九巴,你唔好做巴士啦,不如走上山種樹啦!

原帖由 fv682 於 2011-1-31 23:31 發表
如果咁都抽到水, 我都可以咁講：
呢條片由頭到尾都冇九巴標誌出過喎,
個巴士仔仲要變左樣, 改埋名, 額頭冇左九巴標誌, 仲唔再叫九巴仔
咁會唔會係某專門店抽水咋??!

當然, 板友對九巴近來做既野不滿係可以理解... ...

其實收車咪就係環保咯
車都唔行，0排放

lee條片應該連$500都唔駛
咁都叫浪費金錢既話咁不如連果官網都唔好整
肯定貴好多

我諗樓主你係想講條片令你好「反感」而唔係共鳴吧。

不過老老實實，架ATE個廣告「服務乘客，由心出發」
呢句標語我覺得真係好噁心同好無恥。
乜原來縮皮收車都係由心出發架？
自己公司內部制度搞得唔好兼嚴重管理不善，
搞到班員工個個無心工作（鋤假），
肯開工既都做到黑口黑面，
點樣同你由心出發咁笑住對客？

不過唔只呢間公司，其實香港好多公司都係咁，
底層勞工往往受到管理層既不斷壓迫而敢怒不敢言，可悲！

回樓上,無心工作（鋤假),同做到黑口黑面其實好主觀,唔一定係公司制度令到員工係咁,但又唔代表公司制度冇問題

至於樓主連九巴仔種樹都抽水,點解唔post 埋城記條出租巴士廣告,之後開個標題"城巴,你唔好做專利巴士啦,專心搞租車生意啦"
我諗呢個廣告應該都係同服務乘客冇關掛??又唔見有人出聲話哂錢既??

近期發現呢個網多左版友開文/借題攻擊九巴服務...雖然,事實上近日收車搞到班次疏,等車耐左,服務係冇以前咁好,但又有冇嚴重到要專登開文聲討?個人認為冇咁既需要law...
也許呢度有人會講新創建有多完美,但是事實是否如此??有冇人記得每次帶頭搞罷駛既係邊個?又有冇人講新創建暗啞底有咩唔好既地方?又唔見有人有出聲既...

各位,請冷靜~

多言了~

原帖由 FD_8592 於 2011-2-1 08:49 發表
也許呢度有人會講新創建有多完美,但是事實是否如此??有冇人記得每次帶頭搞罷駛既係邊個?又有冇人講新創建暗啞底有咩唔好既地方?又唔見有人有出聲既...

呢樣涉及好多野，兩大集團有唔同性質及性格既工會，兩大集團規模亦都唔同
，更甚者是兩大集團既唔同工會對於大家既會員(即係員工) bonding亦都唔同。
再者，工會幹事既處事態度亦都係對於搞唔搞罷駛有決定性既影響。

難聽d講，如果新創建既工會原班人馬係九巴做既，個人覺得一早已經罷左工。
好簡單一樣野，收車制度會影響其他有開工既員工士氣，呢一點新創建既工會
一定會出聲為員工爭取權益(我唔擔保其實九巴工會有否出聲，但呢度好似唔覺
有巴士迷提過)。

原帖由 FD_8592 於 2011-2-1 08:49 發表
回樓上,無心工作（鋤假),同做到黑口黑面其實好主觀,唔一定係公司制度令到員工係咁,但又唔代表公司制度冇問題

至於樓主連九巴仔種樹都抽水,點解唔post 埋城記條出租巴士廣告,之後開個標題"城巴,你唔好做專利巴士啦,專 ...

點會冇呢??租車都係 provide 緊 service 比人架喎.

原帖由 FD_8592 於 2011-2-1 08:49 發表
回樓上,無心工作（鋤假),同做到黑口黑面其實好主觀,唔一定係公司制度令到員工係咁,但又唔代表公司制度冇問題

至於樓主連九巴仔種樹都抽水,點解唔post 埋城記條出租巴士廣告,之後開個標題"城巴,你唔好做專利巴士啦,專 ...

師兄,你住屯門梗係唔覺啦,因為58系的服務沒有出現大幅下降.你得閒過來青衣,就會明白當區服務有幾離譜.
點解我唔嘈新城?第一,新城好少搵疏車既線去收車;第二,我屋企樓下早晚得幾班新巴948,同埋城巴E21,可以使用佢地服務既機會不大;第三,新城玩跳飛機玩得盡,盡量會死個師傳番來開工...

當你自己屋企樓下原來條條線都開到5-10分鐘一班車既時候,不知不覺搞到20分鐘先有一班,仲要唔跟豬紙寫既時間表開車,俾著係你都嘈啦.

九巴成日話自己由心出發,真係有心啦,不過係"黑心"囉.開金車又如何?開足班次先最重要,話10分一班就10分一班,唔好玩埋D收車,玩一兩日都仲OK,日日係咁
玩,你唔火我都火.

基本上,成個青衣得條279X係當區居民認為滿意既.

得閒睇下41A,41M,44,49X,251M既服務情況先再講啦.

其實就是咁的
近來好似就所有槍頭都對住九巴
睇落又有D係講得不冇道理
有D又避免抽水抽得好過火
1.
收車既問題並非由管理層方面話去做既
聞說係有大股東要求冇人就收車
咁管理層亦都冇得say no
近排出R字軌其實都去改善緊個問題
當然,請夠人手係最好既做法
2.
成日話老九既司機待遇差
其實就真係睇你點睇
對面海有D人跳飛機跳到唔想做既一樣都有
3.
不論咩事都好
班車時間上有咩問題就已經立刻話老九收左車
其實,除非你係入面做,或者睇佢一轉
如果咁係,都應該好難確確實實話佢收車

此風氣實在不可再長

樓主, 抽水不要抽得太過份吧.
你沒有一大堆數字, 統計, 調查等, 怎能讓一眾九巴迷能心服口服呢?

如果佢advertising budget係批左咁多，budget內可以整呢d片，又有咩所謂?

整個九巴仔出黎，同tvb整個tvbuddy出黎同1個道理，
用呢d公仔再做further宣傳會吸引更多人....

又唔見有人話整咁多tvbuddy廣告，不如改善下節目質素?