[US] 有冇搞錯？未問過人就走去拎人地野飲

相信部分板友知道我而家係美國讀緊書，個program係我個field入面全美國top 5。

岩岩食完早餐（而家係我local time朝早七點半），平時好少咁早上網，
但係呢單野實在搞到我嬲到飛起，岩岩同屋企人Skype完，講完呢件事，
但係佢地個opinion我實在不係太同意，而家希望各位評下理，同埋希望熟悉美國文化的板友，建議一下妥善處理方法。

星期日我買左兩支半加侖鮮奶，擺入我住個4-bedroom apartment個雪櫃入面，
之後琴日開左其中一支，諗住另外一支遲d先開，無咁快變壞。
點知，頭先六點半食早餐果陣，打開雪櫃，就見到另外果支都俾人開左，仲飲左一大杯

我心知肚明係同我share apartment的美國人所為（另外兩個roomate係中國大陸同印度，係non-factor），
呢個美國人本身同我係同一個discipline，只係因為佢未有research advisor，所以平時比較少見。
但係佢undergrad係讀Notre Dame，話晒都係全美國top 20的undergrad college，而且係私校，屋企無可能無錢。
我諗住呢d undergrad同grad school都係到top schools的年青人，
點都算係讀到書，應該知書識禮，知道what is right and what is wrong。
但係佢未問過我就拎我的鮮奶飲，今次已經係第三次，
第一次係未有俾我發現之下，將我成大支鮮奶飲晒，
第二次及早俾我發現。之前兩次我已經好客氣同佢討論過呢個問題；
我同佢講，因為個人衞生問題，我唔建議分享fresh food，
而且我唔想share佢買的鮮奶，我weekday無時間出去買野，
佢係咁拎我的鮮奶飲，會搞到我mid-week run out of supply。
而且香港人個文化係接受唔到不問自取。

估唔到佢明知道我的意思，琴日（或者琴晚）又再犯，
今次仲要係開左我一支未開過的鮮奶，搞到我個inventory亂晒。

我同屋企人講呢件事，佢地話「聽朋友講番，美國文化就係咁，不問自取乃平常事。
我諗住晌雪櫃前面貼張紙，寫：
I bought two half-gallons of milk so that I can open the second one at a later time and NOT FOR YOU TO OPEN WITHOUT MY PRIOR CONSENT!!! PLEASE RESPECT OTHER PEOPLE'S PROPERTY!!!
又或者今日稍後等佢起左身，再私下同佢講。但係屋企人話唔好，因為一而再再而三發生，
顯示呢D人肆無忌憚，死性不改，一搞到人地唔鍾意，人地會買槍，或者打我一鎚，
或者晌我的飲料入面落藥，最終蝕底係我自己。
大家都知道我平時係non-conformist，有咩不平一定會出聲，所以接受唔到咁軟弱，
但係又唔想搞到大家之間太不愉快，始終佢同我係同一個program，仲要對多佢起碼四年。

所以想問下大家，特別係熟悉美國文化的板友，遇到以上情況，自己係咁俾人take advantage，應該點做。
我本身唔係唔識處理事情，對上一次個私下處理方法屋企人都話ok，但係今次真係搞到我好煩，唔通我就咁長期俾人玩？

首先你有冇寫兩支嘢係你先？
如果冇，佢地就會當係SHARE
所以所有嘢冇諗住SHARE既話就畫番隻龜係度表明係自己就應該好啲
如果佢係仲要攞既，咁就可以大條道理問番佢攞番錢啦
就算我啲FD大家都係香港人
冇夾錢既果啲就會寫自己名、有夾既就唔駛寫
不問自取呢樣嘢唔止係美國人都會咁做
乜人都會，睇你好唔好彩

當然佢不問自取係佢唔啱
要講到佢明為止
如果傾唔掂數
一係自己搬走算
非是自己為呢啲事惱氣

講真，無論世界邊處，共用雪櫃一定會有人偷野食。英國呢邊住大學宿舍情況又係一樣，基本上防不勝防。你自己住，應該可以自己房放小型雪櫃，不妨考慮吓。我哋宿舍明文唔畀，有時真係損失慘重。

你家人提到人地可能一個唔高興拎支搶「隊冧」你，的確有這個可能，
無計，你要明白，你是一個不平則鳴的人，但你而家始終係寄人籬下，
（我估）不是美國公民，又有種族歧視，始終都係多一事不如少一事，命仔緊要。

同埋，我唔知你同呢位仁兄平時的交情如何，如果唔太熟的話，都係唔好反應太大。

如何解決，上面有人提過，例如寫名、例如追錢，你要令佢明白佢飲你的奶係要負返責任，
正如香港一樣，一個人的家境或教育程度，係同佢的個人修養無關的，有時甚至是成反比。
你甚至可以退一步海闊天空，提議話佢咁想飲奶既，叫佢畀定錢你幫佢買，買完佢就只可以飲自己那份，
到時再有「侵犯主權」之事，你就「出師有名」。

諗返我同你第一次對話的文章（我印象中係關於內地人傾偈就乜都肯講，但一要做記錄就三緘其口），
我諗你可能實在唔係太明白人性，係時候要鍛鍊下EQ......

