[轉]住馬鞍山真係唔方便 住元朗好過

過海巴士681/680X係快， 但只限非繁忙時間,，早繁由馬鞍山出中環都要一個鐘，過八點三老隧口就塞，過左海東區走廊就由北角一路慢慢塞出灣仔，落雨天就更塞，試過八點四上車， 九點八先到中環， 而且車費貴，$19 。

680X 幾時有非繁忙時間

原帖由 h2o 於 2010-11-24 17:48 發表
講左幾次, 都係要講多次: 你睇人好, 人睇你好!

1. 又唔計下元朗去旺角, 尖沙咀, 中環要幾錢?
2. 又唔計埋新界西北多數人都要轉輕鐵, 既要腳程又要時間!
3. 如果 681/680X 係塞同貴, 咁 968 一樣可以係唔夠載, 全 ...

講左幾次，都係要講多次 ：某D人真係人心不足蛇吞象，身在福中不知福

1.新界西北距離市區較遠，車錢當然較高！如果除返每公里收費，唔知邊邊抵呢？又唔計下時間、轉車次數？o係彌敦道等北行巴士，睇下D 5*、6*、25*、26*號巴士既密度，係7*、8*、27*、28*幾多倍！仲未計合法非法村巴！270A入尖咀就唔批，轉過頭260X話要入尖咀就得！巴士讓完你地，鐵路再黎一鑊尖東歸西！

2.呢個情況唔係新界西北獨有！就算係其他區，一樣好多地方唔近港鐵，要巴士/小巴駁腳！反而區內滿街滿巷、幾乎每個角落、天腳底咁遠都有輕鐵/鐵巴，提供全日全年免費駁腳港鐵服務，就真係唯新界西北獨有！其它區只有大埔幾條屋村有類似優惠，仲要只限平日、紅日暫停！

人地除左「既要腳程又要時間」，仲要銀兩！好樂觀咁計，一程駁腳$3(好多時唔止)，五天工作，放假唔使OT唔出街，一個月22個工作天，駁腳費為每月$3 x 2 x 22=$132，已經夠買5,6本幾本雜誌，或出街食一餐中規中距既晚餐！或者捐畀慈善團體做善事都好！相比之下，新界西北有完善既輕鐵/鐵巴免費駁腳，已經比其他區都幸福！

3.你唔鐘意968，仲有其它選擇，合法非法村巴，新界西北出晒名多；港鐵，有東涌線、西鐵線，轉車次數、停站次數都少過人！反觀另一邊，只有一係巴士，一係條條線都到喉唔到肺，停站停到、轉車到阿媽都唔認得既港鐵！而且968行一轉，巴士公司所付既西隧、欖隧隧道費，高達$248，但除返每公里收費，居然比好多僅付$15既紅隧線都平！968根本係超值！

原帖由 JC3987 於 2010-11-25 01:39 發表
在下都係住馬鞍山, 自從九龍南線通車, 搭港鐵出港島返工真係轉車轉到好鬼灰.
首先點行法都要轉四次車 (以前往單純港島線車站如上環/ 灣仔計), 二來行邊條路都令人不快.
行荃灣線? 九龍塘/ 旺角迫兩次沙甸魚.
行 ...

之前有朋友住馬鞍山, 都係中環返工, 尖東歸西之後
佢就 大學 > 紅磡 > 南昌 > 香港
不過如果係金鐘以東的話, 呢個方法唔多合用

唔想去南昌的話, 紅磡站轉隧巴過海, 大把選擇
又唔係貴巴士好多

如果堅持要用鐵路過海, 大可以坐87D/85M/89D出九龍轉鐵路
呢幾條路線, 馬鐵開左之後都仲好密車, 差在你搭唔搭...

