嚴重不滿九巴N680私下大幅減班而又不作通知！

原帖由 hokwanlam 於 2010-11-14 17:36 發表
無知一問:個司機話唔揸就可以唔揸??

不是唔揸，而是不盡力去追時間，任由該程車超時。

原帖由 KS7360 於 14/11/2010 16:55 發表

N680少左班車是自692翻車而起的, 令N680的司機都唔跑, N680本身已唔夠時間行, 加上司機唔跑,自然過鐘情況更嚴重,釀成要私走兩班車才追回行車時間,
不過新巴是因有柯打車攝來保持班次.
聞九巴曾入紙運輸署增加行車時間來保持班次穩定, 不過是新巴反對而告吹,
因為新巴的行車時間是食哂最多人的時間,自然新巴唔想改.九巴無法就繼續不變.

如果係新巴有肉食而九巴無，
咁九巴即係白做。懲罰又好、解脫都好，
條線應該改做新巴獨營啦，
最多搵另一條新巴時段無水食的聯營線判俾九巴囉。

[ 本帖最後由 238X 於 2010-11-14 17:54 編輯 ]

原帖由 ccicoltd 於 2010-11-14 17:41 發表

不是唔揸，而是不盡力去追時間，任由該程車超時。

超時可以私牌走，比著你都碌到夠鐘喇

哈...第一頁講完N241等左5個字先有車，琴晚我又破紀錄，係葵芳等左半個鐘，00:55等到1:25先有車，仲要打孖黎，真係行路番青衣都唔駛咁耐........

原帖由 petcity 於 2010-11-14 18:11 發表


如果N680單野係佢有嘗試做過野，但又唔批，佢都冇辦法喎
不過唔加行車時間，又有冇其他方法呢？

咁其實當知道有咁既情況
大可以先暫時改左時間表起碼通知比乘客知有咁既情況
而唔係繼續欺騙乘客

早排係天水圍收工
過左十一點幾就冇晒265M迫住要搭N車
但係走左班N269又起碼要等半個鐘以上
明明都只係頭幾班車都開唔足咁你話可以點...

其實如果不夠時間行，又唔改得時間表，咁可唔可以私自加車行？雖然狗巴踩你都儍。

86B早幾日8車收2車, 連司機都話今日D客等車真惡等!

新鴻基你咁唔想做, 咪交番個專營權出來LOR!

前幾年九記既服務都尚算日日進步
由呢幾個月開始...我就真係覺得係日日大退步

N線都cut車...夜媽媽係巴士站過夜真係幾痛苦

我琴晚搭265B又係咁...7pm係新填地街等車
豬紙話8-13分鐘一班...呢個時段我估最少都10分鐘一班掛
點知我等到7:20pm先有車到...果陣人龍已經長到轉埋彎...阻住D人過馬路
架車去到太子坐滿...怡閣苑頂閘
長沙灣+美孚客全部唔洗上
欖隧落得幾個上得幾個又頂閘
呢D情況都已經係家常便飯
幾個月都係咁...九記冇理由唔知丫嘛
所以我開始對呢間公司好失望...縱使我非常滿意佢既車隊質素

所以最好就...新記接管...但係一定要用番九記既車隊+工程部+清潔部
都唔好加價

原帖由 petcity 於 2010-11-14 19:27 發表


最慘出正時間表又要人批
但問題在於，佢仲有冇其他方法可以做而又唔做

等等先，乘客真係唔會理你有乜鬼苦衷，亦唔知佢有無做過補救措施，
畢竟唔係個個乘客都有咁多內幕消息……

其實九巴可以咁樣：
1.用白紙通告形式說明現在真正的班次；
2.加車或加柯打！！

我相信方法2係可以最快做到，運輸署亦唔會干涉，因此九巴已經唔係「冇其他方法可以做而又唔做」，
只係九巴睇住$$咁大先至唔做 ，所以我覺得九巴在N680此事上真係爭唔落。

都係一句，要班客為巴士公司設身處地？如果係繁忙時間、一日半日、突發事件都仲講得通，而家九巴擺明
知情不報，班客仲要唔係無理取鬧、亂拎著數，你話點幫？

Thanks.