重覆我以前出過的一句話：不要讓腎上腺素控制你的腦袋。

[ 本帖最後由 DIH 於 2010-11-11 15:31 編輯 ]

我睇完之後唯一既反應，
同 DIH 兄部份見解一樣，
就係自古以來，屋企有無錢，讀咩學院 / 學系，關係係零，
修養從來都係獨立於呢 d 野以外。

我會覺得同人 share 地方住就真係要預左有機會有呢 d 事發生，
事實上你出到聲已經係極限，但人地唔聽你都無佢乎。
唔係軟唔軟弱既問題，而係我覺得你始終都要接受，
有 d 野牽涉你以外既人，唔係你唔接受就改變得到。

我會覺得若果你真係咁睇唔開，
最理想既解決方案，就係自己都唔好飲奶，你會開心 d。

尋晚同屋企人再討論呢個問題，佢地建議我，下次再發現先好再出聲。
老豆仲話，下次如果再發生，不如我同佢講，亞洲人好多係乙型肝炎帶菌者，
隨便分享食物會好容易傳播，睇下佢識唔識驚。
（不過美國唔少白人都唔係咁注重衞生，我諗呢招未必有用）
同埋以後用膠紙黐住個蓋，等佢下次想再攞我野飲果陣會停一停，諗一諗。

同埋屋企人話，呢個人心理肯定唔多唔少有d問題，自己有既野都要拎人地既，隨時係強迫症。
老實講，呢條友我覺得佢係幾shameless囉，尋晚我走出去check雪櫃，
佢竟然若無其事坐晌廳到睇電視，望都無望我一眼。

回sea1986：搬就無可能架喇，因為我住既係university-owned housing，
簽左成年約，除非中途搵到人調房，但係真係調既話，housemate隨時仲衰。
而買個細雪櫃又係無乜可能，我已經唔夠位擺，而且買雪櫃的cost分分鐘大過我係咁俾人佔便宜個cost。

回DIH：我出錢同佢買呢招我係有諗過架，但係屋企人話唔好，因為咁只會令到佢得寸進尺，防止唔到佢飲埋我果份。
老實講，我班friend都話，其實housemates一般好難做到真正朋友（係唔係我就唔知啦）。
同埋我開始覺得，唔知點解我個field好似特別多古靈精怪的人，講得好聽d叫做nerds。

[ 本帖最後由 S3BL100 於 2010-11-12 00:36 編輯 ]

亞洲人好多係乙型肝炎帶菌者

咁咪盞自貶身價…盞班美國佬睇你唔順眼多兩錢重

俗語有云︰相見好同住難
做朋友唔住埋一齊自然冇乜嘢
但一住埋就算幾FD都好都隨時炒大鑊
呢個定律係乜地方都適用

至於話果個不問自取既人係咪有強迫症
好難判斷
正如我講，你冇寫名既自然被視為SHARE
係佢地角度就覺得冇問題，因為冇名嘛
冇名既只係公眾，咁就冇問題啦

的確
有啲美國佬塊面厚到尤如雙層芝士孖堡
點話佢地，佢地都冇反應
有時住喺美國，攞香港果套套落佢地身上
盞自己命仔短幾年
最多有時遇到佢地啲低智商行為
只可以話自己黑仔、又或者暗自鬧佢地祖宗十八代咁就算
都唔想有咩正面衝突

原帖由 S3BL100 於 2010-11-12 00:32 發表
尋晚同屋企人再討論呢個問題，佢地建議我，下次再發現先好再出聲。
老豆仲話，下次如果再發生，不如我同佢講，亞洲人好多係乙型肝炎帶菌者，
隨便分享食物會好容易傳播，睇下佢識唔識驚。
（不過美國唔少白人都唔係咁注重衞生，我諗呢 ...

Katrina之後，有人話救援差，堂堂美利堅合眾國搞到好似3rd world country...
In my opinion, they've always been a 3rd world country.

你已經人在美國，總之，祝你好運～

[ 本帖最後由 DIH 於 2010-11-12 12:26 編輯 ]

原帖由 3ASV174 於 2010-11-11 23:48 發表
我會覺得若果你真係咁睇唔開，
最理想既解決方案，就係自己都唔好飲奶，你會開心 d。

明顯我係100果類人

我心諗，唔係自己既責任，又唔係同你有親，除左住埋同一間屋就乜關係都冇
點解要我自己付出，同埋要幫你既錯誤埋單
聲都唔聲拎我D野飲，解決方法竟然係自己唔好飲
呢個行為反而係令自己更唔開心，因為你係為左要避免別人既錯而要令自己suffer更多野
更何況，拎得你D奶，其他野都可以老奉係SHARE咁拎泥用，到時係咪唔洗做人？

[ 本帖最後由 ~誰@359~ 於 2010-11-15 00:14 編輯 ]