反對香港「被規劃」：珠三角灣區跨境行動計劃 (不斷更新)

原帖由 ~誰@359~ 於 2011-2-4 14:36 發表
個問題係，究竟呢個Plan會唔會只係由大陸壓落泥既一個建議
之後閃閃縮縮過骨就屈香港市民機，著數大陸拎，錢就香港出

一齊規劃，得
大陸想搞D野搵埋香港搞，得
但唔該堂堂正正企出泥問下香港市民
雖然點都好我都係唔希望香港同大陸融合，咁只會令香港「人冇我有」既優勢消失

講真, 正如我都講, 今次咨詢係有問題, 我自己都唔太清楚今次PLAN 實際
係點, 所以我都講唔到, 係大陸壓落泥既一個建議定點...

不過直言, 你講到都係唔希望香港同大陸融合, 但真係, 呢樣已經改變唔到,
由十年前, 港人好興去大陸買樓, 到現在大陸人香港黎買樓, 由以前香港人
北上消費, 到現在內地人黎港搶日用品.....由香港人上內地取老婆, 到現在年
年新年BB都開始梗有父母係大陸人, 一切, 一切, 都睇到, 我地2地關係咁密切,
無論地理, 經濟都環環緊扣, 直言, 就算無這個PLAN, 香港同大陸自動都會融合,
根本無人阻止到的....包括好多香港人本身都做緊....

不知不覺, 我地好多文化, 都已經受內地影響, 如我地依家好興講"80後"一詞,
其實本身都是來自內地, 呢D都係融合的一部分...

難聽D講, 到2011年, 仲講唔希望融合? 我覺得閣下/差不多思想的人士, 都應該改變
一下呢個想法, 唔係辛苦的只會是閣下自己....

所以, 如果你問我, 我會覺得有PLAN 好過無PLAN, 不過我會同意你, 香港有自己
的優勢....而事實上, 就正正是我地香港有優勢, 先更應去融合, 盡量發揮返香港既
優勢, 而唔係逃避...

[ 本帖最後由 3ASV196 於 2011-2-4 15:41 編輯 ]

原帖由 3ASV196 於 2011-2-4 14:39 發表

EE 點解樓主將標題改左GEI?
點解由統一規劃,一下子 變成港深往來不再需要過關?

希望樓主解釋下...

改標題想喚起大家注意力je..
今次「喪權」辱港的規畫真的是挑戰香港人最後底線
咁都接受，香港就真係絕對滅亡
完全同內地為一體

至於統一規劃，
留意新界西、東北新發展區的大片鄉郊地區將與深圳部份一併發展為所謂的「低碳住區」，當中「綠道網」並將米埔濕地公園與深圳對岸連為一體。有機會令新界北成為港島後另一個商業+住宅核心重要。現有的后海灣、南生圍以及流浮山的鄉村風貌將會消失。

[ 本帖最後由 AL_71 於 2011-2-4 15:11 編輯 ]

原帖由 AL_71 於 2011-2-4 15:06 發表


改標題想喚起大家注意力je..
今次「喪權」辱港的規畫真的是挑戰香港人最後底線
咁都接受，香港就真係絕對滅亡
完全同內地為一體

至於統一規劃，
留意新界西、東北新發展區的大片鄉郊地區將與深圳部份一併發展為所謂 ...

但我想問返, 喚起大家注意力還喚起大家注意力, 請問唔駛過關的理據在那? 你在那裡睇到?
以我理解, 統一規劃不等於不用過關, 雖則長遠過關應該會越來越簡易..

至於統一規劃是否等於「喪權」辱港, 融合又是否等於香港滅亡, 請睇我之前回文了...

原帖由 3ASV196 於 2011-2-4 14:58 發表


講真, 正如我都講, 今次咨詢係有問題, 我自己都唔太清楚今次PLAN 實際
係點, 所以我都講唔到, 係大陸壓落泥既一個建議定點...

不過直言, 你講到都係唔希望香港同大陸融合, 但真係, 呢樣已經改變唔到,
由十年前,  ...

從前有一個地方，有一堆村屋o係度，咁屋入面當然有人住啦
個地方唔係好大，D村屋就起得好埋，但係屋與屋既人就好少有交流…
但係隨住時間既過去，住o係呢個地方既人開始漸漸混熟
有時會問隔離屋借下油借下鹽，又或者約埋去人地度玩Wii、踢波打籃球咁
亦因為咁，零散既村屋最終變成一條村落，叫做地球村
有一日，你隔離屋果個人搵你，同你講：「喂，不如我地打通間屋啦」
故事就係咁樣，去到而家，就係我地決定打唔打通埋隔離屋

