九巴荔廠你有冇搞錯?

話說今天下午在錦田市等候251M,由下午3點55分開始等,豬紙顯示當時班次為17-23分鐘一班,點知等到4點半仍然未有車,而人龍亦排左廿幾人.於是我致電九巴熱線,熱線員說巴士於下午4點08分係錦上路站開出,我之後問之前那班開幾點,佢話係3點30分.有冇搞錯?平時41A出尖東開30分鐘一班我都忍九巴,但今次251M係冇塞車既情況下前後車隔左38分鐘先開.開頭以為係錦上路有交通意外所以延誤,但後來於4點43分上車後,車長說荔廠收左架7車,而家得6架車行,屯廠冇收.


4點43分上車後,架AV係爆到企門口,很多乘客打去九巴投訴等候多時,但架車去到欖隧口就落左大半車人了.

荔廠收車,街知巷聞,九巴冇心做好公共服務,不如交番專營權出來啦,又賴成本貴,又賴油價高,但係又年年賺大錢,車長待遇就係全行最差,而家仲要唔聲唔聲玩收車.42C,44平時收車我都忍,連本身已經疏車既251M都照收可也,荔廠班管理有冇離譜D?係收車都搵D班次密既線收啦,251M本身都4個字先一班,都仲要玩收車,咁不如叫D乘客去等51好過,反正都係40分鐘一班,但51冇收車.不過,荔廠班管理都係打份工,真正黑手係對上的那班管理層.

最近九巴整個"從心出發"既廣告,既然想玩從心,搞公共服務唔好搞得咁無良啦,再咁樣服務乘客,真係遲早俾天收.巴士唔係一盤生意咁簡單,九巴有既係專利權,很多市民都要靠佢,又唔見新巴城巴成日玩收車? 唔夠車長,唔該請PART TIME,加車長人工,同工同酬,玩跳飛機,增加食飯和休息時間,同埋認真檢討現時的員工福
利,看看是否有職員濫用等等,而唔係隨便收車搵乘客既時間去亂咁來.

聽人鬧九巴都聽得多,估唔到今日自己都忍唔住鬧埋一份.何總監,你唔該立刻下台啦,九巴唔需要你,香港唔需要你.

38分鐘一班者，上次251M同263M聲稱無任何車務問題，40分鐘一齊埋站都係咁啦

呢個亦係青衣三寶既特點黎既，即使總站有車(唔計食飯嗰部)，明明開15分都可以變做開22分

原帖由 EH2674 於 2011-1-15 20:25 發表
38分鐘一班者，上次251M同263M聲稱無任何車務問題，40分鐘一齊埋站都係咁啦

呢個亦係青衣三寶既特點黎既，即使總站有車(唔計食飯嗰部)，明明開15分都可以變做開22分 ...

呢0的特點根本就唔應該出現
就算嘈到交通投訴組 九記可以好一排做戲跟住又衰番...

原帖由 petcity 於 2011-1-15 20:29 發表
可能九巴心諗

最好政府同佢講，我地要返個專營權，佢地開心到黎唔切

佢靠載通仲賺得開心過靠九記龍運啦...

*同小巴大王馬亞木一樣 政府俾佢(地)座得太大 要推倒佢(地)要花太多公帑

*就算係收左架7車
都唔應該會咁疏
中間係唔係仲有其他野呢?

樓主唔係而家先知呀嘛?

而家荔廠有805個常規字軌, 得果833部車, 就算有人都冇車揸, E D野日日都有N條線發生緊

原帖由 GK9636 於 2011-1-15 20:47 發表
樓主唔係而家先知呀嘛?

而家荔廠有805個常規字軌, 得果833部車, 就算有人都冇車揸, E D野日日都有N條線發生緊

我梗係知啦,但係唔該搵D班次密既路線開刀啦,例如2,6C,102,104,171,43M,48X,73X,238M等,呢D線收車最多都係10-12分鐘一架車,但係251M收車就好礙眼.
講真,我樓下條44基本上冇一日出得齊車,假期例開12-15分一架,平日冇10分鐘都唔駛旨意有車.

原帖由 GK9636 於 2011-1-15 20:47 發表
樓主唔係而家先知呀嘛?

而家荔廠有805個常規字軌, 得果833部車, 就算有人都冇車揸, E D野日日都有N條線發生緊

我諗應該係唔夠人既機會多過唔夠車既機會...

原帖由 Snoopy@FB8617 於 2011-1-15 20:57 發表
我諗應該係唔夠人既機會多過唔夠車既機會...

唔夠人?係因為九巴出手出晒名刻薄,新人入行同工不同酬,班老人家就當係神咁拜,仲要整D收車字軌專登俾呢班老人家,俾你係行外人,都唔想入九巴啦.新巴城巴本身都唔夠車長,但人地起馬會死都死個後備車長番來頂個字軌,九巴呢?收收收!!!

唔夠車?唔該大家睇下九巴由上年8月到現在出左幾多架新車,又同時退左幾多架舊車?新車出得1架,仲要未出街行,但退車就超過50部.咁多車退?點解唔出堆新
車,寧願擺係廠度封塵?巴士係用來行既,一架已完整既車就要拎出來行,買架巴士唔行,唔通九巴班大帝鐘意儲巴士?呢D野好似係行家先會做.

一句講晒,而家九巴唔夠車唔夠人,係咎由自取,雖則九巴係私營,但服務既係公共事業,有好多人唔搭九巴就冇其他車搭,九巴有專營權而其他公司沒有.我地只要
求一個合理的服務,好似51咁開40分鐘一班,冇乜人會嘈,因為開得足車,但係唔好話20分鐘一班,而實際就開40分,咁同當班乘客係水魚冇分別.

何總監要算死草,大把機構可以俾佢去算,香港大把機構係以賺錢為首要,冇人會阻住佢幫公司搵錢,但係九巴係一間大眾化既公司,成本根本不可能係放首位.

同樣係算死草既公共服務者國泰航空,都係最多係每架機度加多幾張經濟客位,大家坐逼D去賺錢,而唔會突然整一些會令乘客極不滿的情況.

原帖由 Snoopy@FB8617 於 2011-1-15 20:57 發表
我諗應該係唔夠人既機會多過唔夠車既機會...

荔廠係兩樣都唔夠