各位,你地有冇上過一d叫蛻變式體驗課程....

唔知有冇貼錯板,如有貼錯,請板主代為轉移..

呢個課程主要有三階,第一階係基本課程,第二階係突破課程,而第三階係啟示課程
而家我行緊第三階段..

呢個課程最初真係好有用,透過一d活動能夠認識到你自己係一個咩模式既人
起初真係好想去改變,想去突破
透過team work認識到咩叫團隊精神
而且課程裏面識到好多同學,真係好開心

但上左幾個月之後,佢地既態度開始強硬化....
教練同隊員會不斷叫你做enroll(感染)身邊既人參加呢個課程....
最初自己都搵左一d朋友,有d好耐冇見既
約佢地出黎食飯,目的係要enroll佢地上呢個課程....成就佢有唔同
但最終都做唔到....
之後佢地會叫你shift(轉移)心態,話好多野都關自己事,叫你檢視

呢d課程每個階段要你支付四五千元學費,三個階段要成萬銀
試問一個學生或者收入微簿既人又點會負擔得起呢?

之後都再去做,當然都係做唔到
果時我有諗過自己係咪做得唔好,但諗番轉頭
係咪真係我既問題呢??

而家開始懷疑,究竟佢地真係想成就我有唔同?
定係想利用我作為佢地既搵錢機器呢?
而家做唔到佢地就會鬧,話你係廢柴,冇用...
有時甚至會迫你去做....

當見你有野想唔通,佢地唔理咩時間,上緊堂,返緊工,甚至三更半夜打電話俾你
同你講一大輪道理,你諗唔通,佢地唔會俾你收線.... 直到你諗到為止
有時會搞到兩三點先訓,第二朝仲要返工返學架....
值得咩,玩疲勞轟炸ar?

而家佢地好強調要有具體既成果
我話要讀好書,好啦...
而家仲要有好多活動要搞,有社會服務,嘉年華會,要幫另一條team搞畢業禮 d野多到,
當中所有野都要自己一手創造
雖然有其他隊員幫助,但覺得做呢d野真係好吃力...
甚至唔想去做....
過程中佢地又會check住你,催你要做到d咩,做做下自己就黎痴左線架啦..
12月又多測驗,又要溫習,佢地仲叫我去做果d野....唔洗抖咩...

倒頭黎書又讀唔到,但又晒左咁多時間係度..
咁既話,不如拎d時間做自己想做既野,出去影下車,去旅行散下心啦...

由始至終,我冇講過呢個課程唔好
每個人既能力都有唔到
但有時有d野自己能力真係做唔到,點解叫迫人去做,好辛苦啊................  :Q

呢d野已經困擾左我好耐
唔想再勉強落去,好想quit左去...

係度勸勉板友們上呢個課程之前真係要諗清楚
係咪真係對自己有用....
可能報左之後,會跌落無底深潭,到時後悔真係太遲....

[ 本帖最後由 VOLVO‧MV6593 於 2010-12-22 15:03 編輯 ]

不知閣下有沒有想過, 這些課程可能是呃錢騙局？

好似D健身公司咁, 逼你報完一個課程, 再報另一個,
甚至要你層壓式叫其他人報, 搵唔到水魚就落閘放狗。

佢地唔理咩時間,上緊堂,返緊工,甚至三更半夜打電話俾你
同你講一大輪道理,你諗唔通,佢地唔會俾你收線.... 直到你諗到為止
有時會搞到兩三點先訓,第二朝仲要返工返學架....
值得咩,玩疲勞轟炸ar?

就憑呢樣野, 點解唔收佢線？繼續打黎咪同佢講報警。

原帖由 kwyeung 於 2010-12-22 12:25 發表
不知閣下有沒有想過, 這些課程可能是呃錢騙局？

好似D健身公司咁, 逼你報完一個課程, 再報另一個,
甚至要你層壓式叫其他人報, 搵唔到水魚就落閘放狗。



就憑呢樣野, 點解唔收佢線？繼續打黎咪同佢講報警。 ...

所以我而家一係唔想聽佢地電話,"浪"起去...
一係我同佢地講話要quit....唔理人地點講
再唔係,我會報警,我真係忍唔到啦

好過繼續咁落去,再係咁人都傻啦.....