你講果D野，甚麼買樓買奶粉、八十後用字等等，的確係事實，但代唔代表係「有必要進一步融合」？
香港好多人睇韓劇，夠有唔少人屋企有PlayStation系列產品，全香港唔知有9x%部電腦用緊Windows
咁係咪代表美國日本等等國家可以叉隻腳落香港事務？
睇落香港同大陸關係係密切好多，但呢D只係因為地緣因素
正如美國同加拿大一樣好多交流，NBA話到明叫National都有隊叫多倫多速龍
咁都唔代表美國可以用行動去干涉加拿大自己既事
所以，o係我眼中，呢D文化上既交流，唔係話一個地方要食住另一個地方，而係全球一體化既結果
而當中會因為地理因素，令到某D地方關係相對地密切

而家我所希望既，係o係呢個走向一致既趨勢下
點樣可以令自己維持獨特性，從而keep返個優勢o係度
用返上面個story，唔係個個屋企個前苑夠大可以打到籃球踢到波
唔係個個屋企可以有咁多人手做cheap labour砌iPhone拎去賣
唔係個個屋企可以有咁既能力射人上太空、亦唔係個個屋企可以有一個健全法制
但係，如果你選擇左，乜野事都要睇隔離屋面色
o係條村入面，你仲有乜野立足之地？
講得衰D，以為自己渣住張長期飯票，到你人老珠黃咪又畀人拋棄

故事就係咁樣發展左，以前你隔離屋玩自閉，你咪有得做中間人行好運囉
到而家，你隔離屋想做村中阿二，你應該做既唔係扯人衫尾做裙腳仔
而係諗下，你仲有乜野可以唔洗靠隔離屋，仲有乜野係令到人地會想搵你，而唔係令自己可以被人遺忘
聽隔離屋D人講叫你打通自己間屋，隨時連廚房廁所都畀人霸埋
一切都係睇下，你信唔信你隔離屋真係毫無居心
我就唔信啦


村中個老大，暗地裡可能搞唔少衰野，拆散人地頭家
起碼行出屋外都係好人一個，我會覺得我畀佢陰下陰下死鬼左係技不如人
但係村中老二，D人拎住D錢去第二度都會過河濕腳
買隻雞蛋都驚佢係假野，屋入面D奶粉連屋入面D人都唔夠膽食，要走泥問我買！
咁既人，仲放入泥自己屋企，到頭來一個唔該要訓街，我會怪自己點解咁蠢、引狼入室

[ 本帖最後由 ~誰@359~ 於 2011-2-4 16:39 編輯 ]

原帖由 ~誰@359~ 於 2011-2-4 16:32 發表
從前有一個地方，有一堆村屋o係度，咁屋入面當然有人住啦
個地方唔係好大，D村屋就起得好埋，但係屋與屋既人就好少有交流…
但係隨住時間既過去，住o係呢個地方既人開始漸漸混熟
有時會問隔離屋借下油借下鹽，又或者約埋去人地度 ...

其實閣下未睇到成個形勢的重點, 你講的無錯, 世界方向都係關係密切,
好多來往上都越來越密切, 但香港與內地, 係比這些關係更加密切

其實都講左好多次, 一國兩制, 如果仲只是識用"兩制"去睇, 而
缺少左"一國"概念, 根本已經講唔通....

直D講, 好多野唔到我地控制, 我地決定打唔打通埋隔離屋?
錯了, 根本事實就係, 由回歸一刻, 間屋已經打通左....無論你
接唔接受都好, 你去會展金紫荊睇下香港係掛咩旗?
(我唔明, 你竟然將同中國的融合, 用美國日本等國家去比)

當然, 我講融合的意思, 唔係香港俾內地食左, 香港咩都就晒內地,
相反, 正正其實是香港的優勢, 影響緊內地, 內地的改變遠比香港
的改變多...好多人, 包括閣下, 一聽見融合, 就硬係覺得香港係靠
內地, 香港俾內地食左, 但事實又係點?

最簡單直接例子, 你睇下深圳以下:

1. 地鐵, 深圳地鐵似唔似香港? 點解似香港, 因為香港地鐵服務的優勢,
已經大大影響深圳地鐵, 包括管理埋..

2. 今次主題, 城市規劃, 如果你上網去深圳的規劃的網站, 你睇下深圳的規劃
系統似唔似香港? 你會發覺好似, 如法定圖則, 規劃委員會等都是同香港一樣,
又點解? 因為又是香港系統本身的完善...

3. 各大新商場, 你睇下深圳D新商場似唔似香港的? d 店舖又係咩品牌? 又是
因為香港商業的優勢, 內地的設計, 商業模式都跟晒香港, 好多亦是港商參與..

4. 奶粉, 點解內地人要黎香港買日用品? 亦因為是內地人信得過香港的制度!

而例子仲有更多....事實係, 香港人融入內地的情況, 比內地人融入香港更多!
點解閣下睇融合睇得咁窄, 咁單向, 只是睇到內地點影響香港, 而又唔睇下香港
點影響內地發展? 其實而從中香港可以藉著自己的優勢, 得到更多機遇!

如果將融合, 是睇成將香港的一套, 香港的優勢, 更擴展到更大的地方, 唔知閣下
又點睇?

