專訪李添勝:《義海》未達標

原帖由 ATR83 於 2010-11-20 12:37 發表
http://hk.apple.nextmedia.com/template/apple/art_main.php?iss_id=20101119&sec_id=462&subsec_id=830&art_id=14677830&cat_id=6802138&coln_id=6802139

TVB算唔算好心做壞事?
記得上一套《巾幗梟雄》係9:30pm播 ...

李添勝仲接受埋港台節目 舊日的足跡 訪問
節目重溫

http://programme.rthk.hk/channel/radio/programme.php?name=radio1/hkfootpath&d=2010-11-21&p=1144&e=121849&m=episode

兩睇, 放九點半, 夜返的話就不會很容易就錯過節目
放八點半, 收工返屋企, 食完飯睇埋套劇先開工, 唔會話放低做咁的工作
睇完九點半先開工辦自己事都唔夜

另外, 大家睇開義海豪情時, 有無留意到被中國人殺死的日本軍官, 係 死不暝目
由第20集九妹殺死輕薄她的軍官, 到今晚劉醒在集中營殺死的軍官
到排骨, 楊陽在豬籠里殺死達也等人,
死後都有一個close up係影住呢幾個軍官係無法合眼

不知此舉是否編劇和導演的特意安排

原帖由 S3N280_FX8032 於 2010-11-20 18:47 發表
唔知今次又輪到邊個商場爭贏於2010年11月28日(星期日)巾幗梟雄義海豪情一班藝員與觀眾一齊睇大結局呢？
上次公主嫁到大結局（大埔超級城）
溏心風暴、溏心風暴之家好月圓及巾幗梟雄（荃灣愉景新城） ...

今次網上其他討論區聽返來的消息係活動不在任何商場公開舉行。只在將軍澳電視廣播城內直播，呢個安排真係摸不著頭腦，照計兩部劇一齊大結局的盛況，應該唔少商場會伸手希望搶到呢個賺錢絕世好機會，究竟是否電視台本身認為兩部劇不濟，連搵場地懶得搞，還是在討論區網友的想法，根本想欺壓，講真上星期義海豪情收視已經追平公主嫁到，基本上每星期都有升幅，對比公主嫁到由頭到尾也是同一收視，代表有唔少觀眾由唔留意變留意，對電視台來講不是一個想要的結果嗎，但觀乎電視台的對待完全沒有一視同仁?真係難怪有些網友話欺壓啦!!!

另外節目安排怪怪的，天晴豪情熱滿城節目，分開為三節，每節15分鐘，上次公主嫁到前後加埋都有1個小時特備節目啦，而家2劇加埋得45分鐘，仲要係3節分開，無心整都不如唔好整，希望佢提早1930就開始，就如上年巾幗梟雄會一樣，我個人覺得好似以下的安排就好啦
1930天晴豪情熱滿城
2000天天天晴(大結局)
2100天晴豪情熱滿城
2130巾幗梟雄之義海豪情(大結局)
2330天晴豪情熱滿城

原帖由 butterfly 於 2010-11-24 11:57 發表
今次網上其他討論區聽返來的消息係活動不在任何商場公開舉行。只在將軍澳電視廣播城內直播，呢個安排真係摸不著頭腦，照計兩部劇一齊大結局的盛況，應該唔少商場會伸手希望搶到呢個賺錢絕世好機會，究竟是否電視台本身認為 ...

其實睇得出無線今年係想阿佘攞女主角
之前公主嫁到大結局就係咁話幾十萬網上點擊,等於9點收視率
今次義海豪情,小弟見到myTV有幾集都過百萬點擊,又唔見無線宣傳一下?

算吧啦...無線鍾意點咪點囉
佢唔怕愛你變成害你事件繼續重演的話就即管繼續做落去
睇嚟無線依然覺得自己大哂,我捧邊個你就要睇
早幾年黎姿同鄭嘉穎已經中招,今年就有林峯
無線永遠都學唔識「物極必反」呢個道理

原帖由 JX9097 於 2010-11-24 12:07 發表


其實睇得出無線今年係想阿佘攞女主角
之前公主嫁到大結局就係咁話幾十萬網上點擊,等於9點收視率
今次義海豪情,小弟見到myTV有幾集都過百萬點擊,又唔見無線宣傳一下?

