過海線聯營問題

其實早於15年前,運輸署以及多間巴士公司都意識到過海線聯營帶來不少問題,例如爭生意,脫班等等,導致營運質素惡劣,因此在當時開始,很多新的過海線均是獨營,而那些獨營路線的服務質素也相對地高.

前幾日我在觀塘做攤位,見到連續15架新巴101去到裕民坊私牌走人,而我在早前搭101由灣仔去觀塘,出現6位新巴車長集體碌車搏過鐘大腳踢去堅城既情況,結果由灣仔去觀塘係交通暢順之下搭左70分鐘.現時過海聯營線既做法(107,307除外),係如果巴士到達總站,已經係對家公司既時段,就要私牌踢車走.以101為例,那15架新巴返到裕民坊,已經係九巴時段,而該總站一架九巴101都冇,結果那15架新巴全部私牌走,半個鐘之後先有2架九巴101私牌入去裕民坊載客,令原本3-5分鐘一班既101,搞到半個鐘先有車,或者係有車唔做生意等等.事實上,呢個情況發生係每一條聯營過海線身上,101,102,104,106,110,111,112,113,116,671,905最為嚴重,就算係正常交通情況,一樣係唔夠跑,而且因為聯營問題而加唔到行車時間,搞到巴士公司不斷私牌,受苦既只係我地呢班乘客.

其實運輸署可否於下次巴士公司專營權屆滿時,發出短期專營權給聯營過海線,直到三間巴士公司的聯營過海線專營權於同一日屆滿,然後運輸署就將所有聯營過海線分三組公開招標,每間巴士公司分一組,到時所有過海線全部獨營,在巴士運作調配上更靈活,更公平,反正紅隧塞車問題,十年內都解決唔到.

大家不妨討論一下.

原帖由 FBI2 於 2010-12-12 11:04 發表
其實早於15年前,運輸署以及多間巴士公司都意識到過海線聯營帶來不少問題,例如爭生意,脫班等等,導致營運質素惡劣,因此在當時開始,很多新的過海線均是獨營,而那些獨營路線的服務質素也相對地高.

前幾日我在觀塘做攤位 ...

101 多數唔係咁踢法，
通常係全線都有些少過鐘，對面岸總站(打個比喻堅城)踢另一間公司(繼續打比喻KMB)部車中途起載，結果o個班車左過自己新巴尾o個堆D 車返到去觀塘，部九記車準時到，準時咁轉左做九記時段，咁暢理成章所有新記車要踢走....但開左班九記之後，不斷就只有一堆過鐘o既新記到，跟住過鐘o個堆九記二三四車就仲未到o個段時間就一直冇車開....個別其他線如果全線都有過鐘，有時人地時段都會照做，113 o個D 過開鐘o既，兩邊總站多數都會照俾對岸公司做自己時間....


我自己試過好幾次，101無論九記定新記，當堅城條坑一部車都冇o既時候，就有一部101 私牌入黎擺坑尾等開車，呢段其間另一間公司尾段o既所有車因為過鐘踢走....

[ 本帖最後由 VA54-HN8897 於 2010-12-12 11:46 編輯 ]

各自利益問題, 分臧吾均. for example: 我畀條112你, 你畀條116 我, 但你又有條108攪攪震. 仲有講到尾, 可以話自己網絡覆蓋大,  Lastly, 又寄望沙中綫到時, 各紅隧綫收入減少, 易傾些

聯營線，好難話做到好公平，又多限制。
但獨營線自行食晒賺蝕時段，無人分擔又係問題。

個人覺得要fair play，聯營線可否成立附屬公司，3間巴士公司共同擁有(新城可合二為一，即係兩間)?
拆帳就舉例55，即係要賺得多，大家都要放多d資源。是但一間做得hea都會影響最後拆帳利潤。

又或者視乎公司出車數量決定拆帳比例，多effort個間公司就分多d~
同埋要統一所有規矩。

長遠:  當然係獨營最好, 但要等一個時機, 如上所述沙中線開張;
中線: 疏車線改為一人一班/兩班, 咁雙方得失唔會太受時段影響, 例如307;
短線: 好似101 呢個種過鐘情況, 可否彈性處理, 例如10部過鐘車畀返3部照開, 3部半私, 4部全私?
另問, 新記車長一定要聽命於九記站長開車時間/私牌指示嗎?

其實 101 呢類車海聯營線的確係比較特別，
好多時明明新巴時段都未完搭到返去觀塘，九巴已經有車擺定等開車，
目的好明顯，就如板友所講，一轉時段所有新巴都要踢走。

但講起聯營線，
我又有兩個疑問。
一個係早前早繁見到 690 脫班，
原本 0850 康盛會開走城巴尾車，之後 0903 就係九巴時段，
但係當日九巴頭車夠鐘開都未返到康盛，
去到 0920 就有架城巴 81xx 開出黎載客過海。

點解明明九巴時段開始左，
九巴站長仍然會派架城巴出黎，而明明城巴尾車已開，又何來有架城巴o係康盛等做 690 呢？

另一個疑問，
就係聯營線尾車如果因為壞車無辦法準時開出，
咁對家會唔會幫手頂左班車呢？
因為好多時聯營線尾班車都係o係對家地頭開返自己地頭。
例如 103 竹園尾車o係總站著唔到車，咁應該係城巴派架空車去做返呢班尾車，
定係會由九巴拉車過去頂左班車，準時開呢？

原帖由 3ASV174 於 2010-12-12 13:57 發表
其實 101 呢類車海聯營線的確係比較特別，
好多時明明新巴時段都未完搭到返去觀塘，九巴已經有車擺定等開車，
目的好明顯，就如板友所講，一轉時段所有新巴都要踢走。

但講起聯營線，
我又有兩個疑問。
一個係早前早繁見到 690  ...

冇計啦，690本身都蝕到喊,同埋班次疏,站長有時都會協調一下,103和171都有呢個情況,但長遠來說,過海線聯營不是上策,結果而家112養左班碌神出來.

咁一D唔好搵既線邊個投先...?

咁有d蝕錢過海路線點處理？