我會問究竟條694應唔應該再做咁多藍田?
新巴唔會因為藍田好客而額外加資源的情況之下.....
再講其實非繁藍田都保唔得佢好多好多..
而家694的班次係疏過以前好多好多,
但係藍田用的人多左,
不過新巴有冇額外加資源落去呢?
我唔覺...所以,
如果要做的,
第一步唔該諗下條694點樣可以做到最多將軍澳客而唔太需要依賴藍田客...
再試下可唔可以加資源落去(但係要做的好難,因為呢條694新巴認定佢係冇用的線.....)
繁時將軍澳客的比例根本唔算高...
第二步,
唔該諗下606九龍非繁應該行邊到吸客...
[ 本帖最後由 brianso198 於 2011-1-3 08:24 編輯 ] |
|
|
|
|
|
|
|
|
執到呢班俾$9.8搭去柴灣/柴灣東工業區的返工客，點解會冇用？
乜九龍灣工業區一個$9.8的乘客，值錢過九龍灣過柴灣東返工的$9.8乘客？
觀塘道乜真係咁多客咩?
我會好質疑呢一點...
牛頭角道呢D位根本係比人忽略的位,
呢D位係唔係唔行得呢?
繁時行九工講左幾多次係好行過觀塘道,
事實證明左九巴個六班車其中幾班過左九工之後有觀塘客係冇得上車的時候,
請問九龍灣工業區係唔係差到得幾班車?
唔該你再睇返下我#2個個建議係點寫：
606：彩虹開出，經彩盈、牛頭角、觀塘、鰂魚涌、太古、西灣河
606P：早/晚繁雙向對開2-4班車，由啟業開出，經九龍灣工業區、牛頭角、觀塘、鰂魚涌、太古、西灣河、耀東
606S：早/晚繁單向各兩班車，彩虹開出，經彩雲、四順、秀明道、將軍澳道、鰂魚涌、太古、西灣河
608：全日20分鐘一班，黃大仙開出，經新蒲崗、彩虹、觀塘道、東區走廊，跟118/780落橋往小西灣
須知道，拆線後，606同608玩法根本完全唔同。
608本身做特快，小西灣、柴斜鐵路不能直達，柴灣東行過去柴灣站都要兩個字或以上。
就算係柴灣站一帶，608的行車時間比起港鐵都係有絕對優勢，我睇唔出點解為左要做到絕對獨巿而
避開行觀塘道同港鐵重疊；行觀塘道既話，牛頭角道同九龍灣工業區的客都會走出去搭，
行牛頭角道，除非班次做到好似九巴89咁密，否則德福客同工業區客已經無咁一半；
行工業區更加唔使講，德福、淘大客都唔會專登走入去搭。
606係另一回事，因為不論拆線前後，606對於鰂魚涌/太古，同港鐵相比，都唔存在絕對優勢，就算大幅加班都改變唔到。
所以應該行一d比較遠離港鐵站的地區，食一班懶得行去鐵路站的乘客，that's why 拆線後的606同606P，
我從來無建議過行九龍灣一段觀塘道，反而係分別建議行彩盈/牛頭角道同啟業/九龍灣工業區。
606正正就係果D夾硬掟出去觀塘道會死得仲慘的路線，608絕對唔係。
九工繁時行先有用,
非繁唔該行牛頭角道個度,
行觀塘道有咩用?
對過海線呢D長途線黎講,
除非好似671咁穿隧道,
否則睇唔出有幾大作用....
唔該你睇下你#59講過d咩：
同埋,
唔該將個重心轉移去九工.....
觀塘道呢D位根本就係唔好食......(非繁,就算繁時....睇唔出,MTR一大條係大問題)
如果長途線行觀塘道「睇唔出有幾大作用」，咁38/42C/258D/259D/74X/80/89X/277X呢堆線
因為都同港鐵競爭，應該全部唔好行觀塘道，掟晒入牛頭角道慢慢塞燈就最好。
我就睇唔出閣下有咩理據支持「行觀塘道有咩用」，至少閣下根本未有提出有力證據證明呢個講法。
如果閣下堅持行牛頭角道好過行觀塘道，唔該睇下九巴1A vs 13D，或者16 vs 13D，
1A/16行觀塘道去旺角，非繁都可以做到個位數字班次；13D行牛頭角道，班次係15-18分鐘一班，非繁連窗口位通常都坐唔滿。
1A/13D/16已經係講緊同港鐵直接競爭，去旺角唔存在絕對時間優勢，唔似得我建議條608去柴灣小西灣快過港鐵。
如果閣下依然係話「因為1A/13D/16係區內線」，只係證明閣下對於觀塘區的交通模式極度缺乏認知和理解。
我係住果區架，唔通你當我講既野吹水？
如果閣下認為繁時=非繁客量的時候,
甚至話繁時的客量就可以引證到非繁的時候,
對唔住閣下犯了一個更大的邏輯謬誤.....
