗。
DSCN2766p.jpg

上到頂喇:
DSCN2768p.jpg

回望京都方向:
DSCN2772p.jpg

登叡成佛!
DSCN2805p.jpg

(續下頁)

[ 本帖最後由 DIH 於 2010-11-1 23:39 編輯 ]
 樓主| DIH 發表於 2010-10-29 23:15 | 顯示全部樓層
(續上頁)

遊完延曆寺(寺本身就待有緣人自行發掘喇),行大約650米去坂本Cable車站,途中一攝琵琶湖,日本最大湖泊。
DSCN2973p.jpg

坂本Cable(日文正名:比叡山鉄道比叡山鉄道線),車站本身也是登録文化財,
不過個「財」字寫到好似「戝」(通「賊」)字。為免影響中日友好,不予公開。
DSCN2979p.jpg

又係好斜咁碌落山,呢程pass包的。
DSCN2986p.jpg

坂本Cable全長2.0公里,係日本最長纜車,不過冇另一邊的叡山Cable咁斜,最大勾配33.3%。
DSCN2995p.jpg

有隧道添,入隧道司機會開燈。
DSCN3003p.jpg

到站喇,登山洗滌心靈完畢。
DSCN3005p.jpg

一睇都冇之前那架咁斜。
DSCN3006p.jpg

站牌~
DSCN3007p.jpg

在坂本鎮漫步,去了290年歷史的鶴喜蕎麥店食蕎麥麵,清清地幾好食,買了幾束返香港,自己煮都唔錯。

之後就去搭京阪石山坂本線過大津。
DSCN3059p.jpg
DSCN3060p.jpg

我地搭的車:
DSCN3064p.jpg
DSCN3067p.jpg

石山坂本線大部分路段都很筆直,雖然只係電車,都飛得好快。
在其中一個踏切,有個阿伯車迷影相。對頭車四輛,型態各異。
DSCN3079p.jpg
DSCN3081p.jpg
DSCN3082p.jpg
DSCN3085p.jpg

千奇百趣,走在馬路上的京津線,不過走在馬路上時我係拍片,冇相。
離開馬路區間,有幾個急彎好正,可以影到整列車,可惜當時懵左,冇影到。
DSCN3087p.jpg

京津線直通京都地下鉄東西線,東西線有設計奇特的幕門。這是三条京阪駅,唔裝幕門唔得,月台勁窄。
DSCN3096p.jpg

到三条駅轉京阪本線去祇園四条,呢架就係我所講的豪華特急。
前面的京津線和這條京阪本線,係同一公司經營,以前係以路面電車形式在地面交會,
但京都廢市電、各自地下化後已經不能直通。
兩線規格也不同,京津線急彎多要用短車,京阪本線係大幹線要用大車,即使通到都冇意思。
DSCN3107p.jpg

每卡只有兩門,如果東鐵都可以唔補錢有頭等就好喇。
DSCN3111p.jpg

到祇園四条駅,轉巴士往清水寺,有興趣者請移玉步至B5睇睇。
DSCN3112p.jpg

霎一聲遊完,返到京都站,這是京都塔。
DSCN3202p.jpg

在京都駅醫肚後,搭近鉄到丹波橋,轉返京阪返酒店。如果唔係一定要搭私鉄,搭JR West新快速會快一半。
DSCN3224p.jpg

搭普通車,日本人真係好野,顯示屏完全唔覺係電子產品,又唔起粒,又唔反光。
DSCN3225p.jpg

一直下著雨,我地坐在這車車尾,目送京都遠去。We will be back!
DSCN3229p.jpg

搭呢架車返到淀屋橋。淀屋橋雖然貴為京阪電車總站,但只有三軌共用一個島式月台(詳情可參看日文或英文維基),
即使特急都係即捕即解,都要在站前等入站。落客後,移前少少上客,等落車同上車客唔到撞埋一齊。
可以睇到,對面牆上有叫人排隊的指示(黃色三角型),清客後架車就會移前,使車門對住排隊位畀人上。
DSCN3234p.jpg

第四日預告:京都嵯峨野、嵐山、梅小路蒸汽機関車館

[ 本帖最後由 DIH 於 2010-11-3 22:39 編輯 ]

評分

參與人數 1aPower +2 收起 理由
herman15hk + 2 好圖

查看全部評分

herman15hk 發表於 2010-10-30 10:10 | 顯示全部樓層
8000更新車
全日本最豪華的橫位

有無坐雙層卡?
少甜啊唔該
herman15hk 發表於 2010-10-30 10:13 | 顯示全部樓層

                                    Advertisement



原帖由 CTB3B 於 2010-10-29 08:28 發表
我覺得如果係以體驗国鉄年代嘅特急列車同遊部份古跡為目的的話,關西/山陰/北陸呢面係一個唔錯嘅選揀黎嘅(不一,兩年後就唔知啦...)
...

419已經決定左明年玩完,山陰的電化區間又換左223,地方線又已經換哂kiha120巴士
新車225又到唔知到時221又會比邊d路線啦

以西日本的政策過多幾年廣島支社地區應該會仲有大把國鐵車...或者有201 N30車 ge......

[ 本帖最後由 herman15hk 於 2010-10-30 11:16 編輯 ]
少甜啊唔該
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 19:59

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表