有關駕駛態度問題

小弟每早都坐同一班690前往金鐘上班，該司機的駕駛態度有有風格

1.佢每次過燈位果陣都狂嚮"安"，尢其是係車行果邊綠燈果陣，就算D人唔衝出馬路都嚮
2.佢有時埋站見多車就騎中線去站頭，等得唔耐煩 又嚮"安"
3.車未停定，已經開門
4.有一次行東隧，用右邊線行全程
5.將隧塞車果陣，會用中線行，之後CUT入慢線

我未試過投訴巴士司機，但咁駕車法唔知投唔投訴佢好？

原帖由 tonytsang_hk 於 2010-10-30 13:37 發表
小弟每早都坐同一班690前往金鐘上班，該司機的駕駛態度有有風格

1.佢每次過燈位果陣都狂嚮"安"，尢其是係車行果邊綠燈果陣，就算D人唔衝出馬路都嚮
2.佢有時埋站見多車就騎中線去站頭，等得唔耐煩 又嚮"安"
3.車未停定，已經 ...

九記定城記？

東隧全程行右線，已經係犯左規，可以被罰款，東隧係唔畀巴士行右線。

順帶一提，有日見過有架九記690P在康盛正門個站打斜咁閘住部105上客，塞死晒後面，架105個司機倒後波之後抽雙白線爬返佢，再畀d說話個九記司機聽，之後當然後面塞晒車響晒晌啦，照佢上客進度應該要上成分鐘。未知是否同你講既係同一個司機。

我都見過一個: 果朝 (0615-0730 度) 我跟1轉 296M, 去到翠林上完客一打燈出果下突然整部690抽入黎, 呀左條半線同頂住我地同後面部小巴. 等佢上15個客到, 296m 個c傅都話佢仲話唔系第一次, 成日趕鐘. 我心里面知系邊個架啦但费事講出黎.

原帖由 samsam690 於 2010-10-31 10:35 發表
我都見過一個: 果朝 (0615-0730 度) 我跟1轉 296M, 去到翠林上完客一打燈出果下突然整部690抽入黎, 呀左條半線同頂住我地同後面部小巴. 等佢上15個客到, 296m 個c傅都話佢仲話唔系第一次, 成日趕鐘. 我心里面知系邊 ...

我上次見倒件事係七點半，我就在果架105小巴上睇晒場戲。之後去到翠林，105上完客後，架690P殺到，本來睇佢個勢又想一巴閘埋來，跟住我坐架105一於小理，一野抽頭畀油，架690P就死死氣重brake再上人。