[轉貼]巴士疑無關車門老翁跌出車外

係呢度點維護司機都只會浪費心力!
司機無關車門就開車,仲要有乘客跌出車外!
點樣講都只有死路一條!
社會就係社會,唔會好似學校咁俾機會你!
犯錯就要承擔責任!

原帖由 kwyeung 於 2010-12-26 21:47 發表


點會係contributory negligence?
開關車門、行車穩定, 全部係司機責任, 要上身既最大機會係司機。

城巴我睇唔到有咩責任。
據我所知, 政府係冇法例規定車門全關先可以開車, 或者安裝任何設備達致此效果。
要告城 ...

點解唔係 contributory negligence？

如果當事人年青力壯，又能夠證明當事人當時捉實扶手仍然被 fing 出街，
咁就唔係。
但當事人捉唔捉得實條扶手都成問題，坐樓下都仲好o的，
坐樓上就真係睇上到 court 點判，但一定會考慮到下層有位，年紀大應該坐下層較好，
同埋上上層都應該盡量等停車 / 無咁 fing 先上去，即使有賠償都未必得到全數。

原帖由 3ASV174 於 2010-12-26 23:57 發表

點解唔係 contributory negligence？

如果當事人年青力壯，又能夠證明當事人當時捉實扶手仍然被 fing 出街，
咁就唔係。
但當事人捉唔捉得實條扶手都成問題，坐樓下都仲好o的，
坐樓上就真係睇上到 court 點判，但一定會考慮到 ...

CN係已證明有法律責任後, 由辯方提出, 證明原告都有責任。
而要令法庭相信原告同樣要負部份責任, 最起碼要證明︰
原告的行為並不合理, 咎由自取。
如果辯方可以證明已採合理措施, 舉證力度會更強。

絕大部份CN案, 除極明顯的自作孽, 要證明原告咎由自取絕不容易。
例如紅燈過馬路, 離奇走出高速公路, 是明知有危險仍要做的事。

巴士坐上層或行去車尾, 點樣證明原告受傷咎由自取,
我想法官, 或代表律師一定會提以下數點︰
1. 巴士移動時上樓梯是否合理
尤其是40M呢類路線, 上落客不多, 上完客即開車,
有幾多時間巴士會停定？

2. 巴士車廂有否明顯標示提示乘客？
我諗都冇邊間公司會有明顯標誌, 提示/要求乘客一開車就要定型。

告上法庭, 人地第一步已經會提出︰
a) 司機知道原告年老, 有沒有做好本份免其受傷, 如等其安定坐下才開車？
b) 司機唔閂門, 乘客就算坐係位, 都有機會跌出車。
巴士司機要反證原告CN, 唔係話冇可能, 只係甚難。

即管睇下事情發展如何, 城巴會唔會保個司機, 告上庭又會點判。

原帖由 Snoopy@FB8617 於 2010-12-26 17:53 發表
咩搶晒Focus?
成件事明正言順係司機唔閂門而有人就西左出街受傷
若果普通仆既話可能連報紙都唔寫
亦可能只係少少擦傷
但現時擺到明個問題係司機唔閂門所以有人西左出街
而唔係個阿伯因為行去中門前面而俾人西出街

...

就係因為個司機冇閂門，「西左出街」
所以大家就只係諗點解司機冇閂門
而冇諗過乘客本身都係會因為自身因素而令自己受傷

亦好明顯大家睇既野唔同
你既著眼點係「西左出街」，咁只係睇個司機有責任都係正常
但我既著眼點係「意外」，所以我會覺得雙方都會有責任

我曾乘搭一輛新巴400X,
司機還未按關後門掣便可以先鬆手掣,
未待後門關妥已能加油前進,
期間完全不見有任何警告提示

原帖由 3ASV174 於 2010-12-26 23:57 發表

點解唔係 contributory negligence？

如果當事人年青力壯，又能夠證明當事人當時捉實扶手仍然被 fing 出街，
咁就唔係。
但當事人捉唔捉得實條扶手都成問題，坐樓下都仲好o的，
坐樓上就真係睇上到 court 點判，但一定會考慮到 ...

唔關門開車已經係死罪!
仲要有人受傷!
上到法庭你睇個官會點判?!
揸開車都知道太約結果.
司機自己亦心裡有數.

TD應就城巴妄顧乘客安全的行為罰款

contributory negligence其實共分疏忽
並不是指司機對事件沒有責任
        
根據第23章法律修訂及改革(綜合)條例
21條:有共分疏忽時法律責任的分攤
如任何人受到損害，部分原因是該人本人的過失，而部分原因是他人的過失，則就該損害提出的申索，不得因受損害者有過失而敗訴，但就該申索可追討的損害賠償則必須減少，而減少的程度是法院在顧及申索人對損害應分擔的責任後，認為是公正與公平的款額

根據相關的報導，當事人是先坐低 之後在巴士開行期間再在巴士上行走
一位73阿伯在巴士移動時上樓梯是否合理
如果根據巴士公司的指引就唔合理
當事人應該等下一站時同司機講一聲好D

但即使如此，引用的難度比現時乘客無扣安全帶的難度更大
而且相信在刑事責任方面的判決不受當事人的行為影響

[ 本帖最後由 GM 於 2010-12-27 12:01 編輯 ]

專營權的條例有話巴士公司要就單一妄顧乘客安全的事件罰款嗎?

九龍果間收車收左幾年 違反專營權條款都未見佢罰款...

原帖由 hjhj 於 2010-12-27 02:47 發表
我曾乘搭一輛新巴400X,
司機還未按關後門掣便可以先鬆手掣,
未待後門關妥已能加油前進,
期間完全不見有任何警告提示

鬆手掣都唔係問題 因為部車仍然0係鎖死狀態
但係後門未關妥就開得車應該係電子訊號傳遞方面
(可以確認完全關上時就「亮綠燈」俾車行 但係如果呢個時候彈門就...『一chok』 )

原帖由 GM 於 2010-12-27 12:00 發表
專營權的條例有話巴士公司要就單一妄顧乘客安全的事件罰款嗎?

九龍果間收車收左幾年 違反專營權條款都未見佢罰款...

無辦法 TD搜證時偏偏佢又無違規 (學以往有板友話齋 佢大把手法走空隙)
咁TD又可以做得0的咩？