算吧啦...無線鍾意點咪點囉
佢唔怕愛你變成害 ...

我覺得佢想捧陳豪做最佳男主角更多一些，近日佢個宣傳節目東張西望成日故意講陳豪幾受歡迎，講真小弟覺得佢三駙馬角色唔算太突出，感覺同佢之前的秀才遇著兵或者今年的秋香怒點唐伯虎好似，三駙馬呢個角色應該好多tvb一線男藝員都可以應付到，至於阿佘，三公主算是很突出，亦可以將角色很靈活地演出來，但將雯女高水準的演出來比較，一見可分高低。
至於MYTV收視，除左明報講左一次mytv中第20集有120萬點擊率，換算等如19點收視之外，其他報章鮮見提及。

原帖由 butterfly 於 2010-11-24 12:22 發表
至於MYTV收視，除左明報講左一次mytv中第20集有120萬點擊率，換算等如19點收視之外，其他報章鮮見提及。

myTV上次都係無線主動report畀新聞界聽
刻意營造公主嫁到大結局有額外9點收視
並藉此塑造兩位主角有幾收得
(當時傳媒對於無線突然間計myTV"收視"都呆咗)

今次義海做咗咁耐,myTV點擊亦遠比公主嫁到高
之但係無線從來都冇提及呢回事
可見無線由頭到尾都係想舖排公主嫁到有幾掂
從而"影響"獎項方面分配

相信無線今年男女主角都係陳豪同阿佘ga la
黎耀祥同雯女頂盡都係攞最受歡迎角色

[ 本帖最後由 JX9097 於 2010-11-24 15:02 編輯 ]

原帖由 JX9097 於 2010-11-24 14:59 發表


myTV上次都係無線主動report畀新聞界聽
刻意營造公主嫁到大結局有額外9點收視
並藉此塑造兩位主角有幾收得
(當時傳媒對於無線突然間計myTV"收視"都呆咗)

今次義海做咗咁耐,myTV點擊亦遠比公主嫁到高
之但係無線從 ...

又咁講，佢只係將大結局個集收視加埋mytv點擊率，之前集數並沒有計算在內，不過我覺得佢要計埋的原因就係在那麼多宣傳下，平均只係42點，真係麻麻地，所以計埋網上點擊率，不過如果義海豪情都係大結局個集計算埋點擊率，應該可以過到公主嫁到大結局收視。

另外一樣野，值得留意，就係佢公佈最高收視多次出現問題，第一集最高為36點，但到一星期後，公佈整周最高收視為35點，而上星期一個集，最高為38點，不過昨日公佈上周最高收視為37點，前後兩者都出現問題，可想而知欺壓很是嚴重。

另外今年我也估計義海兩主角，以黎耀祥完全無獎機會較大，因為留意近日tvb好明顥力捧陳豪上位，而且佢雙料對tvb來講係好大的利益，但係鄧萃雯亦有機會完全無獎，不過因為觀眾力捧，TVB也要為自己面子，應該會有一獎，另外最佳劇集估計應該係公主嫁到機會較大，因為呢幾年都係男女主角獎得獎劇集，多數同為最佳劇集(不過係唔係實至名歸，見人見智，不過個人感覺就係呢個獎係呢部劇真係不幸了，因為我覺得整體劇情都很鬆散)

公主係喜劇,義海比較沉重,劇種唔同,好難比較

不過,我支持劉醒同九妹拎最佳男女主角,雯女好戲不在話下,公認好戲,呢點阿佘有排追
男角方面,祥仔今次無上次柴九咁大迴響,本人唔係咁睇,只講琴日佢痛罵日本仔果集,拳
打腳踢加最尾一槍,大快人心,換轉陳豪都未必做得好

