討論巾幗梟雄義海豪情大結局：

這兩晚巾幗梟雄義海豪情大結局真係睇得好感人，尤其是劉晴(陳法拉)與楊陽(黃浩然)生離死別，另人傷感。另外主角鄭九妹(鄧萃雯)又係要與劉醒(黎耀祥)分開30幾年，到年老先再在豬籠里重逢，不過最後個結局要鄭九妹與劉醒一先一後死好似寫得太多，我覺得佢地兩個一齊死先叫完滿，但要交代翻第一集鄭九妹去萬人坑找公事包。最終都能夠交代鄧萃雯與黎耀祥一齊都叫好的結局。上輯個結局柴九要與康寶琦相愛不能愛最終剩下四奶奶康寶琦一個，今輯好似係俾一個觀眾完滿的交代。真係要多謝添哥李添勝。

尚有一個星期睇下巾幗梟雄義海豪情會否成為TVB萬千星輝頒禮2010的大贏家。

批評之處 - 拖得太長, 播得太多舊片段, 適當cut走的話套劇可以個半鐘內搞惦

欣賞之處 - 編劇明顯有做功課,
解放後豬籠里街坊打扮及化妝都反映到時代背景和年紀
但九妹的化妝好像太年輕

首尾呼應做得出色
結局解答了很多第一集出現的引子, 其他劇很少做到

ps 排骨等人都很有情義, 九妹喪禮當日他有到場, 兼同九妹的孫女坐
但九妹幫手湊大的麗華(胡定欣)卻無影

第一集開頭講到九姑娘會老死左，而且個劇情無第一集做得好看。而第二集感覺刻情差左少少。但是最好結局都算有交代。

而加跟本無以更吸收力，所以留番多D時間去看書、上網、做功課仲更加好。

[ 本帖最後由 DE2889 於 2010-11-29 08:58 編輯 ]

有點怪，結局中３人都是坐著死去

劉醒突然咁死法，九妹都無反應


唔好話麗華，喜姐都無交代到

個人對大結局睇法:頭兩節拉得過長，晴晴的死雖然很是淒美，但係太長啦，之後劇情就很緊湊，九妹和醒哥重遇那段安排不錯，影番一些佢地以前一齊難忘片段，不過搵黎耀祥唱紅蝴蝶，把聲好像怪怪，反而加多一些佢地在三十年來的轉變，就更加好啦

整劇感覺，太偏重楊晴部份，原意希望將二個年輕人的感情來緩和一下，可惜戲份失去平衡，使有唔少時間浪費左在談情，令戰爭場面好多都係輕描淡寫，但總括整劇故事算是幾吸引，每個角色的性格描寫很是獨特，在tvb近年原創劇集中的一個佳品。

個人認為義海豪情個 ending 已經算好, 最小交代左兩位主角先 ~
以往大多數劇集個 ending 就係要你自己諗, 可以話有頭冇尾 (我最唔鐘意就係個 d 要自己諗個一種)
反之今次交代左九妹, 醒哥到最後一齊, 老死已經算叫係大團圓結局 ~

至於麗華個方面, 唔係話佢起美國已經嫁左比第二個啦咩 ?

今早電台節目講到昨晚義海豪情結局收視，平均收視為44點，最高收視為47點，雖未能如兩位主角所願，打破劇集《大長今》收視，但此紀錄暫時成為2010年結局夜收視最高的劇集。

內容方面：對白似乎要遷就內地播放「標準」，用「我們國家」替代「國民政權」、「新政府」替代「中共政權」。
改圖方面：他們遊埠的改圖，啟德機場的背景應該是1998年搬去新機場前的圖片。

結局算係咁啦~
不過同意晴晴拖得太長
有點兒妹仔大過主人婆

麗華出唔出其實都唔太大影響
所以唔安排佢返嚟喪禮都冇乜問題

原帖由 butterfly 於 2010-11-29 13:11 發表
今早電台節目講到昨晚義海豪情結局收視，平均收視為44點，最高收視為47點，雖未能如兩位主角所願，打破劇集《大長今》收視，但此紀錄暫時成為2010年結局夜收視最高的劇集。 ...

回應翻版友butterfly，昨晚巾幗梟雄之義海豪情大結局平均收視44點，最高47點，撼贏結局只收44點的另一部劇集《公主嫁到》，多了十幾萬觀眾收看而最高收視是劉醒在山頂倚著九姑娘離世的一幕，但同時段亞視的《恩雨之聲》節目竟然錄得零收視。

至於全劇平均收視計：
《公主嫁到》214萬觀眾
《義海豪情》210萬觀眾

不過睇完巾幗梟雄之義海豪情大結局後覺得係今年最好的劇集，尤其是星期六、日最尾這兩集，真係好感動，另外可以前後呼應交代九姑娘去廣州萬人坑找公事包，至於麗華方面我覺得應該由九姑娘交代她去左邊，根本出唔出都冇所謂。希望無線出年拍多Ｄ類似義海豪情更好的劇集。

[ 本帖最後由 S3N280_FX8032 於 2010-11-29 20:18 編輯 ]