電腦儲存裝置的時代變遷(硬碟與記憶卡)

原帖由 superay 於 2010-12-1 20:39 發表
另加送和4GB及40GB合照

我手上仍然有那款40GB硬碟，反而同型號的80GB就壞了兩個。

我覺得WD的硬碟好像較易壞，由數百 MB 時期到現在的 TB 時期也是這樣，在某大討論區總會有不少人指較新的款式很容易便壞了，最諷刺的是連最高階的 Black 系列也是這樣；但是我覺得用在 DVD 錄影機的反而較耐用，我手上有兩個從 DVD 錄影機拆下來的 250GB 硬碟（有一個是從同事報廢的 DVD 錄影機拆下來），至今仍然運作正常，其中一個用作接駁機頂盒來錄影。

原帖由 OTIS401 於 2010-12-1 21:47 發表
愈黎愈細，都唔係好事黎
正所謂人類總要犯著同樣的錯誤，每天遺失的手指同記憶卡的數量不斷地提高

尤其是 Micro SD /  Micro SDHC，極容易遺失，所以極少會從手提電話中駁走。

原帖由 hkaiw 於 2010-12-1 10:29 PM 發表

我手上仍然有那款40GB硬碟，反而同型號的80GB就壞了兩個。

我覺得WD的硬碟好像較易壞，由數百 MB 時期到現在的 TB 時期也是這樣，在某大討論區總會有不少人指較新的款式很容易便壞了，最諷刺的是連最高階的 Black 系列也是 ...

個人覺得WD硬碟一向平平凡凡，價錢便宜而且提供不錯的水準
惟個人覺得WD的硬碟防震比起其它牌子為差，在運輸時受大一點的外力就會容易損壞，但其它牌子較少這情況
另外網上以往評價就指WD硬碟在供電不穩下容易故障，但一般情況下都問題不大

個人覺得WD近年用3個顏色系列去分硬碟，是非常之成功
Black系列的易壞情況，個人覺得應該是和銷量上升，引致壞的情況增加
至於Green系列，個人覺得壞的情況的確過多，或許是cut cost的問題吧。

原帖由 superay 於 2010-12-1 20:39 發表
電腦儲存裝置真係進步得好快呢隻係一隻1991年左右出廠的Seagate硬碟，係泰國製造166715


操作聲音頗大，PCB零件極多
166716

166717


當時用一部1Ghz CPU的電腦去test佢，讀取速度只得1MB/s，但耗用CPU資源高達43%
換算起 ...

記得以前的電腦用DOS+win3.1, HDD燈一亮成部電腦就會 "輕一輕" 機, 不過係正常的
HDD load野時係大晒

我屋企都有一堆floppy碟，有些已經將資料轉移到電腦（file係Word 95），
有些完全未用過，我廳部大電腦已經七年，有floppy機，大部分floppy都仍然讀到。

想起第一部電腦係1996年的事，好似係3GB HDD，
隻mouse的driver係一隻真係「軟賴賴」的「軟盤」上，我部機都冇得read，
係後來在學校電腦科先知係一隻碟，不過已經畀我好奇之下拆開左。

我已經買了Windows 7 upgrade碟、Office 2010同埋Adobe CS5，不過仍然未有買新機的打算。
我有一隻60GB及一隻300GB的Maxtor IDE HDD，假如我買新電腦，最好的安置辦法會係如何呢？
兩隻碟無壞的跡象，碟內係周不時會睇的資料（相片），唔知裝入external盒好定係好似樓主咁插落個座好？

原帖由 DIH 於 2010-12-4 21:17 發表
我有一隻60GB及一隻300GB的Maxtor IDE HDD，假如我買新電腦，最好的安置辦法會係如何呢？

1. 硬碟盒（建議買如菲利浦的大牌子，不過我所見很少店舖有售，如黃金地庫某店）
2. 硬碟座，但購買時要留意清楚會否只有SATA接頭，另外如貴價的「世紀牌」是有一條電源線及IDE線在機外，而不像在新高登某店外所售的在機內。

反而個人經驗,seagate回廠都已幾隻....
以前40gb到250gb,桌面到notebook...

wd冇用過

samsung的垃圾notebook harddisk,基本上用samsung notebook的同學冇一個隻harddisk捱得過2年.
國內notebook forum亦唔少人投訴samsung垃圾

都係Hitachi好....

個人只係用過Seagate同Hitachi
隻執番黎的6GB硬碟，睇番個記錄都已經連續轉左成3-4年都冇事
廠機的160GB用左5年都冇事，Freeagent Go的320GB都冇事
可能小弟幸運吧...

日立...宜家我部notebook用緊
只係唔知咩事有時熄機果時同埋load緊野時會有好大的「卡」聲
但scan過又冇野...有點兒驚驚

Samsung同樓上一樣，聽完都怕怕
所以notebook我都唔會買Samsung
但據聞最近好似轉左用Toshiba硬碟...

[ 本帖最後由 OTIS401 於 2010-12-5 09:44 編輯 ]

Toshiba都係麻麻....
又食電又熱....耐用程度亦係一般

原帖由 OTIS401 於 2010-12-5 09:43 發表
日立...宜家我部notebook用緊
只係唔知咩事有時熄機果時同埋load緊野時會有好大的「卡」聲
但scan過又冇野...有點兒驚驚

我的一位同事有一部 NEC 的 Notebook 是用日立的 80GB 硬碟，早1,2個月前無故突然死亡，我本來也想替那位同事找新硬碟代替，可惜市面上想買全新的 IDE 硬碟非常困難，而且售價比起 SATA 貴很多。

原帖由 cn2661_2d32 於 2010-12-5 11:08 發表
Toshiba都係麻麻....
又食電又熱....耐用程度亦係一般

不過不少廠機正是用東芝的硬碟。

至於 Samsung 的硬碟，很多時在某大直銷店的廣告總會見到 Samsung 硬碟連盒的套裝出售，不過都是沒有信心去購買。

[ 本帖最後由 hkaiw 於 2010-12-6 23:20 編輯 ]