仲有馬鞍山交通好好, 好多地方都有一程巴士到
屯門, 元朗邊有咁多
(有部份連繫連市區都未必做得好好,
例如樂富去荃葵青, 得38/42c 呢兩條永世都唔夠載的巴士線]

而且車程唔算耐, 北角入馬鞍山, 就算坐671轉85M
頂盡係一個鐘頭三個字, 去屯門, 元朗都未必做到

樓主, 在第二個討論區開呢篇文的人真的身在福中不知福

[ 本帖最後由 12A 於 2010-11-27 14:58 編輯 ]

原帖由 mckhgc 於 2010-11-27 08:52 發表

講左幾次，都係要講多次 ：某D人真係人心不足蛇吞象，身在福中不知福

1.新界西北距離市區較遠，車錢當然較高！如果除返每公里收費，唔知邊邊抵呢？又唔計下時間、轉車次數？o係彌敦道等北行巴士，睇下D 5*、6*、25*、26*號巴士既密度 ...

得罪講句, 此 14 字, 我心神領會, 但我只怕 #1 發文者領會唔到自己都適用 .........

其實樓主個篇轉貼都唔怪得佢，
人一有利益係手，比人搶左係人都會嬲。

我自己覺得返中環，住半山保證滿意，行落山就得，
就算唔係住上環，遠少少既灣仔都唔太差。

題外話:
我上星期試過坐90B去中環轉地鐵，因為香隧炒車，單係香港仔至林士街已經40~50分鐘，
再用5分鐘落地鐵站。
鴨利洲海怡去中/上環差唔多1個鐘，1個鐘我由屋企樓下坐107點塞都就黎到九龍灣....

原帖由 ES464470X 於 2010-11-24 20:14 發表


(唔知元朗區有無村巴去港島東呢)

有...但係一係 o係雞地開
一條係朗屏開
雞地開的係陽光 NR945，多車，但停站多(信德、中環、修頓、炮台山、渣華道)
朗屏開係迅達的 NR926，去到西灣河，得一班，回程時間太早，而且有機會坐到頭機 UD...

原帖由 JP2010.KL1647 於 2010-11-24 16:26 發表
原本沙中線就係黎造福馬鞍山人
鬼叫九鐵/港鐵點都要東鐵過海咁白痴
第日沙紅線開左係紅磡轉東鐵過海一定比而家仲衰(加多鑽石山+土瓜灣馬頭圍何文田+東鐵轉紅磡過海巴人+西鐵人)
跟住仲要整條[屯門-九龍-馬鞍山]咁荒 ...

同意,屯門-九龍-馬鞍山哩個POINT真係荒天下之大謬,我住馬鞍山,去大西北都會85K--》269D/85K--》263一條直線過啦,
仲要搭西鐵咁兜紅磡,南昌,講真搭西鐵個價錢幾平都好,我都唔會咁搭,枉MTR個網仲SHOW住'方便新界東西往來'。過海果度,我都唔知會塞到點樣,紅磡馬鐵轉東鐵,只不過冇左班荃灣線既客迫,但係就多左馬頭圍班客,
個轉車站變左係紅磡,唔係九龍塘,落到金鐘站一樣咁迫...
哩個就係一個馬鞍山人對沙中線既評語。
造福馬鞍山人??我唔覺。

[ 本帖最後由 hokwanlam 於 2010-11-28 22:10 編輯 ]

原帖由 hokwanlam 於 2010-11-28 21:50 發表






同意,屯門-九龍-馬鞍山哩個POINT真係荒天下之大謬,我住馬鞍山,去大西北都會85K--》269D/85K--》263一條直線過啦,
仲要搭西鐵咁兜紅磡,南昌,講真搭西鐵個價錢幾平都好,我都唔會咁搭,枉MTR個網仲SHOW住'方便新界 ...

我都同意原本沙中線 (馬鞍山-紅磡-金鐘/中環) 果個佈局最合理.
因為咁樣東西鐵可以原封不動, 東鐵唔駛減卡, 唔駛由旺角東開始下潛, 分分鐘建造時間都短 D;
東/西/馬三線行車時間可以保持四十分鐘左右的合理時間, 又容易因應各線需求調整班次.
印象中呢個係顧問報告出於專業考慮的建議吧, 似乎比較理智.

