今日坐港島線，有車長開門時間奇短，未上完客就關門

頭先約1點係中環上車到太古，
一上車個車長好似好倉促要關門，
開門唔夠十秒就播"請勿靠近車門"，
但最後d客都係勉強上得晒。

去到金鐘站，對面荃灣車架車就黎，d轉車客就湧晒入車廂，
但係又同中環咁開門無耐就想關門，
佢地入緊個陣部車就關門，
跟住因為夾到人而要開過，
開到一半又關返，
重開四次之後車長就即刻開咪鬧乘客 。

跟住灣仔-北角站開門時間又係都幾短下；
到則魚涌站個陣又有好戲睇，
一開門即想閂門，連d轉車客未上晒就已經關門 ，
而佢地又唔係想衝入車廂，
月台上既乘客又要等多四分鐘 。

但o個段係非繁忙時間，每個站之間又係惰行，理應無乜遲到，
唔知點解個車長好快就關門。

小弟搭港鐵的次數唔多, 過往見親每逢轉車客上緊車, 都會等成批客上了大部份先響號關門,
但係近來我都覺得好似唔理三七廿一, 要開車就多人入緊都照夾.

上兩星期, 有晚約10pm搭到去金鐘轉港島線, 一落車d人就湧去港島線月台,
尾隨上緊車的乘客, 但係我班車的人只係上了頭兩成就關門, 老實說我企在
兩個月台中間都未聽到警號, 咁就望住班車開走。
之後下班車到來, 又係在轉車客上到幾個後就響關門警號, 班轉車客又係
上得少半剩下大半, 我真係有點懷疑係唔係港鐵計緊司機誤點率扣人人工囉  

小弟早排都試過早繁搭港島線(北角至上環)
一路都唔覺有太大問題,點知去到灣仔就出事
早繁灣仔係好多人出,令到唔少企喺門口附近要出去月台讓人走
點知嗰次啱啱落哂客,佢就已經閂門
(職員望住都呆咗,想出手但又阻止唔到)
結果我無啦啦要搭下班車

呢d車長我都好憎, 你要快, 就唔理三七二十一關門, 好多人仲上緊車,
其實好危險, 可能有老人家, 懷孕婦女, 小朋友ga wor, 係唔係有廣播就
可以乜都唔理, 明知好多人仲上緊車, 就關門呢?

而且我最唔明係, 你想快, 但明知咁關門法, 都差不多100%要重開門,
其實反而整整下, 仲遲多左tim wor..

究竟係公司要求, 定係呢d 個別車長有問題呢?

始終覺得, MTR樣樣都ok, 係關門手法, 好有問題...

遇過一次星期六十一點幾港島線往上環，個司機個個站都係一開門就播請勿靠近車門，
之後嘟到咁上下就關門，開門時間得十秒左右，好彩唔太多人就無人上唔到車，
但係係炮台山關門夾到人，車長就即刻開咪「為閣下安全著想，車門正在關上時，請勿衝入車廂」，
之後去緊天后仲連播兩次「車門正在關上時，請勿靠近車門」，好似好阻住佢咁，都唔知佢做乜咁趕....

有時早繁開始收車時,停站時間仲更加短,因為D車要追時間,避免於繁時後,加車序

原帖由 3ASV196 於 2010-12-15 15:07 發表
呢d車長我都好憎, 你要快, 就唔理三七二十一關門, 好多人仲上緊車,
其實好危險, 可能有老人家, 懷孕婦女, 小朋友ga wor, 係唔係有廣播就
可以乜都唔理, 明知好多人仲上緊車, 就關門呢?

而且我最唔明係, 你想快, 但 ...

記得之前有版友曾經在R1轉貼其他討論區板友寄去交通投訴組既投訴

港鐵既官方回應意思大概係
為免造成班次延誤，列車不能於月台停留太長，當聽到 do do 聲時，無論架車仲有冇位，如果你仲未上到車唔應該再進入車廂，因為下班車通常數分鐘就會到，乘客無須急趕咁話喎

原帖由 NWCSS679 於 2010-12-15 18:31 發表
有時早繁開始收車時,停站時間仲更加短,因為D車要追時間,避免於繁時後,加車序

最近上班時，在北角不止一次試過沒有警報便關門。

原帖由 3ASV196 於 2010-12-15 15:07 發表
呢d車長我都好憎, 你要快, 就唔理三七二十一關門, 好多人仲上緊車,
其實好危險, 可能有老人家, 懷孕婦女, 小朋友ga wor, 係唔係有廣播就
可以乜都唔理, 明知好多人仲上緊車, 就關門呢?

而且我最唔明係, 你想快, 但明知咁關門法, 都差不多100%要重開門,
其實反而整整下, 仲遲多左tim wor..

究竟係公司要求, 定係呢d 個別車長有問題呢?

始終覺得, MTR樣樣都ok, 係關門手法, 好有問題...

呢d車長有時仲大條道理話阻門唔o岩，係，阻門本質上唔o岩，
但其實佢有無諗過有無畀夠時間乘客上落﹖


今日我鰂魚涌站遇到既覺得比金鐘站仲離譜，
金鐘站因為大量客衝上車o個陣就關門，佢地可能預左會上唔到車(月台距離遠同繁忙時間成日都會咁關門)；
鰂魚涌就連d客行緊入車o個陣就關，連本來上到既都會上唔到，
即係話如果之前不幸走左班車既話要等成8分鐘。


我覺得係部份車長既問題，上個月閒日11點幾坐港島線又遇到類似既咁快關門，
而且每站之間又係惰行。

去年小弟都有係呢版開過類似的post

http://www.hkitalk.net/HKiTalk2/ ... %B0%E9%90%B5&page=1

通常較醒目的車長, 在繁忙時間應會由電腦關門轉至人手關門,
否則我係早繁搭荃灣綫由尖沙咀站往金鐘站,
金鐘站的落客時間較長時,
列車都唔會廣播兩至三次do完再等多一陣先關門
而上面我出果個post入面的遭遇,
果班車就疑似用電腦自動關門, 所以列車開門未夠20秒,
一廣播完就立即關門,
我身處的車卡仍有一部分未落得切的乘客未能落車,
然而由於車門疑似夾到仲落緊車的乘客,
結果車門又要重開

而星期六早繁過後亦係車門夾倒乘客的高危日子,
因為日間非繁時的客量遠比平日一至五為高,
但列車的停站時間則可能與平日一至五差不多,
結果有網民試過由九龍灣搭到去九龍塘,
沿途幾乎每個站都要重開車門最少一次,
有一個站就重開車門三次,
去到九龍塘時月台已積聚大批乘客

[ 本帖最後由 ES464470X 於 2010-12-15 21:00 編輯 ]