冇人提?定冇人知?今日是合併3週年

原帖由 dippy 於 2010-12-3 00:22 發表
你可以話佢借機加舖頭, 但係改完都證實到MTR在管理方面係比前九鐵成功既

其實我一直唔明點解有人會認為加舖頭係罪大惡極。

除非加舖頭令到原來方便乘客既設施變得不方便，否則增加舖租收入及令乘客有更多購物選擇，從企業角度，乘客角度，都絕對唔係壞事。

兩鐵合併都為大家帶來不少利與弊
利：
1.不用出入閘轉乘地／九鐵
2.較低車資（到現時為止暫時仍然是）
3.同一個管理系統，同一個鐵路網絡，當旅客查詢時會更為方便
4.兩個同一的管理系統，會大大降低內部需要執行指令的時間
弊：
1.港鐵將壟斷市場，之後的車資可能會繼續調升，加至合併前水平
2.很多車站的名字需要重新修訂，例如旺角火車站會變為旺角東鐵路站，九龍塘火車站會變成九龍塘港鐵站。此外，尖東與荃灣西也是一些較容易調亂的車站。
3.九廣鐵路的一切一切只剩下回憶
4.港鐵節儉的作風導致列車的更新速度可能變慢
4.九廣鐵路沒有一條限制“火車迷”照相的條款，然而港鐵公司則列明不能在車站範圍內照相

其實，大家擁有一個完善既鐵路系統，其實係應該自豪。縱使香港鐵路公司的行事作風可能會令很多人（包括鐵迷）感到不滿，但是與其他國家比較，香港鐵路已經算是一個管理水平較高的鐵路公司。

同時再次在此懷緬九廣鐵路公司（局）在這97年為我們服務的日子

原帖由 matthew20029 於 2010-12-3 00:35 發表
弊：
1.港鐵將壟斷市場，之後的車資可能會繼續調升，加至合併前水平

如果從未合併，根本唔會出現車費低於合併前車費水平的情況。因此你呢個所謂既弊處，先決條件係一個已經發生左既好處，即係車費下調。

因此，我在上面 利 的部份已經寫上 較低車資

無可否認，當初的價格一定會比較便宜
但隨著時間流逝，港鐵繼續壟斷市場，
就會令車資不斷提高

要知道，港鐵是一間比較愛錢的公司

原帖由 matthew20029 於 2010-12-3 00:46 發表
因此，我在上面 利 的部份已經寫上 較低車資

無可否認，當初的價格一定會比較便宜
但隨著時間流逝，港鐵繼續壟斷市場，
就會令車資不斷提高

要知道，港鐵是一間比較愛錢的公司 ...

其實呢點除左壟斷之外, 另一個因素係政府設定左可加可減, 除非再出現經濟不景, 否則加價一事可安枕無憂, 只差在多或少.

其實如果你乘搭頭等的話，坐東鐵轉地鐵，價錢根本完全與合併前無分別

原帖由 kc_loo 於 2010-12-2 19:20 發表
應該為香港鐵路發展新一頁而高興

可圈可點, 究竟係 "香港的鐵路" 還是 "香港鐵路 MTR" 呢 ........

街上多數人都會話香港的鐵路咪即係 MTR 囉, 但恕我不能認同, 或者話, 我認為唔應該係咁 (一間公司做獨腳戲)

原帖由 matthew20029 於 2010-12-3 00:46 發表
要知道，港鐵是一間比較愛錢的公司 ...

正確來說，港鐵是一間上市公司。上市公司的其中一個特點，是為股東爭取最大得益。