九巴吉祥物一談

最近有一個紅衣賽車手的公仔常出現於各煤體的九巴廣告
見到佢係唔係覺得似曾相識?
佢就係"巴士仔"
不過巴士仔的出現,並唔係新鮮事,
其實早在約2000-2001左右年已開始面世.
當時佢叫九巴仔
可以話係九巴企業代言人
由電視廣告,巴士車身廣告,以至紀念品及印刷品都有佢的踪影
不過係2002至2009年間好似比九巴雪藏左
當時唔止無廣告拍,九巴亦無為佢推出精品
至今年先至重出江湖

巴士仔自面世以來,我期望佢會好似
M記餐廳的紅髮叔叔,米朱連輪胎的木乃伊人一樣
憑其可愛/突出的形象,能夠家傳互曉,
可惜我問過其他非巴迷人士,佢地都唔知巴士仔是什麼?
是旦電視台果隻BUDDY仔或者就知
巴士仔有無可能再度成名?不得而知啦

我當時仲買左隻公仔，不過玩左輪就雪到現在(好似要$58隻)

九巴 sd 信息嚟話 ATEU19 模型會出時都仲係叫緊九巴仔

其實巴士仔同之前的大巴哥都係宅男一名,
雖然聲稱有專人服侍, 經常沖涼又飲環保柴油,
但成日匿埋嚮車廠唔出街見人,
繁忙時間要班客等餐飽.
上電視搏出名又有何用?

總覺得......
當巴士公司努力去提升職位名稱，例如「司機」-->「車長」
「巴士仔」好像叫著大家走回頭路，有點想大家把車長叫「巴士佬」似的