司徒華因癌症病逝世

原帖由 cn2661_2d32 於 2011-1-3 01:42 發表
可以唔認同華叔某d理念/表述同某d人唔同
但唔可以唔認同佢的努力同貢獻.
華叔安息. 在天之靈保佑香港早日有真民主.

*其實個人唔係長毛支持者
但平心而論我一直覺得佢出發點唔係咒華叔去死.
個人覺得果個表述只係想 ...

咁呢D說話原則上只係 o向例如高登forum 回文先至會咁講 o者，都係玩下、無傷網民大雅的居多。
你私底下咁講其實已經唔係太好
但問題係長毛當住鏡頭面前咁講，話唔"UN" 耳就一定係假

對泛民支持者而言, 批准內地異見人士黎香港
拜祭華叔係理所當然, 亦因為本身已經唔妥香
港政府同對某啲人先入為主, 佢地所做嘅一切
都會係唔順眼
但係要知道佢地係內地通緝犯, 或許大家覺得
佢地係被屈成係, 但事實晌呢個國家佢個身份
係, 係無人改變得到嘅事實.
假設今日再俾佢地入到境, 無錯係人性處理
但佢地此舉就名正言順入左中國領土但無
事離開, 大陸就擺明覺得俾人剃眼眉
今日係學運領袖, 他日可以係賴昌星
難做嘅係香港政府. 責任在泛民同政府雙方
但呢個世界係自私, 尤其是香港人, 一句民
主人權自由可以殺死人

其實上面點解又會有人因為"政見"不同, 而扣人分o既?
點解唔堂堂正正回復人去討論? 咁樣扣人分, 個意義係邊?

講返"咩叫一國兩制?" 其實正正就係"一國兩制", 先引起
咁多政治矛盾及問題...亦是我之前講畸形政治生態的根源....

"一國兩制", 如果以基本法角度去睇, 明顯就係"一國"行先,
清楚指明香港是中國一部分...而且亦清楚講明, 香港只是
"高度自治"(非"完全自治")....所有高級官員也由中央任命,
及宣誓效忠中央政府....

而政治上又點睇? 根本無一定睇法.....結果點樣解讀"一國兩制",
就成為好大的政治問題....亦是泛民人士及中央/親中人士的其中
一大分野....

如果只是執著於"兩制"去睇, 而無了解清楚有關"一國兩制"的實際
情況, 這只是天真想法.....

dbat98D版友講的, 其實已好中肯....唔同意都好, 這些亦是事實吧...
(有關意見, 其實同我之前post李先知篇文講的, 亦差不多)

p.s. 我意思唔係話支持政府唔俾D人黎....亦唔係話一定要好窄咁
睇"一國兩制", 但只是想講出一D現時的事實....

而個人睇法係, 如果政府(特區/中央)俾那D人黎一黎香港, 不但顯示到
大方及人性處理, 亦有助改善泛民及中央關係, 係市民眼中會得分...

原帖由 3ASV196 於 2011-1-5 08:32 發表
其實上面點解又會有人因為"政見"不同, 而扣人分o既?
點解唔堂堂正正回復人去討論? 咁樣扣人分, 個意義係邊?

講返"咩叫一國兩制?" 其實正正就係"一國兩制", 先引起
咁多政治矛盾及問題...亦是我之前講畸形政治生態的 ...

我都認同不應該因為「政見」而去加分或扣分。
坦白講，有關行為與某人無厘啦更以極膚淺言辭咒罵華叔，不遑多讓。

尋日睇報紙，有人寫到華叔一生重視政治道德、政治勇氣、政治智慧，
而且重要性次序如上，也許部分市民始終看不過眼某黨或某些人，
正是因為和華叔一樣，心中最重要的是政治道德，而香港政壇中三樣皆精者，極少。

講返放唔放王丹來港，其實都幾弔詭的，
視乎觀點與角度，香港政府無論放與不放，都是一國兩制的體現。
前提係王丹乃內地通緝犯，放人入境又平安離境，表明港府不會執行內地的通緝令；
相反，人地開到聲話來港，去到機場，踏上香港土地，
到時再彈回頭，通緝犯來到家門都唔捉，亦是一國兩制。
我個人當然希望任何有心人都能光明正大的哀悼。