乜繁時特快一定要做埋非繁架咩?
到底你知唔知道咩叫「邏輯謬誤」？
我從來只係見到你一直晌度話因為觀塘道少客、冇用，所以應該塞入去牛頭角道或者九龍灣工業區，
但係從來無見你比較過到底牛頭角道同工業區係多d客定係少d客喎。
我從來無話過繁時客量可以引證到非繁客量唔會差，亦都無話過繁時特快一定要做埋非繁；
我只係覺得，in this particular case，608做埋非繁絕對有著數，因為整體成本無增加過，
因此overall network performance只會有增無減，不論608最終個客量係點，只要唔係吉車遊街，巴士公司已經賺多左。
除非你見到606而家非繁客量分布，就推論話608都會冇客，而唔走去諗下點解
606而家非繁忙時間柴灣小西灣無人搭。
做任何野係要一步步,
唔係一步登天....
一步登天比你成功左又點?
得罪哂所有流水客同埋得罪左一堆原有客到時一樣冇用.....
我都要問多次,
請問閣下係唔係認為新巴82係好有用的一條線?
流水客？過海線乜應該係做流水客為主咩？
又，原有果班客我點樣得罪佢地？拆線後，606只係拉疏幾分鐘（繁忙時間我會雙向開幾班606P，實際仲密左），
唔通你諗住小西灣返九龍灣工業區班客，因為變左要德福落車行過去，所以就算行車時間快成半個鐘都係「得罪佢地」？
唔好意思，我睇唔出606現有過海客拆線後會有咩損失。
我唔知你問我新巴82係咪好有用，係咩意思；我只係希望，閣下唔好單憑我承認新巴82呢條流水線有存在的必要性，
而去話所有流水線一定比特快線有用同更重要。82唔可以拎黎同過海線比較。 |
|
|
fb.com/scientisthk2usa/
|
|
|
|
|
|
原帖由 brianso198 於 2011-1-3 07:48 發表 http://www.hkitalk.net/HKiTalk2/images/common/back.gif
我會問究竟條694應唔應該再做咁多藍田?
新巴唔會因為藍田好客而額外加資源的情況之下.....
再講其實非繁藍田都保唔得佢好多好多..
而家694的班次係疏過以前好多好多,
但係藍田用的人多左,
不過新巴有冇額外加資源落去呢?
我唔覺...所以,
如果要做的,
第一步唔該諗下條694點樣可以做到最多將軍澳客而唔太需要依賴藍田客...
再試下可唔可以加資源落去(但係要做的好難,因為呢條694新巴認定佢係冇用的線.....)
繁時將軍澳客的比例根本唔算高...
694藍田客的確佔一頗大比例，同時非繁忙時間藍田的確唔多客，
但係既然條線點都要經過藍田，唔通唔順手執埋呢班客，嫌少客就唔食埋咩？
點樣增加將軍澳客？最直接的方法，正如板友JX9097所講，係將軍澳區內走線跟798，
so that可以晌唔增加行車時間的前提下，擴大catchment area。
不過暫時條線我睇唔到加資源落去的必要，始終對大部分將軍澳區，港鐵有絕對時間優勢，再者694而家唔會唔夠載。 |
|
|
fb.com/scientisthk2usa/
|
|
|
|
|
|
新巴根本唔會再去增加資源的大前提下,
根本694呢條線只會繼續差落去....
將軍澳的客量唔高,
根本就要諗辦法去谷將軍澳的客減少藍田客的過份依賴.....
藍田保得住694根本係冇用......
因為新巴唔會當佢係咩一回事...
[ 本帖最後由 brianso198 於 2011-1-3 11:59 編輯 ] |
|
|
|
|
|
|
|
|
有D人我認為好得意,
諗住606特快條82就可以有能力去食...
82乜係咁勁架咩?
如果係咁勁的,
唔好話606A,
點解106,682,694,A12要食埋呢批客?
