新城有冇收車？

原帖由 tridents 於 2011-1-26 04:30 發表


呢間公司嘜野都做得出, 94A 曾經有一個字軌, 只會華富開去利東然後收工, 公司就同運輸署講班次正常總站有出車, 但等車乘客送車尾既話, 請在利東等 24 或 30 分既再下一班吧.

要投訴嗎?  新創建回覆話司機有事所以 ...

我只可以講,新城收車比率沒有九巴那麼高,新巴也出現車長不足的情況,但左跳右跳,都會盡量死番架車出來行,除非車長突然鋤假冇人返又冇後備返.
最近我試過係赤柱等14,本來時間表上話有班車,點知冇左,新記熱線員話少左架車,要開30分架,同埋講聲sorry.反正14都係疏,而且新巴又冇出現d古靈
精怪班次,所以算數.

如果說新城收車,我猜3B都好大機會有份,次次等3B等到火滾,有次係蒲飛路等,車長直情飛站.

大家都係有理說理,不是什麼偏新城攻九巴,而是九巴的收車率的確嚴重.若說收字軌,港鐵甚至國泰一樣有,但係唔會好似九巴咁礙眼法.

原帖由 LV27 於 2011-1-26 09:02 發表
早幾年前78晚上寫明12分鐘一班(00,12,24,36,48), 但車長張咪佬紙就15分鐘(00,15,30,45)一班,
夜更原本三架車變成兩架車, 但因為影響好細加上有72搶客, 所以無乜人出聲

再之前2002年時, 46X早上原本10分鐘一班, 突然 ...

78依家夜晚開15都有3 部，唔知係咪d司機跑唔切
另外94A以往都係有機會被拉車對象，唔知依家仲有無改
因為94A比得單層落去既話，都係佢自己94A個字軌，唔通拉去行雙層車線?....

反而新記有度好就係繁時唔會話架車無咁一層，城記南區香隧線真係好易係早繁無咁一層..

原帖由 LP1200 於 2011-1-26 07:15 發表
有就應該有既,
不過誠如有板友話齋,新城既車左拉右拉
收少左一架車你梗係唔會覺...
不過我住落柴灣又真係唔多覺...
要數應該係得780...

PS...樓主提到的81..
我搭左十幾年都未試過甩班.....
係舊年罷工先試過第一次 ...

780唔知係咪收車，但係有次等車，跟時間應該柴灣東開12、27、42分，但係環翠有架車來係26分，如果係12分個班，冇理由總站開去環翠要14分鐘，27分個班照計又未開，而之後一班大約係42-43分來到，即係都KEEP到15分鐘一班，好多時都係咁，真係唔知個時間表已經唔岩，定係總站個鐘唔岩。
如果講收車，我反而覺得82有可能，收左都唔覺，有時真等得勁耐，試過等左>20分鐘，606都有2架過左，來到仲要上唔到。

原帖由 dippy 於 2011-1-26 06:52 發表
或者大家都好少去南區
(本人去多數都幫襯171/971等線, 唔多收車)
所以大家去開港島北既人就會覺得新城服務好(對比九記响相同地段既服務)
(九龍西都係好過九記)

城記 171, 特別係收工前 2 轉係收好多車, 我吾知係字軌本身要收好多車定真係夾硬收當無事, 試過有段長時間大約夜晚 10 點會係紅隧等佢返海怡, 永世開平均 8 分班等 15-20 分才可上車, 最誇個次等左 25 分先上到車, 因為多人但車少, 但到九記時段又 5 分班喎, 結果是九記尾轉頭 3 班車出黎食埋城記吾想做溜下既客, 真係心都涼, 連 $10.6 (未加價前) 既生意都吾做, 點解有得擇仲要搭你城記.

大家認為新創建收到投訴後會做野嗎?  如果有做野係呢個時段等開 171, 到怡家結果都係差吾多, 跟住就會有人話 quota 制再幫新創建護航點解無得加車.

原帖由 kay 於 2011-1-26 11:31 發表
另外94A以往都係有機會被拉車對象，唔知依家仲有無改

夜晚 94A 得 2 架 40 分跑, 自己都跑吾掂, 無得拉.

以前新城仲係對家時, 94A 夜晚開 6-7 架車, 當年比人拉就吾奇.

原帖由 tridents 於 2011-1-26 13:01 發表


夜晚 94A 得 2 架 40 分跑, 自己都跑吾掂, 無得拉.

以前新城仲係對家時, 94A 夜晚開 6-7 架車, 當年比人拉就吾奇.

我係講朝早，佢開8-13時段要打劫94A 1架半架都唔會有問題啦
我係呢度唔知邊篇睇過，話94A朝早除時拉走1架...

94A其實有潛質做既，比佢仲頹既78夜晚仲開緊15，
94A夜晚開20有時回程入到洛陽街係坐滿走人....

有客當bonus，無客唔蝕得多
呢個係我對新城南區區內線評價...

最近又聽聞94A夜晚多返1架跑20，根本早年94A/78夜晚得返2部係好難跑...

原帖由 FBI2 於 2011-1-26 09:35 發表
而且新巴又冇出現d古靈精怪班次

有, 只係無人講.

海怡開 90B 及 99, 除左海怡外其餘分站無人知真實班次, 話路線長所以只有海怡寫其它鴨島分站可以吾寫?  671 仲長但為何東村分站也有寫.

等古怪既 90B 班次, 等過 n 次火都黎, 晚繁 5 點幾係鴨島等左 15 分, 佢寫一個大包圍班次, 都吾知點投訴.

原帖由 kay 於 2011-1-26 11:31 發表

78依家夜晚開15都有3 部，唔知係咪d司機跑唔切

當年78夜更有個碌神, 佢經常去到黃竹坑都要即捕即戒,
另一個字軌行得快D, 但每轉都得好少時間抖, 30分鐘一轉其實好惡跑,
而家返到總站可以見到前車, 好跑好多

原帖由 HK104 於 2011-1-26 11:58 AM 發表

780唔知係咪收車，但係有次等車，跟時間應該柴灣東開12、27、42分，但係環翠有架車來係26分，如果係12分個班，冇理由總站開去環翠要14分鐘，27分個班照計又未開，而之後一班大約係42-43分來到，即係都KEEP到15分鐘一班，好多時都係咁， ...

82我覺得係本身埋站時間長短問題,
有d站埋一埋可能要5分鐘或以上..
其實早排老新係藍灣搞左個聯絡會議,我有同佢地傾過下82班次唔夠的問題..
講完之後,
而家等82穩定左同埋好少再出現藍灣車坑無車的問題...

原帖由 tridents 於 2011-1-26 13:13 發表


有, 只係無人講.

海怡開 90B 及 99, 除左海怡外其餘分站無人知真實班次, 話路線長所以只有海怡寫其它鴨島分站可以吾寫?  671 仲長但為何東村分站也有寫.

等古怪既 90B 班次, 等過 n 次火都黎, 晚繁 5 點幾係鴨島 ...

咁講,就算90B寫6-15分鐘一班,而最後要等15分鐘,都只可以說自己不好彩,但還叫合理,可是九巴一些路線,話12-25分鐘一班,最後可以45-60分鐘一班,而原因
是收車.