唔知有無 Post錯版，因為呢個topic都幾綜合...
如果錯版，勞煩版主移去適當版面，謝謝！
見到隔離鐵路版有人轉貼話轉馬鞍山都話自己交通唔方便，有感而發...
如果大家有留意小弟發文，都知道我住上葵涌，即係石蔭,安蔭,石籬果頭，
好多人以為馬鞍山，東涌，屯元天的交通唔好，請你用幾分鐘聽聽住葵涌的朋友的一點經歷...
地鐵
果邊唔近地鐵站，行落去(其實係落山)要20-25分鐘，搭車唔計等車，
都要20分鐘(重要望和宜合道無塞車)，重要用你 $3.4...
繁忙時間你會見到返上葵涌的巴士線大排長龍，過左1815後基本要等2-3班車先返到屋企，重有機會要企...
(呢個就係31M咁短路程都會有三架蛇同大量 order的原因)
非繁時走左一班車？恭喜你，要等10-15分鐘，除非你鐘意用30-35分鐘行上山吧！
用地鐵過海，特別港島東，其實唔快...
巴士+地鐵去中環，要一個鐘，
巴士+地鐵去港島東，要75-80分鐘...
轉車？去港島轉1-2次車，去東九龍都係轉1-2次車...
不過轉幾多次車，都係好大機會無計坐。
收費：$1X (成人價)
巴士(東九龍)
38，42C定線很人道，但很多時候無位上
40P...我不求全日，但給我回程，好嗎？
坦白，作為一個上葵人，行10-15分鐘去青山公路有直車出東九龍，我唔會怨咁多，
但問題係繁忙時間無位上，非繁時大機會無位坐...
正常車程(唔計等車，等車約5-15分鐘)，去鑽石山20-25分鐘，去觀塘35-50分鐘
收費：$7.6...(38,42C分段)加多少少錢觀塘番大埔都得！
去將軍澳？駁多程車吧！總共時間 >1小時
巴士(西九龍)
班次叫密少少的得35A，請留意呢條線行哂成段彌孰道+長沙灣道，無特快比你選的！
32 & 31B？ 根本行後街，服務唔到大眾
36B：近年有起息的路線，不過兜入元洲街用多左10分鐘而已...
繁忙時間問題：過左旺角無位坐(35A)，過左長沙灣無位上(35A+31B)
非繁忙時間問題：基本由八點起SSP見親35A都頂閘，31B班次係15分鐘一班
32&36B? 和宣合道行返上石蔭,安蔭，基本同你等多兩班車時間一樣
正常車程(唔計等車，等車約5-15分鐘)：
尖沙嘴返上葵涌(35A)50-75分鐘，重要望無塞車...
旺角返上葵涌(35A)30-45分鐘，都係要望無塞車...
長沙灣，SSP番去上葵涌會快點，但都要15-25分鐘...
收費：$6.7(35A)...點解281A重平過35A？
巴士(港島)
935只做繁忙時間，上繁客量多到已經拆左線(石梨、安蔭開)，
但我都好坦白，覺得葵青開全日線，唔會開935先
去南區(e.g.香港仔)？要去中環或金鐘轉車...時間：75-100分鐘
去東區(e.g.太古)？搭38 / 42C 去觀塘轉地鐵會快D...時間：75-100分鐘
收費：$15.x (同地鐵轉巴士差唔多)
巴士(新界東)
去上水、大埔，馬鞍山？請利用去地鐵站果幾條線到昌榮路轉車，
轉車後有位坐是緣分，無位坐是應該。
正常車程(唔計等車，等車約5-15分鐘)：10-15分鐘 + 35-60分鐘
收費(用左轉乘)：$8.x-$12.x，視乎你去新界東邊度
巴士(新界西)
可以行去光輝圍(15-20分鐘)，或者搭車去大窩口地鐵站(10-15分鐘)轉車，
入屯元天基本用35-50分鐘就可以，當然呢個時間唔包你等車同埋大欖隧道口轉車時間吧！
入機場的話，可以搭E32，非繁只兜青衣北，非繁兜埋青衣南吧！(時間45-60分鐘)
價錢(用轉乘)：$8.X-9.X(屯元天)，$10.5(機場...估唔到入機場平過過海吧！)
小巴(綠小)
83A,86,86M，去荃灣：同一間公司做，基本上無心戀戰，用車殘到過60km/hr都會有怪聲(果幾架新車例外)，
繁忙時間基本唔夠車，過左晚上八點就開始收車...
正常車程(唔計等車，等車約5-8分鐘)：20-25分鐘，因為兜完成個上葵涌先會返到石梨
收費(用左轉乘)：$4.1
403/403A/403X
AMS 賺錢系列，去沙田(403,403A)/大圍(403X)亦係小弟趕時間的救星，
搭左佢轉東鐵去尖嘴一定快過搭巴士，但繁忙時間你預佢回唔切車同埋唔總站上好大機會無位...
正常車程(唔計等車，等車約5-8分鐘)：15-25分鐘，望和宜合道無塞車
收費：$8.5 (趕時間，價錢貴都無計)
小巴(紅小)
落旺角：留意係咪「直通車」，唔係的話，同你慢慢在荔枝角道兜客...
時間：15-20分鐘(直通車)，25-35分鐘(非直通車，同搭巴士差唔多)
收費：$11(唔好問我點解，我都唔知點解同埔旺同價！)
總結：
上葵涌的交通費，叫唔平，亦唔貴；
上葵涌去每一區的時間都很平均，基本90分鐘可以去到香港陸上去到的地方(離島例外)，
但個問題係上葵涌去每一區的時間都偏長，基本都要用>30min...
相對青衣半山，同南區的交通來說，上葵涌交通比上不足，比下有餘，
其實，住上葵涌的街坊，其實都習慣左長途交通，都無咩怨言，
只希望巴士公司和小巴公司唔好收咁多車，有車比我返屋企...
住馬鞍山交通差？看看上葵涌的例子吧！ |
評分
-
查看全部評分
|
|
|
|
|
|
|
|
|
屯元天可以搭31/36轉屯元天M線...變相第一程(接駁之程)免費. |
|
|
|
|
|
|
|
|
根本兩樣野唔可以拉埋一齊講
(你覺得)上葵涌比馬鞍山差
唔代表馬鞍山唔差 |
|
|
|
|
|
|
|
|
從來呢d嘢都係好主觀
而且你睇我好,我睇你好
有邊區交通係無敵?
即使好似東涌咁,差唔多區區都有車到
車費咪又係貴,搭車時間咪又係耐,係咪?
所以話,呢類post都係唔開好過開
通常最終都係引起罵戰... |
|
|
|
|
|
|
|
|
原帖由 小軒 於 2010-12-7 06:08 PM 發表 
北區先最慘
青衣都有41A全日去TST
北區冇
北區返大陸夠係最快最方便啦
唔見你講既??
都話每區總有方便同唔方便既時候 |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
