我要分享剛才坐車經歷，258D第二集，驚險篇！

唔好意思，小弟又要分享搭258D尾二車返觀塘既"驚"歷…

今晚23:50同樣地係建生邨上車，今日來回屯門我係都係坐GY4317，首先想講GY4317，表現真係好左！

上到屯公，去到深井出入口一個右彎，見到架私家車反左係入口同出口之間慢線，剛剛係一個金門的地盤仔，警察同拖車到場，警察就順便用埋金門既雪糕筒，係出口，見到GG9302擺左係度，應該關事…

呢單都唔算大事，跟住去到呈祥道過左前茘園的大斜，然後差不多70KM/H車速轉左，差唔多出完彎見到架三菱LANCER打橫擺左係慢線同中線，我地架車好高速，我同周邊既私家車差D BREAK唔到，同時見到LANCER司機落緊車邊打電話邊行埋一邊，我第一刻呆左無反應，兩秒後我意識到後我真係好驚撞埋去 ，好彩司機BREAK得靚…然後，我見到架LANCER左邊車頭嚴重損毀，左頭轆都突左出來，佢應該打左白鴿轉！

心情很久未平復…

可能車長見慣世面，沿途車速都無減慢到！

心情平復中既時候，去到觀塘…本來諗住夠了，驚險事情應該完…怎料，去到觀塘港鐵站既行車隧道既時候，見到一個中年近晚年既男人，儘管行快線既車輛通通都急停响鞍，個男人都推著一架摺左既輪椅慢慢地靠著觀塘道馬路既快線行落行車隧道，場面更為驚險！

我終於好"驚"險地安全到達藍田港鐵站，感謝主帶領我…

[ 本帖最後由 千年 於 2011-1-30 02:12 編輯 ]

屯門公路近期似乎因為有擴闊工程，總覺得意外比以前多
以前沿路上，偶然先會遇見單意外
但近期唔同左，同一段路上常常遇見多單意外
特別係當行車環境有變動(因為工程所致無咁臨時的改道)或者微雨的日子，意外便會多，真的好考司機的專注力。

試過有一次，08:45am在聖彼德堂上車出九龍，開到龍門居對開第1單意外，阻左半小時，上到公路又遇到第2單意外，阻多一小時，去到觀塘已經過左10:45am

其實上兩次擴闊都係咁, 80年代那次仲要唔少大意外：92-96那次就小意外較多﹐好似係93年試過一次封四個鐘，ME都要落青公。95/8/20-95/9/?那段時間就直頭惡號喇.

離題了

我琴晚先搭完 GG9302...
想不到再夜d就出事喇...
仲有我覺得作為一個職業司機，
路上見到意外都一定不可以影響駕駛情緒...