[ 本帖最後由 VOLVO‧MV6593 於 2010-12-22 12:58 編輯 ]

之前我有個朋友被佢朋友介紹參加相同性質課程，聽返有九成似樓主的情況

推介我朋友參加的相類似課程是願x村舉辦的，唔知樓主那個是邊間了，聽落似洗腦課程，
唔多正常，課堂學費又唔平，最後我都叫她不要參加(她還是一個F.5學生)，以免自找麻煩。

唔知係唔係同一間,
但我早前聽過有幾個大學同學都參加過相近的課程
我聽過描述後覺得手法好有問題

有 d 人嘗試離開時亦遇到很大困擾
有 d 深信不疑, 係咁同朋友推介攪到佢地不勝其煩, 就來 friend 都無得做

所以我奉勸樓主都係小心 d

係咪叫next step asia?

[少少離題...我舊年都係有類似經歷]
我舊年有FD叫我做埋直銷賣化妝品，
最後都係搞到差唔多無FD做，
起碼我MSN已經block左佢....

個時又係洗腦，不停講錢同事業，
不過我呢個FD，一年後既佢都無搵我佢發展成點。

但間唔中見佢貼下d抗衰老資訊係佢facebook....

而我自己都試過係銅鑼灣比個男人兜，又係同樓主一樣，咩人生體驗課程，
所以話，唔係只有FD先介紹，出街都會中招。

樓主難道係留低屋企電話畀人？
無論乜都好，為保障自己，任何情況都千祈唔好留屋企電話畀人，
留手提號碼，有咩事可以熄機了事，頂唔順唔想煩咪換埋個號碼。

我都覺得似被騙，不論你有沒有「蛻變」，佢都已經收左你錢喇。

不過睇返樓主描述，我覺得你要改的係太易信人、警覺性低，
蛻乜鬼變丫，最緊要讀好書，家人知唔知你參加呢個課程？
如果同家人關係唔係差的話，我建議你同家人分享，共商解決辦法。

原帖由 Quanta 於 2010-12-22 19:08 發表
唔知係唔係同一間,
但我早前聽過有幾個大學同學都參加過相近的課程
我聽過描述後覺得手法好有問題

有 d 人嘗試離開時亦遇到很大困擾
有 d 深信不疑, 係咁同朋友推介攪到佢地不勝其煩, 就來 friend 都無得做

所以我 ...

幾年前有一日食飯時間, 有位無乜聯絡的舊同事突然打電話給我
約我即晚去聽唔知乜野講座 (但同你們講的類似)
我一聽就覺得唔對路, 就推左佢, 可是她就不斷說活動有幾好
叫我去... 最後我係唔記得講左什麼說話來完左個來電...

後期有另一位舊同事講起件事, 雖然這位同事比我更早離職,
和打電話給我的同事交情更淺,
但都有收過類似電話

搞呢個Course的地方都唔少, 小弟已知的有灣仔, 尖沙咀, 粉嶺工業區都有, Course的名字都有唔少.

其實呢個課程的內容, 最初真係如樓主所說係唔錯的, 尤其是在第一階段的時候......之後我不知了, 因為我走得快, 好世界.

如果你上左第一階段, 如運用得宜, 加上意志堅定, 係可以有好的改變的, 但若果你根本承受不到突如其來的大衝擊, 或者意志不定, 盡信當中內容, 後果係會不堪設想.

第一階段中提及到人的Comfort Zone, 它要你突破你的Comfort Zone, 要你做一些你本來認為沒可能發生的事, 更說一定可以做得到......呢個已經有問題, 因為你要知人的能力必定係有限的, 此舉會令人以為自己係超人, 乜都做得到, 因為聽晒佢講到頭來撞晒板, 其實小弟係見唔少的.

同埋呢個所謂課程, 唔係個個都適合的, 起碼十來歲學生一定唔適合, 因為心智未成熟, 再來這些急進的衝擊, 嚴重可能會有不堪設想的後果, 例如小弟見唔少人, 為了要讀呢個Course, 自己冇錢都要借錢去讀, 或者碌爆張信用卡......

當年和我一起讀第一階段的同學, 個個都已經脫離了它的魔爪, 在第一或者第二階段中退出, 感恩他們仍然知道該處有些人根本已經走火入魔.

我在教會認識一位姊妹, 又係上左呢個Course, 搞到有抑鬱要定期服藥, 另有一位姊妹, 上完三個階段, 最後出事了, 好彩她仍知道經一事長一智, 夢醒過來.

[ 本帖最後由 gordon 於 2010-12-25 00:56 編輯 ]