晨早特別線13P

呢條線好似一向都比較少人留意咁, 搵日要試下搭下先...



小弟劣作
歡迎跟相和討論

小心，一試就愛上，皆因，觀塘道美亞站->(牛頭角港鐵站對出天橋)-->德福花園-->九龍灣港鐵站-->麗晶花園-->亞皆老街(不停站,全程快線,九龍城交匯處天橋,亞皆老街天橋)-->太平道

怕你好似我咁返唔到轉頭！

趁呢一年仲有熱狗好快D試，否則魅力度減小！

我仲愛上黎呢度等添，每天（平日）早上，都會出現「刀劈13P」既情形咖！
S3N又好，S3V又好，一定要挨一刀！

原帖由 lcwhk 於 2011-1-20 22:59 發表
我仲愛上黎呢度等添，每天（平日）早上，都會出現「刀劈13P」既情形咖！
S3N又好，S3V又好，一定要挨一刀！

唔好意思都要講一句，你企邊個位影呢幅「刀劈13P」，
仲要愛上黎呢度等？即係唔止一次o甘做。

想當年13X重掛緊3部坦克蘭既時候 (EH3080, EJ4147/4474)
真係日日返學企住都要搭 就係為左踩衝油衝落觀塘道天橋一既一刻
不過13X轉全冷之後都冇乜搭過13P

原帖由 on11358 於 2011-1-20 23:05 發表

唔好意思都要講一句，你企邊個位影呢幅「刀劈13P」，
仲要愛上黎呢度等？即係唔止一次o甘做。

師兄，唔駛唔好意思既，想知就問啦，我好開放！但係諗野可唔可以試下用唔同角度諗；影相都唔一定要「企」係街食風呆等既，坐私家車聽住歌行快線，開個窗影得唔得呢？（但係你當然睇唔到啦）用部車黎追住架巴士影，連影幾個街口，好爽咖！另外，又有冇聽過「一見鍾情」、「一次愛上」呢？（睇下2樓位版友？）當然，慢熱既朋友，梗係要試多幾次啦！累積了經驗，便能辨好壞。

貼相扣 power，咁discourage既野又發生啦，有冇諗過，遲早冇人貼相，網上冇野好睇，損失既係你自己？

再貼多兩張
鍾意既朋友就睇下啦，見多一次得一次！
睇唔過眼既，close browser就見唔到咖啦！

[ 本帖最後由 lcwhk 於 2011-1-22 01:38 編輯 ]

原帖由 TankKingEH9697 於 2011-1-21 20:52 發表
想當年13X重掛緊3部坦克蘭既時候 (EH3080, EJ4147/4474)
真係日日返學企住都要搭 就係為左踩衝油衝落觀塘道天橋一既一刻
不過13X轉全冷之後都冇乜搭過13P ...

13P真係好爽!!不過真係太多人坐..
宜家我都坐返13D返學,
因為時間唔差得太遠..(我係太平道落)

呢條線全程要幾耐時間?

原帖由 lcwhk 於 2011-1-22 01:05 發表

師兄，唔駛唔好意思既，想知就問啦，我好開放！但係諗野可唔可以試下用唔同角度諗；影相都唔一定要「企」係街食風呆等既，坐私家車聽住歌行快線，開個窗影得唔得呢？（但係你當然睇唔到啦）用部車黎追住架巴士影，連影幾個街口，好爽咖！另外， ...

多謝你既回應，簡單說明一下拍攝手法係件好事，
既然我誤會左拍攝地點有問題，相信其他人都有類似疑問，
如果有人唔知實情而模仿同樣角度企左出路中心欄杆影就唔係o甘好。

細個果陣都有諗過有部私家車就可以追住架巴士影，
不過諗到要搵個肯陪自己影車既司機，去到一個位又要搵地方短暫停泊，
攬住安全帶要拎轉個身十分不便，而且一般私家車都比較矮，
行車中影出黎角度好難掌握得好，最後都係放棄呢個諗頭。
當然如果有版友更多同類作品個人黎講無任歡迎，
之前睇過一攝相關於台灣B7RLE車隊運送，印象都好深刻。

[ 本帖最後由 on11358 於 2011-1-22 13:23 編輯 ]

剛才睇體育世界，介紹預備打馬拉松，見到13p姓方熱狗司機！數年前同佢傾過下計，呢個字執係走兩味，果陣己經知道方先生帶埋跑衫跑鞋返工，係每天中午放工後練長跑，食埋飯返工返埋下半場！

估唔到幾年無搭方司機@13p，今日竟然係電視見到佢！

祝方先生跑渣打馬拉松成功跑到目標！

(我認識方先生時代係坐康都EH3608！)