又唔重組港島堆流水線,
你究竟知唔知道重組港島流水線的重要性?
過海線係唔應該清埋流水客呀,
但係呢句唔代表一切...
82清客速度慢係事實....
比佢開幾多分鐘一班車海有咩用?
仲有請問,
乜非繁東九龍去港島東的需求真係好大嗎?
紅小坐得滿嗎?連紅小都坐唔滿的時候根本可以講係差....
同埋請問三彩現時有冇需要一條過海線仲要全日?
根本,
繁時單向兜九工的時候已經可以唔駛開一條線,
但係閣下有冇留意呢點呢?
[ 本帖最後由 brianso198 於 2011-1-3 12:03 編輯 ] |
|
|
|
|
|
|
|
|
藍田同將軍澳都係住宅區為主，加上有港鐵直接競爭，客量谷極有限，
的而且確唔存在增加資源的需要（係都加俾條798或者東區流水線先啦）
當年新巴就係睇到694晌鰂魚涌太古無法子直接同港鐵對打，所以先將
694改半特快，再加埋筲箕灣$9.8分段，靠食西灣河、筲箕灣特快客保住；
如果唔係，694呢條線早就已經消失。
694除左將軍澳區改變區內走線，減少兜路同加停坑口外，都無咩可以做到，
條線唔會差落去，都唔會有大躍進，我就睇唔到有咩理由支持你「只會繼續差落去」呢個unfounded claim。 |
|
|
fb.com/scientisthk2usa/
|
|
|
|
|
|
將軍澳的定線唔改的大前提之下先可以用呢個statement,
不過如果更改左定線的話可能會有條生路都唔頂,
不過....我唔知有冇人會出黎話反對..
始終18的經營環境都唔係好....
小巴有機會因為咁而走出黎反對(當然佢反對得個太安樓,所以可以講呢個未必話太嚴重影響)
同埋,
我始終唔會覺得694係西灣河同埋筲箕灣的客有幾多...
即使有..
根本都唔會好多...
因為需求的確太細.....
同埋新巴唔會理會藍田客的大前提下, (有幾多都冇乜用..因為新巴未必會肯派車出去藍田清客,就算有都唔多)
老實講對新巴黎講呢條694只係冇用的線一條...
除非...
將694試下可唔可以改做專做藍田線,
跟住將軍澳個度唔理(不過當然想CUT的反對聲音唔細的時候,呢樣野..諗下就算) |
|
|
|
|
|
|
|
|
原帖由 brianso198 於 2011-1-3 11:56 發表 http://www.hkitalk.net/HKiTalk2/images/common/back.gif
有D人我認為好得意,
諗住606特快條82就可以有能力去食...
82乜係咁勁架咩?
如果係咁勁的,
唔好話606A,
點解106,682,694,A12要食埋呢批客?
又唔重組港島堆流水線,
你究竟知唔知道重組港島流水線的重要性?
過海線係唔應該清埋流水客呀,
但係呢句唔代表一切...
82清客速度慢係事實....
比佢開幾多分鐘一班車海有咩用?
仲有請問,
乜非繁東九龍去港島東的需求真係好大嗎?
紅小坐得滿嗎?連紅小都坐唔滿的時候根本可以講係差....
同埋請問三彩現時有冇需要一條過海線仲要全日?
根本,
繁時單向兜九工的時候已經可以唔駛開一條線,
但係閣下有冇留意呢點呢?
冇左條606，仲有106、682、694可以幫拖，而家真係班班車都爆晒咩？
長遠來講，搵606做一D應該由流水線既野，搞到606過海段繼續頹落去，小西灣居民無快車出九龍東，絕對唔係良策。
重組東區區內線係遲早要做，我而家又唔係話反對重組東區區內線。
紅小坐唔滿呢個問題，我講左幾多次，佢又收得貴，又唔入小西灣呢個客倉，
觀塘區個站位又唔就腳，又唔到九龍灣牛頭角，實際只係食到觀塘 - 西灣河/柴斜/柴灣，
反唔反映到608的實際潛在客量？你係咪唔明我一路講緊d咩，使唔使不斷回帶？
而家小西灣去九龍東班客會唔會搭紅小？九龍灣、牛頭角去柴灣東會唔會搭紅小？
你呢個論點就等於有人話，因為九巴98A/296A非繁仲有唔少空位，89X又坐唔滿，
所以將軍澳區無咩人去沙田，798可以唔開。你自己到底睇唔睇到自己個argument有咩問題？
四彩最終會有逾三萬人人口，話多唔多，話少唔少，我無幻想過單靠四彩可以令到拆線後的606坐滿；
但係正如我上面所講，拆線後606的case同608唔同，因為行車時間無得同港鐵直接打，所以就要靠一d遠離港鐵站的地區執客。
走上去四彩就正正符合呢個business model。反正而家條606A成個朝早都走入去，都好難返轉頭。
既然行上去都叫做順路，咪行上去囉。行九龍灣工業區非繁又無客，
行觀塘道又隨時會令606死得更快（再重申一次，606個case同608唔同！），咁你話應該點行喇。
而至於繁忙時間，我建議果條入九龍灣工業區的606P係雙向服務，因為係特別線，
我預左要額外搵車攝，所以不考慮資源問題在內。反正而家606P都係搵其他線既車攝。 |
|
|
fb.com/scientisthk2usa/
|
|
|
|
|
|
我可以答你而家的情況係....
