新K場大戰: Neway vs RedMr

自從 Neway 收購加州紅一統天下後
收費貴, 唱歌時間又少, 亦無四大唱片公司歌手的新歌

羅傑承斥資的新K場 RedMr
將於12月18日於銅鑼灣皇室堡及尖沙咀加拿芬道開業
以四大唱片公司歌手及周杰倫的新舊歌作主打
但Neway、英皇、東亞、TVB歌手的歌都仲會o係 Neway...
http://www.redmr.com/


不過希望多返d競爭,消費者會受惠啦~

[ 本帖最後由 limited 於 2010-12-10 23:18 編輯 ]

即係RedMR係冇英皇果幾間歌手既歌？
照計如果RedMR肯同佢地買佢地應該唔介意多個財路
定還是NEWAY洗橫手？

希望羅生可以打低Neway...
由始至終都唔鍾意Neway
好似完全唔care你係顧客咁,食物質素又差

始終有競爭先至有進步

都係一件好事來的...

支持羅生...

下？？英皇不嬲都唔興玩neway獨家..咩錢都要賺ga wo...
冇英皇我就真係唔去新K唱喇...


我唔覺得Neway收費貴同埋歌唱時間少。

收費貴︰就係因為加洲紅收費貴先至頂唔住..而且neway o係收左加洲紅之後「竟然」沒有乘機加價...

唱得少？？好多間分店包括尖東CEO、元朗CEO，你肯早一日book房及到達指定人數就可以該時段無限唱...
(灣仔、瓊華、佐敦、neway city分店等於一至五更只需2位都可以無限唱)


根據新聞報導..新卡拉ok只會買歌曲版權一至兩年..首歌過左一至兩年..如果neway肯買..應該neway都唱到...
最重要的..都還是看新卡拉ok的價錢..但睇佢兩間分店都o係d咁高級既地方...sorry..相信我幫襯一次後仍然會幫襯neway

[ 本帖最後由 lsc04d11 於 2010-12-11 09:58 編輯 ]

加洲紅根本唔係收費貴至頂唔順，而係人地無心再做香港市場。
何況尖沙咀同皇室堡都叫高級？加洲紅以前根本係隔離。

咁講法，真係好懷念以前七國咁亂的K market

香港之K地︰旺角區...
尖沙咀區已經比旺角區高級

銅鑼灣區都唔算高級...仲要皇室堡，租都貴啦...

雖知首批分店/主店是應該位於這些地區，但我地D普通學生...花不起這樣的租...
唔高級既地方大把..e.g.上水(未有k場)、沙田(富豪太僻了)、將軍澳、觀塘、深水埗至長沙灣、屯門、天水圍、葵芳(neway執左)、大角咀

難道真的要到中環開才是高級？？尖沙咀同銅鑼灣都唔係高級地方？？？

還看他的十間分店會開在哪..(羅生誇口說下年開十間，睇下佢做唔做到，能否兌現承諾)

原帖由 lsc04d11 於 2010-12-11 18:47 發表
香港之K地︰旺角區...
尖沙咀區已經比旺角區高級

銅鑼灣區都唔算高級...仲要皇室堡，租都貴啦...

雖知首批分店/主店是應該位於這些地區，但我地D普通學生...花不起這樣的租...
唔高級既地方大把..e.g.上水(未有k場)、沙 ...

首先，咁多年以黎，唱 K 之地同旺角無關係，
開係旺角係因為有需求，而且 Neway 要鬥多舖去搶生意，
其實旺角開卡拉OK賺得唔多，旺角根本養唔起咁多間 K 場（收購完加洲紅，即刻要執一堆就知）。

反而咁多年以黎，養得最多唔同卡拉OK反而唔係旺角（多只係 Neway 開得太多舖），
真正唱 K 之地一直都係銅鑼灣同尖沙咀，直至而家都係咁。
無咩人會係旺角開細 K 場（一睇 K-net 就知），旺角開 K 場，唔係大舖就執得。

唱 K 本身目標對象唔係比普通學生黎唱，因為唱 K 本身係高消費野，
Neway 同加洲紅（GreenBox）做埋學生，係要做大個市佔率去搶客。
由頭到尾做學生 K 一向都唔賺得錢，只係費事由得間房吉左佢。
尤其係旺區堆舖位，唔做學生一定執得，分分鐘連租都俾唔到。

另外，計樓上大舖租金，其實旺角唔平得尖沙咀去邊，
如果近旺中，其實佢租金拍得住尖沙咀，
所以旺中、瓊華 Neway、家樂 Green Box 根本好貴租，高唔高級唔亦睇貴唔貴租，而係睇個場。
係 IFC 開卡拉 OK 依 D 真係高級，皇室堡依 D 年青人商場，只係普通野。

[ 本帖最後由 dennis28a 於 2010-12-11 20:10 編輯 ]

原帖由 lsc04d11 於 2010-12-11 18:47 發表
香港之K地︰旺角區...
尖沙咀區已經比旺角區高級

銅鑼灣區都唔算高級...仲要皇室堡，租都貴啦...

雖知首批分店/主店是應該位於這些地區，但我地D普通學生...花不起這樣的租...
唔高級既地方大把..e.g.上水(未有k場)、沙 ...

上水,去粉中間neway lo~