半山新豪宅交樓變垃圾崗 發展商稱先收樓後裝修 業主嬲爆

http://hk.apple.nextmedia.com/template/apple/art_main.php?iss_id=20110114&sec_id=4104&art_id=14868524



【本報訊】位於港島半山干德道的新盤 THE ICON近日陸續交樓，但有業主收樓時發現呎價逾 1.3萬元的豪宅單位，恍如戰後廢墟般熔熔爛爛，由牆身到地板無一完好，比清水房更不堪，發展商承諾奉送的廚房裝修和全屋家電均無兌現，單位卻無故多出一間「蚊型房」，發展商榮豐則表示交樓後才會裝修和送電器。有立法會議員批評發展商不負責任，建議業主集體索償。記者：林浚川、黃偉駿、湯家明

朱小姐昨日視察單位後發現，最少五個地方貨不對辦，分別是牆身無批盪上油、沒有地板、沒有開放式廚房、沒有全屋家電，以及無故多出一間「蚊型房」（原來是屋宇署准建的廚房）。「賣樓嗰陣明明話有開放式廚房，至少有瓷磚同鋅盆，家乜都冇，但就有一大堆裝修雜物」。單位內景象比地盤更不堪，牆身熔熔爛爛，地上更有不少泥頭。

陪同朱小姐收樓的發展商榮豐經理陳先生竟表示，單位交樓後才會裝修，又指全屋家電在貨倉，交樓後會送到，但朱小姐即時反駁之前從未聽聞這說法，「我咁大個人都未聽過有咁樣交樓」。她又批評獨家代理該樓盤的中原地產是「幫兇」，「買樓花嗰陣乜都冇同我講，到早幾日安排收樓，就係咁叫我畀晒錢先，發展商至會裝修」。朱小姐現暫住舊居，無法估計新單位何時入伙自住，已委托律師追討損失。
究竟朱小姐的單位有沒有開放式廚房？應該有多少間房？記者發現無論是中原地產代理提供的非正式樓書資料，或是發展商榮豐的正式圖則，均與朱小姐現時單位實際間隔有出入，非常離奇。有知情人士指， THE ICON內有多個單位均未完成裝修，情況與朱小姐的單位一樣「恐佈」，只有部份單位「見得人」。

開放式廚房變蚊型房

朱小姐昨日視察單位後發現，最少五個地方貨不對辦，分別是牆身無批盪上油、沒有地板、沒有開放式廚房、沒有全屋家電，以及無故多出一間「蚊型房」（原來是屋宇署准建的廚房）。「賣樓嗰陣明明話有開放式廚房，至少有瓷磚同鋅盆，家乜都冇，但就有一大堆裝修雜物」。單位內景象比地盤更不堪，牆身熔熔爛爛，地上更有不少泥頭。
陪同朱小姐收樓的發展商榮豐經理陳先生竟表示，單位交樓後才會裝修，又指全屋家電在貨倉，交樓後會送到，但朱小姐即時反駁之前從未聽聞這說法，「我咁大個人都未聽過有咁樣交樓」。她又批評獨家代理該樓盤的中原地產是「幫兇」，「買樓花嗰陣乜都冇同我講，到早幾日安排收樓，就係咁叫我畀晒錢先，發展商至會裝修」。朱小姐現暫住舊居，無法估計新單位何時入伙自住，已委托律師追討損失。
究竟朱小姐的單位有沒有開放式廚房？應該有多少間房？記者發現無論是中原地產代理提供的非正式樓書資料，或是發展商榮豐的正式圖則，均與朱小姐現時單位實際間隔有出入，非常離奇。有知情人士指， THE ICON內有多個單位均未完成裝修，情況與朱小姐的單位一樣「恐佈」，只有部份單位「見得人」。

「蝦業主冇錢打官司」

正協助朱小姐的立法會議員陳淑莊直指發展商離譜，「真係好過份，一間千萬豪宅竟然係咁樣交樓」。本身是律師的陳淑莊建議遇到同樣問題的 THE ICON業主集體投訴，向發展商索償，「我哋唔可以打定輸數，小業主唔一定輸」。民主黨立法會議員李永達建議小業主集體向消委會投訴，再由消委會動用訴訟基金入稟索償，「發展商好多時就係蝦小業主冇錢打官司」。他又建議業主應該同時投訴地產代理，「地產代理有守則要求佢哋真誠為客戶服務，唔係有問題就卸番晒俾發展商咁易甩身」。他指事件反映立法規管一手住宅物業銷售極逼切，以杜絕類似事件再發生。
中原地產亞太區董事總經理陳永傑昨晚表示，事件已交公司法律部門跟進，不作回應。


地產代理提供的平面圖列明有一個開放式廚房（紅框示），但朱小姐收樓時廚房不是開放式，無故多出一間「蚊型房」變成廚房（藍框示），另一間睡房門口位置也不同（藍虛線框示）。

Cable TV Link:
http://cablenews.i-cable.com/web ... .php?news_id=350985

政府早就應該立法監管發展商既賣樓手法
唔係只限於一手樓、連市區重建/強拍收回發展既項目都要監管
亦反映了獨家代理新樓盤為走法律漏洞既新途經
長遠應禁地產代理獨家銷售新盤
讓賣樓手法可以稍作改善