繼葉劉的「放長雙眼論」、煲呔的「代表港人論」後，李少光的「哀悼不必在港論」，
我真係信政府入面有班人係有意無意行緊苦肉計，反方向吹起民意。
現在港府已回到「模稜兩可錄音機」的正常情況。阿Ｑ與我同在～

[ 本帖最後由 DIH 於 2011-1-5 11:37 編輯 ]

我諗有問題既係呢兩句：

因為本身已經唔妥香
港政府同對某啲人先入為主, 佢地所做嘅一切
都會係唔順眼

責任在泛民同政府雙方
但呢個世界係自私, 尤其是香港人, 一句民
主人權自由可以殺死人

呢幾句野係咪事實都好，我想講，呢D時間係咪適合行出黎抽水呢？
可唔可以對已逝世者多少少尊重？如果有邊個政客晌記者面前講呢D野，我諗15分鐘之後
香討同facebook即刻有大班人討伐佢無人性。

[ 本帖最後由 S3BL100 於 2011-1-5 11:48 編輯 ]

都係嗰句, 我唔係親泛民, 泛民擁躉扣我分, 無問題
最大不了你咪剁埋我戶口. 但我唔撐泛民唔代表我
親中, 呢樣野, 我諗呢度啲小朋友唔會明, 因為佢地
只有黑同白.
樓上, 你認為我係抽華叔水? 定係咩? 你明唔明我講
咩? 我一路都係講緊在生嘅人, 又無啦啦辣我咩唔尊
重死者做咩?

一句講晒, 一國兩制晌泛民角度"或許"就係一個國家
有兩套制度, 親中者一向隨阿公擺柳阿公話咩就咩.
學似"大丈夫"毛舜均講過一句, 咩叫民主, 就係你係
民佢係主囉.
總之講到尾, 我唔係要撐政府, 係唔係要學似香港人
甘乜到反佢, 乜都鬧先表現到呀? 要插都俾你地插晒
啦, 甘係咪批評泛民就有問題? 甘神聖不可侵犯呀?
同共產黨有咩分別?

睇完嘅, 歡迎繼續扣分, 要停我板, 投訴我, 無任歡迎

原帖由 dbat98D 於 2011-1-5 01:29 發表
對泛民支持者而言, 批准內地異見人士黎香港
拜祭華叔係理所當然, 亦因為本身已經唔妥香
港政府同對某啲人先入為主, 佢地所做嘅一切
都會係唔順眼
但係要知道佢地係內地通緝犯, 或許大家覺得
佢地係被屈成係, 但事實 ...

我剩係知道早幾個月，
有個叫李錄既通緝犯名正言順大模斯樣在深圳出現
眼眉一早就剃左喇
你唔會答我因為只談經濟不談政治掛...

[ 本帖最後由 A312 於 2011-1-5 12:51 編輯 ]

甘咪睇吓阿爺點做嘢囉
我只係戥特區政府唔抵咋, 俾又死唔俾又係死

如果大家有齊全證據上面有好似呢啲事件
我覺得應該話俾蘋果日報知

[ 本帖最後由 dbat98D 於 2011-1-5 12:51 編輯 ]

原帖由 A312 於 2011-1-5 12:36 發表

我剩係知道早幾個月，
有個叫李錄既通緝犯名正言順大模斯樣在深圳出現
眼眉一早就剃左喇
你唔會答我因為只談經濟不談政治掛...

其實咁o岩今日明報李先知又有講呢件事..亦有提及李錄,
文內亦有講中央最怕d咩.....相信俾到答案你....

閣下都可以參考下有關文章:

http://news.mingpao.com/20110105/mta.htm

其實直言, 睇今日明報講:"王丹﹕考驗一國兩制是否存在"...
事件正如我之前擔心, 已十分政治化, 亦由紀念華叔, 變成
重點去了另一d爭吵....我對此情況實在感到可惜....

[ 本帖最後由 3ASV196 於 2011-1-5 13:24 編輯 ]

同意, 所以政治化左絕對係雙方面, 無一邊係啱晒
香港人嘅特質, 佢覺得啱就係