文匯：窮人應該離開香港，以騰出空間讓富人來港

地產業界料樓價續飆 年內破97高位

香港文匯報訊（記者 趙建強、梁悅琴、劉璇）外國機構報告指香港樓價已達極度難負擔水平，但一眾分析員以至地產發展商皆預期港樓價將繼續上升。瑞銀投資研究執行董事王震宇看好樓價兩年可再升33%；長實集團執行董事趙國雄認為樓價年內可有雙位數字升幅；有「聯匯之父」之稱的景順首席經濟師祈連活亦相信港樓價難跌。

瑞銀：樓價兩年升3成

本港樓價是否偏高？瑞銀投資研究執行董事王震宇用「數字分析」指仍健康，更預期樓價兩年內可以再升 33%，中原樓價指數今年內可突破100(97高峰)，2012年底達120點。他指目前利率極低，一般租金回報率扣除按揭息口成本後仍有2.11%，即使利率升2厘，租金回報率亦只跌至0，而97高峰期按息高達9.3%，實際租金回報率為-5.34%，可見目前本港樓價仍然合理。而且，本港借貸比率偏低，樓市風險極低。至於窮人買樓難，王震宇認為「低增值人士」應該離開香港，以騰出空間讓高增值人士來港。

另外，在美元貶值、人民幣升值、通脹壓力及內地富有人數比率持續攀升等因素下，外來資金(包括內地)將繼續推高本港樓價。

港府或再推出調控措施

長實執行董事趙國雄亦認為，本港經濟基調穩定，在通脹維持約4-5%下，相信今年上半年息口變動不大，加上預期通脹趨升及住宅供應少等因素下，他預期本港樓價今年內可有雙位數字升幅。

港元與美元掛鹇，港府無法控制匯率及利率，且在自由經濟原則下，無法壓制資本流入。景順首席經濟師祈連活表示，港府只能依賴行政措施控制樓價，他相信政府今年會再推出與去年11月類似的調控樓價措施，但由於預期美國最快明年才可能加息，祈連活相信香港樓價短期內難以下跌。

而家大陸物價仲貴過香港wor....問題係離開香港要付出更大成本
政府亦完全唔明白當今年青人及低收入人士既諗法
最緊要照顧個1,200人先
社會貧窮懸殊彷彿問題就出在窮人身上, 政府就一直當冇到
保皇派人食人....越來越露骨了
更離譜既係每日仲批150個大陸人落黎
令到香港唔窮都變窮la...唉!

原帖由 AL_71 於 2011-1-26 11:17 發表


而家大陸物價仲貴過香港wor....問題係離開香港要付出更大成本
政府亦完全唔明白當今年青人及低收入人士既諗法
最緊要照顧個1,200人先
社會貧窮懸殊彷彿問題就出在窮人身上, 政府就一直當冇到
保皇派人食人....越來 ...

鄧小平話讓一部人先富起來,而家的確部分人先富起來,但無
俾機會其他人富起來,結果只係不斷製造特權階級,造成社會
衝突矛盾,最後一定係出現革命

我唔明白何謂"低增值人士",社會本身就係由不同個體組成,
唔通個個有大學學歷,身家過百萬先叫高增值,先可以成為香港人,
試問那些低價值工作邊個去做

原帖由 edhong 於 2011-1-26 12:04 發表
「低增值人士」? 什麼係低增值人士 ?????
先不要說什麼政府亦完全唔明白當今年青人及低收入人士既諗法
但政府係未應該控制一下
此類  狗眼看人低  既想法 ? ...

這不是政府，是「瑞銀投資研究執行董事王震宇」，佢有言論自由（我話佢有言論自由），
香港政府控制不了甚麼，但香港政府應該要控制姓唐那位的想法。

大陸物價都一直上升，窮人可以去邊？埃塞俄比亞？或者去不丹，夠晒快樂喇卦？
無晒窮人，我睇邊個同你起高鐵，邊個同你港珠澳，邊個同你執垃圾！

[ 本帖最後由 DIH 於 2011-1-26 12:36 編輯 ]

樓價問題，息口一日唔升，一定繼續係咁

通脹黎講，輸入性通脹嚴重，而且港元又同美金掛勾...

有時唔係話住係香港呢班人自己引發問題
事實上近年受周遭地區影響更多(經濟層面)

唉...通常做得越高層,就越"狗眼看人低"
唔知點解有班人永遠覺得冇哂窮人就係好事
不如政府限制每個嬰兒出世前ensure父母有幾億身家
跟住先畀佢哋生呀

原帖由 JX9097 於 2011-1-26 13:50 發表
唉...通常做得越高層,就越"狗眼看人低"
唔知點解有班人永遠覺得冇哂窮人就係好事
不如政府限制每個嬰兒出世前ensure父母有幾億身家
跟住先畀佢哋生呀 ...

唔知點解有班人永遠覺得冇哂窮人就係好事
未就係因為阻左佢地發達囉 ~

OT. 講個句野個個人算唔算歧視 ?
佢歧視窮人, 叫佢地離開香港

唔好話投行高層, 就算係投行一個低級職員, 一樣會講呢D說話.
人地睇親個D銀碼, 最少都係USD 1 million, 唔知米貴實屬正常.

大家其實唔需要有咁大反應.
香港呢個社會, 一向都係狗眼看人低., 唔到大家唔接受.
君不見HSBC有Premier, 恒生有Prestige?
有錢就入房坐, 無錢就係大堂排餐死, 香港就係咁!

與其係度埋怨, 點解大家唔諗下辦法主動改變自己的處境?

原帖由 AVW56 於 2011-1-26 15:59 發表
唔好話投行高層, 就算係投行一個低級職員, 一樣會講呢D說話.
人地睇親個D銀碼, 最少都係USD 1 million, 唔知米貴實屬正常.

大家其實唔需要有咁大反應.
香港呢個社會, 一向都係狗眼看人低., 唔到大家唔接受.
君不見H ...

所以小弟一向都唔鍾意HSBC
cut哂分行不得止,仲話戶口要keep住一個amount先唔會罰錢
(小弟當年仲讀緊小學,所以根本去唔到佢嘅最低要求)
根本就係叫小市民唔好去開戶口,阻住佢個database