延長路線，係好事定壞事？

早前有文章跟進港鐵繁忙時間擠迫的問題，今日又見到少少與別不同既見聞。平日早繁觀塘線向來都係黃大仙至石硤尾難以登車，由上個星期開始，彩虹站朝早最多人入閘既時間 (8:15-8:30)，特登關閉部份入閘機（今日仲將最多人用果邊３個一組果度關１個），另一邊都收一個單程票閘機。

今日落到月台有點不同，３號月台有車待命，我搭果架車去到黃大仙竟然無乜人係月台等車，九龍塘更加清得晒ｄ客！
話時話呢ｄ控制人潮方法都係服務受阻先至用，咁今日有無故障？
今次真係不得不令人懷疑港鐵係利用旁門左道既方法去疏導中途站乘客……

其實，觀塘線再延長，甚至日後東西線貫通，類似以上中途站難以登車的情況會唔會好大機會發生？

時間上迫鐵路塞人多數都快過坐/迫巴士塞車,
特別係紅隧同香港仔隧道果一段,
所以延長路線+有新線分流點都係好事
反正, 某些不太喜歡巴士的網民成日講邊條線會取消/重此無人搭,
到最後有幾多條線真係取消到
所以我又唔係太擔心多左鐵路, 會令所有重疊的巴士線都一併取消,
(九龍南綫通車咁耐, CUT車後客量仍明顯較低的新界西北往來尖沙咀巴士線),
咪又係得268B一條線咁大把, 記得之前網上有人講到269B+260X好快玩完,
而家諗返都幾好笑)
跟住一鐵路故障就成堆乘客企晒係度等接駁車~

此外, 廿年前鐵路公司加強載客率/分流乘客果種絕招都未用
(職員推乘客塞入車廂+繁忙時間附加費)
我覺得唔駛太擔心~

原帖由 ES464470X 於 2011-1-18 00:21 發表
此外, 廿年前鐵路公司加強載客率/分流乘客果種絕招都未用
(職員推乘客塞入車廂+繁忙時間附加費)
我覺得唔駛太擔心~

其實推乘客入車廂，果幾個站既乘客已經做緊，唔駛職員出手……
大家唔覺而家Ｄ乘客比以前行得入過以前咩？

原帖由 toyl 於 2011-1-18 00:28 發表

其實推乘客入車廂，果幾個站既乘客已經做緊，唔駛職員出手……
大家唔覺而家Ｄ乘客比以前行得入過以前咩？

年幾前早繁我仲需要係九龍塘轉觀塘綫往油麻地時已經察覺
(就算係東鐵果程, 去到大圍站車廂右邊的企位空間都差不多用盡,
尤其係中間果幾卡)
不過就算月台乘客推車廂入面D乘客,
車廂另一邊都仲係有少量吉位仲企到人,
因為車廂內的乘客同樣以血肉牆城盡量阻擋月台乘客強行推入車

原帖由 toyl 於 2011-1-17 23:52 發表
今日落到月台有點不同，３號月台有車待命，我搭果架車去到黃大仙竟然無乜人係月台等車，九龍塘更加清得晒ｄ客！

彩虹加班車一向的問題..
3號月台車大概係4號月台開出後1分半鐘左右開車
基本上前車都上左大部分客...加上前車係大站既小delay...
加班車去到黃大仙通常同前車差1分鐘..

近期發現KTL上繁後,幾乎日日要加車序,究竟上繁咩原因搞到嚴重delay呀?

我想問樓主係咪搭3號月台班車？彩虹站有沒有因為封閘機而導致大堂塞人？
除這一班之外，大約10分鐘之前都有一班彩虹特車，我搭過好幾次，
去到九龍塘清晒客，其實我又唔覺得係咩旁門左道既，佢個目的就係要清走九龍塘批客嘛。

市區綫當中，似乎只有觀塘綫有在綫路中段的發車點。
而家真係慶幸當年彩虹有起到三條軌，否則全綫一齊迫。
今朝大約0810，我在鑽石山上車，在樂富開車後即刻減速，大約去到隧道中間停低，
開－停－開－停　兩次，之後先全力加速入站，心諗如果九龍塘都有三軌就好喇。

[ 本帖最後由 DIH 於 2011-1-18 09:21 編輯 ]

原帖由 DIH 於 2011-1-18 09:18 發表
心諗如果九龍塘都有三軌就好喇。

就算有三軌又點?
塞車係因為個月台塞死
多一個台既話自然解決到