特別係條606唔做呢個位之後106,682,694會更爆..
請問到時應唔應該連筲箕灣都調埋?
根本柴灣小西灣唔應該搵呢D線去清...
但係...新巴夠資源做嗎?
我認耀東呢D位係限制左,
但...而家新巴有冇資源出黎大執流水線?
仲有,
606P雙向又點?
單向已經可以,搵辦法解決左繁時彩雲<>九工已經冇問題....
上繁入下繁出搞掂...
根本重組巴士線的時候係要一併考慮所有野....
而唔係走去話要特快就特快...
694唔需要考慮?
新巴堆流水線唔需要考慮?
紅小貴又點?
就算紅小貴都好,
係唔係一個理由去將條608全日特快呢?
即使話貴真係會令有班客唔坐,
但...係唔係代表佢有足夠的資料支持特快?
都係個句,
做野係一步一步,
唔係一步登天.....
特別係九巴唔肯的時候,
唔該諗辦法令九巴信服....
仲有,
小西灣大哂?
你由頭到尾只係用呢個小西灣去講的時候,
我會覺得冇說服力...
你有冇證據證明小西灣+柴灣非繁時有能力支持先?
我睇你的留言係冇囉..
你覺得紅小因為咁冇客,
但...紅小的定線已經相當之吸引.....
柴灣擺的位幾乎食哂唔少柴灣客...
只係用一D區內線去說服人,
但....乜區內線同過海線的需求相同咩?
我呢樣野講左好多次,但係閣下繼續無視...
閣下仍然繼續用區內線出黎話我講野錯....
小西灣條118非繁有幾多客?
佢係坐滿呀,不過脫班的時候囉...
仲有694呢?
非繁小西灣係唔係真係咁多客先?
接駁MTR個條47M係唔係真係坐得滿先?
62/62A還可用一個脫班嚴重黎講,
但係47M呢?
我當你每一班有1-2個人真係去東九龍, (以3分鐘一班黎計)
18個客係唔係真係咁多呢?
仲要未計哂所有可以影響人地搭其他線的因素...
694的客量一定會因為咁而少左的....唔通你認為筲箕灣同西灣河保得好多?
筲箕灣西灣河非繁用694的人一樣唔多而已...
仲有新606一樣繼續差落去,
咁非繁做黎有咩意思?
我寧願現有條606非繁唔兜耀東+鯉景灣啦....
(但係預期效果不大,但咁做可以試下柴灣客會唔會因為唔兜耀東而用返佢...)
(但....區議員肯先算....)
繁時再諗下你個拆線方案....搞掂...
(定線可以再執少少,例如試下單邊兜九工唔駛再開606P)
[ 本帖最後由 brianso198 於 2011-1-3 15:00 編輯 ] |
|
|
|
|
|
|
|
|
呢個又係調轉因果關係。
乜唔係應該「694對新巴冇用」，所以佢地「唔會派車去藍田清客，唔會理會藍田班客」咩？
再者，實際情況係，694而家上午繁忙時段，藍田、將軍澳客各佔一半，但係藍田完全未至於上唔到車，
所以佢地根本唔使藍田開特車清客；既然唔使開特車，又何以見得佢地「唔會理會藍田客」？
不如細心諗下，「唔會理會藍田客」呢句背後，有幾多欠合理根據的假設？ |
|
|
fb.com/scientisthk2usa/
|
|
|
|
|
|
|
Advertisement
Advertisement
Advertisement
Advertisement
Advertisement
|
