政府資助巴士公司三千多萬元試驗混能巴士

原帖由 053h4 於 2011-1-25 18:29 發表
試車兩年太耐, 但起碼都要一年, 春夏秋冬四季冷氣用量唔同, 又要安排唔同線去試
而且改良又要再試過

如果試得唔清楚, 買左堆車唔啱用就煩

潘副局長就係捉住呢樣0野先企硬試兩年
試一個春夏秋冬 跟住改良再試一個春夏秋冬
真係全年都無問題先拍板叫巴士公司放心落訂單

唔係到時試完一個春夏秋冬 改良完就拍板
點知原來改完都仲有問題0既 邊個負責？
(而家唔係買棵菜 係買架用十幾年0既載人用車)

政府資助.....其實即係包底......

混能車新野，巴士公司對其意欲唔大好正常，
追歐盟新期排放標準都無咁多野煩

我覺得買混能車隨時難過買兩軸雙層..

除左測試環境，相信維修都會係個大挑戰
第一年理論上有車廠提供技術支援handle部車，之後用多1年時間自行handle

相信2~3年後，巴士公司無藉口唔入混能車掛。

[ 本帖最後由 kay 於 2011-1-25 20:10 編輯 ]

班政棍，
根本就完全唔知道香港咩環境要用咩車，
就白支人工說三道四。

講真，
香港咁o既氣候，加上咁o既人口密度，再加上咁o既地理環境，
下下都要出動十二米雙層加埋冷氣，
頂晒閘走去爬山，
夏天三十幾度，依家連好多柴油巴士力水都好麻麻，
想要零排放，都要夠力推架車先得，
唔係話其他地方用得o既燃料，就可以直接用o係香港。

Hybrid 雖然唔係好新o既技術，
英國又開始多用，加上有接近香港尺碼同配置o既現貨選擇，
咁多種新燃料技術算係比較可取。
問題係：呢款尺碼同配置o既現貨，依家行車表現都係麻麻，
亦都未見得十分可靠，
加上車價比現時柴油環保車貴一半，兩架車已經拍得住一卡重鐵車廂，但重鐵用 50 年，巴士只用 17 年，
都未計仲要換電o既成本，咁貴又唔能夠完全證明到架車適合香港用，
根本無可能叫巴士公司咁快就拍板買車。
班政棍可有諗過，如果唔係有政府資助試車，
巴士公司根本就連試車o既意欲都無？
就算將來將新能源巴士列入專營權條款，政棍們又可有諗過，
車價一增加就係 50%，加價又唔容易（亦加唔到咁多），買車條件又苛刻，
政府政策又嚴重向鐵路傾斜，咁多不明朗因素之下，
現有o既巴士公司分分鐘寧願唔做，將資金調去其他業務，分分鐘利益仲大，
政府（棍）可有想過將來分分鐘要接管本地巴士業務？

原帖由 3ASV174 於 2011-1-25 22:38 發表
班政棍，
根本就完全唔知道香港咩環境要用咩車，
就白支人工說三道四。

講真，
香港咁o既氣候，加上咁o既人口密度，再加上咁o既地理環境，
下下都要出動十二米雙層加埋冷氣，
頂晒閘走去爬山，
夏天三十幾度，依家連好多柴油巴士力水 ...

就係而家未必適合先要試驗
呢d咁既試驗可以挑戰下車廠既技術,睇下可唔可以改進到符合營運要求

如果個個好似你咁諗,我地唔會有噴射引擎既出現
因為早期噴射引擎可靠度又差,壽命又短...唔適合大規模採用...

原帖由 manlok 於 2011-1-25 23:18 發表
就係而家未必適合先要試驗
呢d咁既試驗可以挑戰下車廠既技術,睇下可唔可以改進到符合營運要求

如果個個好似你咁諗,我地唔會有噴射引擎既出現
因為早期噴射引擎可靠度又差,壽命又短...唔適合大規模採用... ...

重點就係要「試」。

所以我唔明點解o的政棍可以走出o黎，
人地試車又話試驗期長但又要人地大批換。
老老實實，
就係因為 Hybrid 車價比歐五車貴成 50% 咁多，
如果唔係政府包底，貿貿然叫三巴用成千萬各買兩架返黎試，大家都會寧願買多一架歐五車。

所以我覺得，
如果呢三千萬試到效果係好，日後巴士公司會用，
呢三千幾萬係用得其所，怪就怪政棍們短視。

原帖由 3ASV174 於 2011-1-25 23:36 發表

重點就係要「試」。

所以我唔明點解o的政棍可以走出o黎，
人地試車又話試驗期長但又要人地大批換。
老老實實，
就係因為 Hybrid 車價比歐五車貴成 50% 咁多，
如果唔係政府包底，貿貿然叫三巴用成千萬各買兩架返黎試，大家都 ...

因為呢三千萬係政府出，即係由納稅人口袋拎出黎貼俾巴士公司試驗，
(當然最後得益都係大家)，尊貴議員們自然就有藉口要令納稅人既錢用得其所。

我認為巴士公司取態好重要，要考慮問題實在太多(每間公司諗法都未必一樣)，
唔洗錢當然會同你試，但唔係話試完車就解決得到，同埋某程度都好睇英國果邊政策，
去決定英國車廠未來要走既路，再繼而影響到香港將會引入咩車，
果邊混能都未完全成熟又點會貿然整部香港十二米版本，E400同4X2 B9TL已經係一個活例。