不過諗落東西線呢個佈局又唔係咁一無是處, 始終鐵路載客量, 收費制度都唔同巴士,
唔係下下諗做點到點 (屯門-馬鞍山).
你當佢一條大流水線, 唔預咁多人會坐全程,
主打 "新界西-九龍東/西", "沙田東/馬鞍山-九龍東/西", "九龍東南-九龍西" 已經夠剎食.

而且將來東西線沿線會與 南北線/ 觀塘線/ 荃灣線/ 東涌線 交滙 (仲未計高鐵同輕鐵),
計埋轉一次車的覆蓋範圍認真不得了.
我其實唔貪心, 唔係下下要一程車直達, 如果由烏溪沙出發轉一次車以內去到上述咁多路線各站,
轉兩次車可達港鐵全線車站, 我認為可以收貨啦.
問題係, 唔該起快 D 囉, 依幾年我地動不動轉三四次車先到目的地呀陰功.....

原帖由 hokwanlam 於 2010-11-28 21:50 發表

同意,屯門-九龍-馬鞍山哩個POINT真係荒天下之大謬,我住馬鞍山,去大西北都會85K--》269D/85K--》263一條直線過啦,
仲要搭西鐵咁兜紅磡,南昌,講真搭西鐵個價錢幾平都好,我都唔會咁搭,枉MTR個網仲SHOW住'方便新界 ...

雖然東西線坐全程的話停站多,
但只需一小時多少少就可由馬鞍山去到屯門其實好吸引,
起碼係馬鞍山上車一定有位坐, 坐足全程
亦唔駛係城隧轉車站再等多一次車~
若根據現有收費, 巴士城隧轉車就只有車費平的優勢
(巴士 往元朗/天水圍 40X/43X $7.9+$7.5 - 269D = $15.4,
         往屯門 40X/43X $7.9+$6 - 263 = $13.9
鐵路  馬鞍山往元朗至屯門  $18.6)

不過馬鞍山區往港島市區的需求應該大過往新界西北區,
俾著我係果邊居民都寧願要鐵路一程過海都唔要一程去到元朗至屯門
一程過對面海, 自己住果個單位都值錢D

原帖由 hokwanlam 於 2010-11-28 21:50 發表
過海果度,我都唔知會塞到點樣,紅磡馬鐵轉東鐵,只不過冇左班荃灣線既客迫,但係就多左馬頭圍班客,
個轉車站變左係紅磡,唔係九龍塘,落到金鐘站一樣咁迫...
哩個就係一個馬鞍山人對沙中線既評語。
造福馬鞍山人??我唔覺。

如果俾我想象將來點過海呢, 紅磡馬鐵轉東鐵唔會係首選.
要轉東鐵過海? 一早響大圍轉左啦 (南行過對面就轉到車).
如果目的地係中環 (南北線好似只到金鐘), 或者馬鐵有位坐唔捨得落車? 搭到尖東站轉荃灣線好過啦.
以我當年朝朝搭東鐵到尖東轉荃灣線過海所感, 其實尖沙咀上荃灣線唔會好迫, 因為本身荃灣線到尖沙咀站都好多人落車.
十次有九次半都上到第一班車, 間中仲有位坐添!

現時馬鐵最大問題係只到大圍, 定位上不離一條 "東鐵支線", 只能夠轉東鐵, 條東鐵又只能夠轉條 "過唔到海" 的觀塘線.

所以有沙紅線馬鐵便 "升呢" 做區外線, 再遲 D 有埋東鐵過海馬鐵也間接得益, 或多或少係造福馬鞍山人.
不過講到尾, 馬鞍山人不是 "大贏家" 就是了.
大贏家會係本來只到紅磡, 但將來 "瓜分" 掉原沙中線的東鐵西鐵.