無線外視部總監曾醒明一句話找不到適合場地為理由，就將《天天天晴》及《巾幗梟雄義海豪情》大結局移師返電視城舉行，雖然有很多商場競投參與節目播映，但因為今年聖誕節很多商場已布置妥當，所訂的區域範圍亦不夠容納他們過百藝員。所以就將《天天天晴》及《巾幗梟雄義海豪情》大結局搬返去電視城舉行，現在仲要邀請埋《依家有喜》的一班演員一齊參與節目，你話無線咁做是否過份！
邀請《依家有喜》的一班演員一齊參與節目即是不配合《天晴豪情熱滿城》節目話都明播《天天天晴》及《巾幗梟雄義海豪情》大結局，你邀請埋《依家有喜》一班演員上節目想搏宣傳咩？
同埋TVB一句話冇商場容納他們過百藝員。咁香港大球場較大卦？可以係香港大球場都播《天天天晴》及《巾幗梟雄義海豪情》大結局東西邊看台加埋草地坐滿觀眾實行創做一個最多人一齊睇大結局的歷史。商場唔得咁大球場、維園、文化中心等地方都可以播大結局卦？無線又唔試下申請這些場地，一定可以容納過百藝員及更多現場觀眾。無線此舉擺明就係想壓抑《義海豪情》仲要係唔想俾《義海豪情》的九姑娘鄧萃雯攞獎，罷明就係想陳豪及阿佘攞獎多啲。如果九姑娘鄧萃雯今年唔可以霖莊我個名倒轉寫，一於今個星期日2010年11月28日晚8:00pm至11:45pm大家坐定定係屋企支持兩套劇《天天天晴》及《巾幗梟雄義海豪情》大結局創當晚最高收視，打破《公主嫁到》。

[ 本帖最後由 S3N280_FX8032 於 2010-11-25 22:01 編輯 ]

原帖由 S3N280_FX8032 於 2010-11-25 21:57 發表
無線外視部總監曾醒明一句話找不到適合場地為理由，就將《天天天晴》及《巾幗梟雄義海豪情》大結局移師返電視城舉行，雖然有很多商場競投參與節目播映，但因為今年聖誕節很多商場已布置妥當，所訂的區域範圍亦不夠容納他們過 ...

你真係可能要將個名倒轉來寫啦，今日睇報章講今年採用新評審基制，30%觀眾投票+20%監製+50%內部評審委員會評核，而內部評審委員會由6位部門主管擔任，講真佢地權力凌駕於觀眾，這個明顯一個黑箱作業的做法，試想想這些主管會以公司利益為依歸，會否再頒俾對自己公司沒有最大利益的藝人呢?

呢個獎項呢幾年已經變質，變成一個利益獎，真係很失望，上年難得算係公平公正，但今年又可能故態復萌，令我很心痛，有網友係網上諷刺不如將個獎項改為「最賺錢男/女主角」，這又不是無道理。

至於得獎者女主角如果係阿佘，我都尚可勉強接受，因為佢個角色幾得意，阿佘亦將角色發揮得不錯，但男主角陳生，我唔識欣賞佢表面化演技，唔該無線要做馬也要搵過演技見得下人的啦，不過個人仍然覺得呢個獎係祥仔同雯女最好安排，講真連電台調查都以佢地得票最多，所以有時真係唔明為什麼無線要自己親生仔女成為被罵的對象。

講真，義海豪情一劇雖比起上輯巾幗集集高潮緊湊遜色，同部份場口拉得偏長，但係在劇集的背景和安排細緻可見得一班編劇和監製的誠意，相比起公主嫁到多次前後內容不協調，同埋只記得多個拍手場面為深刻，希望未睇過的網友有時間也一看，也希望追開的網友一定要繼續多多支持，最後提一樣野，如果仲未投票的，也要記得去投票，因為雖然30%，也盡力將30%去到最高點。

原帖由 butterfly 於 2010-11-26 23:57 發表
至於得獎者女主角如果係阿佘，我都尚可勉強接受，因為佢個角色幾得意，阿佘亦將角色發揮得不錯，但男主角陳生，我唔識欣賞佢表面化演技，唔該無線要做馬也要搵過演技見得下人的啦，不過個人仍然覺得呢個獎係祥仔同雯女最好安排，講真連電台調查都以佢地得票最多，所以有時真係唔明為什麼無線要自己親生仔女成為被罵的對象。

無線諗住親生仔女攞完獎叫價高好多
抽佣自然就高,收入隨之而嚟