看來唔止用清水房交樓，連垃圾都未清理走就話交樓，連馬桶都無，看來好有機會是發展商和判頭之間本身已經出現了問題。
另外香港事實上是不容許有開放式廚房入則，建成後屋宇處亦唔會批入伙紙，我懷疑那個蚊型房就是傳說中的廚房，
到業主收樓入伙後將蚊型房拆除再改番做開放式廚房，班唔識野的小業主今次真係中晒計。

這事件其實教訓買新樓千萬唔好買小型及無實力的發展商樓盤，案中業主的眼光亦很有問題，970萬就想住西半山690呎新樓！？
發夢就有，代價到最後咪就係得來了這些「全港獨有，零舍不同」的情況，所以根本一早就唔應該買呢類樓。The Icon是重建
物業，無樓書，實用率出名低，建築質素又差，承接和抗跌力一定唔方高，咁既樓都走去買，真係自求多福......

老實說，我在近幾年都從來未見過有分層式新樓部份住宅會以「清水房」形式交樓，今次榮豐The Icon真是開創了「業界先河」

[ 本帖最後由 volvo_chan 於 2011-1-14 17:01 編輯 ]

wah, 明顯未清場la.....應該整唔切, 又怕遲交樓俾人告, 夾硬去"交樓"...

另外有關開放式廚房問題,  回volvo_chan, 其實開放式廚房唔係唔可以, 但屋宇署
本身對開放式廚房有嚴格規定, 如有d情況, 開放式廚房只可以用電爐, 有d情況,
廁所/廚房位置有一定限制, 所以唔係咁易做開放式廚房,  而今次明顯有人取巧,
宣傳同入圖俾政府用2套圖....原本宣傳的開放式廚房唔整住, 整左間蚊型房頂住先,
俾政府批左先, 之後再去搵人改.....

其實從上圖, 那開放式廚房接近大門逃生路線, 這有明顯有安全問題, 應該批唔到, 而
如果之後再改建, 有關法律責任, 仲落左去新的小業主身上!(都好奸)

如果係安全又合乎法例, 又駛乜咁偷雞去咁整個廚房

p.s. 其實好多人買樓後, 都未經屋宇署批准, 就將廚房改成開放式, 其實呢d都可能係
非法改建, 亦會引起安全隱憂.....如有d新樓, 廚房門本身係防煙門, 唔係隨便話拆就拆...

[ 本帖最後由 3ASV196 於 2011-1-14 17:31 編輯 ]

原帖由 volvo_chan 於 14-1-2011 15:54 發表
看來唔止用清水房交樓，連垃圾都未清理走就話交樓，連馬桶都無，看來好有機會是發展商和判頭之間本身已經出現了問題。
另外香港事實上是不容許有開放式廚房入則，建成後屋宇處亦唔會批入伙紙，我懷疑那個蚊型房就是傳說中的廚 ...

只要唔係明火 廚房係可以開放式的

原帖由 3ASV196 於 2011-1-14 16:44 發表
p.s. 其實好多人買樓後, 都未經屋宇署批准, 就將廚房改成開放式, 其實呢d都可能係
非法改建, 亦會引起安全隱憂.....如有d新樓, 廚房門本身係防煙門, 唔係隨便話拆就拆...

廚房門唔單止要防煙，法例規定最少要有一個小時的耐火能力；呢條例己經行佐好多年。
所以，廚房唔單止唔可以亂改做開放式，度門都唔可以隨意改。

原帖由 s3n370 於 2011-1-15 23:11 發表


廚房門唔單止要防煙，法例規定最少要有一個小時的耐火能力；呢條例己經行佐好多年。
所以，廚房唔單止唔可以亂改做開放式，度門都唔可以隨意改。 ...

"這些廚房必須用適當的牆包圍，牆身應最少有一個小時的耐火能力，而門亦最少有半個小時的耐火能力，
且有自動的關閉裝置"(屋宇署常見問題)


其實一般講"防煙門", 已經代表有一定耐火能力, 而廚房門要求是半小時.

原帖由 STR 於 2011-1-15 21:49 發表
只要唔係明火 廚房係可以開放式的

明火都有機會可以開放式的, 但廁所同廚房的位置有一定規定,
詳細我就唔太清楚..

不過我睇過一間剛批入伙紙的新樓, 明火廚房係開放, 問那負責人,
佢話批准是因為廁所設於房間內, 開放式廚房唔可以直接走到廁所就可以..
(那是STUDIO FLAT), 不過我就唔太清楚那實際規定...

原帖由 volvo_chan 於 2011-1-14 15:54 發表

這事件其實教訓買新樓千萬唔好買小型及無實力的發展商樓盤

今朝我上過榮豐0既官網同埋佢0係維基0既條目
度睇過，呢間0野主力係收租同埋物業管理，真
係自己出錢起0既，只係得粉嶺0既榮福/ 輝中心
同埋0係馬鞍山0既富寶花園（但呢三個都0係居
屋0黎）。

最好笑0既，竟然0係只負責管理0既樂富村第六
期，都當0左係自己0既物業。

說實話，呢個發展商有幾多料？大家心照啦......

昨日屋宇署講, 講明唔可以未經批准改廚房為開放式,
如果改, 發展商/新業主要入則申請, 今次都算幾麻煩...

而那蚊型有牆廚房, 根本太細, 差不多係一定要改...