三保幾問

為籌備幾星期後買車，今日搵o左幾個做保險o既 fd 幫我手報價。為方便比較幾個 fd 覆俾我o既報價，想問問各位前輩以下問題︰

1) 廿一歲，一年牌齡，0% NCB，買十三年車齡 1500cc 車o既三保合理價錢大約係咩範圍？
2) 其實可唔可以搵夠牌夠歲o既人代出三保？如果可以，除o左o係司機度寫我個名，仲有D咩要注意？同埋如果咁做，會比用我自己個名出三保價錢差幾多？

唔該晒各位~

我用返上年保險佬同我講過既野答啦~~希望幫到你啦..

1) 廿一歲，一年牌齡，0% NCB，買十三年車齡 1500cc 車o既三保合理價錢大約係咩範圍？
**
13年..假如係大廠出品..例如係100仔既...應該仲可以出到既..因為當年保險佬同我講就係十年車係比較難出;
21歲, 1年牌, 哈哈..同我一樣啦....理論上係無保險公司會出比你既...咁當然會有辦法幫你出到啦.
要留意就係墊底費方面..可以唔止$5000或$10000一項, 咁我俾返個參考保險就係$12000,
所以最好就係搵其他人幫你出啦...3千蚊鬆d應該無問題....我就係搵有限公司既...

2) 其實可唔可以搵夠牌夠歲o既人代出三保？如果可以，除o左o係司機度寫我個名，仲有D咩要注意？同埋如果咁做，會比用我自己個名出三保價錢差幾多？
**
應該上題答到大部份既野啦..司機度直情可以唔寫你個名添..咁但係因為保險係跟車主既名..
所以牌簿上既車主就會變左第三者..(例如你朋友), 要注意既事就係假如你朋友不幸破產, 財務公司
直情有權拖走你部車..就係登記車主係你朋友..
假如寫埋你個名落保險度既話, 保費理論上會俾唔加名既為少...但又因為無你個名既關係..
墊底loading有一項就係unnamed driver.....一個touchwood要claim既錢..就係賠多少少...
咁要自己考慮清楚啦..

希望幫到你啦..客氣~

原帖由 Mr.Sheep 於 2006-1-15 20:56 發表
內文從略

1) 我就係打算買 AE100 或者 EG8 呀~

2) 都係唔係狩明，咁如果用人o地名出工保，如果司機加我名，保費會唔會比唔加我個名為高？

＊唔該晒您~

假如用第三者個名去出份保險..再加上閣下的姓名的話...
保費會比較無加閣下姓名的為高~~
但墊底loading就可能比較低...

風險就係一個touchwood撞車claim錢...保險公司有機會唔認數..
假如肇事司機同車主唔係同一個人..

原帖由 FX8173 於 2006-1-15 19:46 發表
為籌備幾星期後買車，今日搵o左幾個做保險o既 fd 幫我手報價。為方便比較幾個 fd 覆俾我o既報價，想問問各位前輩以下問題︰

1) 廿一歲，一年牌齡，0% NCB，買十三年車齡 1500cc 車o既三保合理價錢大約係咩範圍 ...

哇..你咁講, 攪到我唔敢答你野呀…

ANYWAY…
1. 十三年既車係要加LOADING…, 唔夠牌, 唔夠齡, 真係要成萬以上先出到…
2. 代出當然冇問題啦, 而風險方面, Mr.Sheep兄已經講左, 小弟都唔多講了…
但有一點以講就係, 加你個名係唔會令墊底費降低, 因為你唔夠牌齡又唔夠年齡…反而有機會上調… LOADING就係因為車齡高而加的, 所以就唔會因為你係邊個
而加減, 只會因為你部車而加減…

照大家咁講，即係如果我我名出，三保要成 $10K 喎…等我原本仲打算係 $8K 之內o忝…
等我個 fd 今日下晝報o左價俾我再睇下搵唔搵人名出先~

架車過十年都要加Loading