平日非繁時元朗方向68X會唔會過密？

昨日12:40於佐敦道送車尾(第一個分站，唔知乜站名)，當時班次為6-10分鐘一班車，4分鐘後上左部ATR，沿途無乜上落，去到豉油街都係得10個左友，小弟於快富街落車後(12:55落車，快富街上4/5個)，再見多部68X...係咪密左少少呢？

當時路面有冇塞車先?

68X o既班次都好受沿途路面影響

果個分站站名就係叫"佐敦道"

原帖由 AP149 於 2011-1-11 23:52 發表
當時路面有冇塞車先?

68X o既班次都好受沿途路面影響

無，好暢通，部份站仲係一開門就即時關門開車

第一次見有人開post話九巴車「密」...個別的觀察就下定論似乎快左d,
燈位、乘客上落、交通流量、司機駕駛態度...足以影響班次,
仲有之前班次係點?如果之前成個小時無車,
之後d車返,係ar,「好密ar」,一分鐘5部車都得,10部車都討論過...

希望你有機會試下在街度等了大半小時無車,等到兩三部頂閘車,
最後等超過成個鐘,強行迫到上車做沙甸的滋味係怎樣...

樓主應該未試過等幾個字都無車吧?
試過等到2部69X先有68X黎
個陣最少等左20分鐘
所以一時時啦
有時又好似過密, 有時又好似好疏

通常68X都有番咁上下人先上公路,可能ed時間深水埗多d人搭68X掛

原帖由 cx734 於 2011-1-12 00:02 發表
第一次見有人開post話九巴車「密」...個別的觀察就下定論似乎快左d,
燈位、乘客上落、交通流量、司機駕駛態度...足以影響班次,
仲有之前班次係點?如果之前成個小時無車,
之後d車返,係ar,「好密ar」,一分鐘5部車都得, ...

對一些相當頻密的路線，密到到出現「拖卡」的情況也不足為奇，加上以上站友的分析（班次容易受多方因素影響）
因此，不能因一時的「密」就以偏概全。

[ 本帖最後由 eric278 於 2011-1-12 07:00 編輯 ]

就算樓主所講既並非所有人所認同
但有必要扣分咩？

原帖由 EH2674 於 2011-1-11 23:40 發表
昨日12:40於佐敦道送車尾(第一個分站，唔知乜站名)，當時班次為6-10分鐘一班車，4分鐘後上左部ATR，沿途無乜上落，去到豉油街都係得10個左友，小弟於快富街落車後(12:55落車，快富街上4/5個)，再見多部68X...係咪密左少少呢？ ...

其實由九龍半島入元朗/洪水橋既巴士路線唔多選擇,入元朗既除左68x之外,得268b;洪水橋既多條63x,不過應該唔夠68x快(有錯請指),就算真係密左d,其實無論對居民或者九巴,都係好.不過樓主所觀察既情況,可能只係因為燈位快與慢,又或者前/後車遲開或者早開,再唔係前車一路站站停,後車冇客追上黎,可能唔關密唔密既事.

唔係話樓主唔應該發依篇文/鬧樓主的不是,不過樓主下次觀察既時候應該更加全面,例如連續幾日/時段觀察,每次觀察多幾班車,唔好觀察一兩班就妄下判斷.如果可以觀察得更全面,無論對樓主,版友們,甚至該公司都有好處.

(如有冒犯,請諒!謝!)