[ 本帖最後由 3ASV196 於 2011-2-4 17:56 編輯 ]

原帖由 3ASV196 於 2011-2-4 17:39 發表


其實閣下未睇到成個形勢的重點, 你講的無錯, 世界方向都係關係密切,
好多來往上都越來越密切, 但香港與內地, 係比這些關係更加密切

其實都講左好多次, 一國兩制, 如果仲只是識用"兩制"去睇, 而
缺少左"一國"概念, ...

咁就要睇下你點樣理解回歸呢樣野
的確香港要掛中國國旗，但都仲有個區旗
外人點樣去理解呢個關係亦都要諗埋
你會覺得自97年，兩間屋就打通左，其實個比喻有問題
因為到時就變左係一個門牌一間屋
問題係，而家全世界仍然將「HKSAR」同埋「China」分得好開
變左個情況係，全條村都仲係將兩間屋分得好開
結果，就係回歸只係大家用埋同一個門牌，屋都仲係兩間
而且，o係屋入面就會係兩家人各自既小天地，有自己既擺設同做事方式
呢d先叫一國兩制…

同埋，如果將件事理解成係香港影響大陸，其實都仲係有唔妥

如果你有留意我果句「以為自己渣住張長期飯票，到你人老珠黃咪又畀人拋棄」
而家咪就係一個青春少艾囉，梗係錫到你燶
過多論，開始老啦，你信唔信屋企個佬唔會出去勾三搭四
而且，上一篇回文我提出既
係「地方近，關係自然容易密切」、「軟文化唔代表要有硬融合」兩點


1. 深圳地鐵點解似香港係因為MTR堅係有份起
但係，你過兩年去墨爾本，話唔定都會見到咁上下既野
如果地鐵似就要硬融合，咁係咪香港要同墨爾本融合？


2. 深圳同香港近，除左有幾多地之外
各樣野包括天氣人文同埋已經存在既野，都同香港似，自然可以用埋同一套
但係唔好忘記，深圳呢個經濟特區，某程度上係望住香港泥抄
呢樣野八十年代已經做緊，同有冇回歸係冇關係的


3. 深圳商場似香港，唔係文化融合，而係商界開拓市場既後果，「現象」同埋「後果」係唔同的…


4. 係自從三鹿牌奶粉之後，先至開始有奶粉自遊行
咁就引申出一個道理：大陸朋友要泥掃奶粉，係因為佢地信唔過自家野
而點解佢地會泥香港，信香港人係其一，其二係地理因素
我唔係太清楚，但似乎冇咩住上海北京既人，泥香港係為買奶粉


你可以將件事睇成係香港既好野影響大陸
不過你望下CRH，整架380km/h出泥就話係自主研發，講到巧威威
但事實係，冇歐洲冇日本，佢連350km/h都唔會有
同樣道理，過多兩年大陸有D好野，係用香港既好文化搞出泥，你仲會認為大陸既官員會多謝香港？


總結就係，高鐵又好，規劃又好
問題核心就係：香港人信唔信中國，信唔信D官，信唔信共產黨
十年浩劫，六四，毒奶粉假食品…真係好自為知

原帖由 dippy 於 2011-2-4 18:41 發表
當你擔心內地人黎香港投資樓市令香港人無屋住
你應該了解二十年前香港人都係仲緊同樣既野
只係二十年後隔離屋既人有錢左, 輪到佢地過黎我地間屋度買野
致於點解隔離屋既人會過黎買奶粉
呢個就已經係香港既優勢
又係 ...

如果香港人滿足於自己既優勢係賣奶粉，咁香港好難有將來…

原帖由 3ASV196 於 2011-2-4 15:13 發表


但我想問返, 喚起大家注意力還喚起大家注意力, 請問唔駛過關的理據在那? 你在那裡睇到?
以我理解, 統一規劃不等於不用過關, 雖則長遠過關應該會越來越簡易..

至於統一規劃是否等於「喪權」辱港, 融合又是否等於香 ...

一句喚起大家注意力, 就可以亂作故仔, 上綱上線

獨立媒體:

「綠網」：包括建設「休閒遊憩區」和「跨界綠道網」，規劃示意圖中顯示，建設會涉及西貢西、馬鞍山、大帽山、大欖、八仙嶺五個郊野公園。規劃建議將香港的郊野公園、景觀步道，和珠三角正在建設的「綠道網」連接，形成跨界綠道網絡。示意圖亦顯示，會將米埔濕地公園與深圳對岸連為一體。

這裡生出一個問題，若要建設「跨界綠道網絡」，是否表示港深往來不再需要過關？

獨立媒體, 睇多無益

[ 本帖最後由 Kaix 於 2011-2-4 20:07 編輯 ]

環珠江口宜居灣區．建設重點行動計劃
http://rapidshare.com/files/446095594/20111190145996435.pdf

點解樓主唔upload政府份野上黎比人評評理??

不要問, 只要信??