難忘的2005年12月 - 世貿部長級會議在港舉行

五年前的今天便是世界貿易組織部長級會議在香港舉行的開幕儀式，同日一大批主要來自南韓的示威者在這六天的會議日子內差不多每天都在舉行示威及遊行，尤其是12月17日更令到整個灣仔變成「死城」般，不但所有區內商店被迫關門，車輛無法前往外，地鐵亦要不停灣仔站。

那些情景到了五年後仍然無法忘記，另外最記得的便是在幾個地鐵站（如無記錯的話是銅鑼灣、灣仔、金鐘、中環及尖沙咀）的廢紙箱被拆走，及貼上「基於保安理由，暫停使用」。

我自己沒有親身經歷，感受不太深，記得當年我係準備緊考試，警方嚴陣以待封閉告士打道之際，
我正在溫習「無脊椎生物」一科，有好多生字要記，不過掛住睇電視，都無乜心機溫書。

2005年夏天我才剛剛去過韓國旅行，半年後就到韓農來港「旅行」了。
當年戰戰競競，現在回想，不也是過眼雲煙。

當年好似戰地記者的拍攝, 不過以警察為主, 俾大家回憶, 呢D 10年都無一次
的防暴陣容































[ 本帖最後由 3ASV196 於 2010-12-13 15:29 編輯 ]

最記得都係灣仔圍城果晚，有人影到相紅隧完全一架車都冇
呢D情境真係十年難得一遇，仲有D古古怪怪既特別巴士線

記得果時為免示威者用欄杆同地磚做武器,
地磚用膠水封住晒,
灣仔/銅鑼灣路邊巴士站的排隊欄變晒地面劃線
而家膠水當然無晒, 但用劃線取代排隊欄杆就繼續做緊

p.s. 唉, 咁就五年啦

[ 本帖最後由 Quanta 於 2010-12-13 23:53 編輯 ]

記得在2005年12月17日。
因為一次暴動，搞到全港島交通大癱瘓。

灣仔和銅鑼灣變死城。地鐵通宵行走和開90X和97X以疏導乘客。
香港仔隧道封閉。

原帖由 ~誰@359~ 於 2010-12-13 19:48 發表
最記得都係灣仔圍城果晚，有人影到相紅隧完全一架車都冇
呢D情境真係十年難得一遇，仲有D古古怪怪既特別巴士線

都唔駛話邊個影到，我記得電視台當晚直播都見到紅隧收費廣場咁多條
行車線係一架車都無，差不多熄得燈咁濟，另外當日灣仔地鐵站差不多
暫停服務，地鐵去到灣仔會停低但唔開門。

講起巴士仲有好多聯營線既車因為停駛要響對面總站滯留，例如 107
好似一大堆九巴車停左去華貴，因為香港仔隧道都封埋，好似批九巴車
最後拉大隊用薄扶林道同西隧返九龍。

原帖由 Quanta 於 2010-12-13 23:51 發表

記得果時為免示威者用欄杆同地磚做武器,
地磚用膠水封住晒,
灣仔/銅鑼灣路邊巴士站的排隊欄變晒地面劃線
而家膠水當然無晒, 但用劃線取代排隊欄杆就繼續做緊

p.s. 唉, 咁就五年啦

而家灣仔有部份路牌，背面0既鏍絲仲留有五年唔想
俾示威者拆落0黎當盾牌用，而裝上0既膠蓋。

原帖由 KG1428 於 2010-12-14 22:44 發表

記得在2005年12月17日。
因為一次暴動，搞到全港島交通大癱瘓。

灣仔和銅鑼灣變死城。地鐵通宵行走和開90X和97X以疏導乘客。
香港仔隧道封閉。

仲好記得當日成個港島交通被一分為二，西面只可以去到交
易廣場，東面最盡就淨係去到炮台山。

而薄扶林道就出現擴闊廿七年0黎，第一次遇到0既大塞車；
亦令到薄扶林線（包括 43X、46X 呢兩條當年吉車遊街線）
少有地班班都爆到九彩。

0個晚我仲好驚老豆因為咁而返唔到屋企（0個陣佢係大潭返
工），好彩佢都仲截到的士返0黎......