我們的九巴 - 跑豐田小巴的年代

想問下有幾多架九巴Toyota搵到二手買家? 我只係記得有一架做左黃大仙醫院專車.

雖然Toyota係九巴屬過渡性ge車型, 好多行左僅僅十年就退役, 但都吸引九巴買八十幾架. 而做左紅頂和綠頂ge Toyota, 不單係小巴界手執牛耳, 而且大多服役超過十年.

原帖由 edylau 於 2011-2-7 15:19 發表
想問下有幾多架九巴Toyota搵到二手買家? 我只係記得有一架做左黃大仙醫院專車.

雖然Toyota係九巴屬過渡性ge車型, 好多行左僅僅十年就退役, 但都吸引九巴買八十幾架. 而做左紅頂和綠頂ge Toyota, 不單係小巴界手執牛 ...

呢批車好多係退役後直接拆毀，小弟當年就見過頭批AT退役後成批車拆晒件擺喺友愛南總站(61M總站)後面空地，另外小弟亦見過相影到AT45同另一部AT退役後被遺棄於元朗大棠路附近空地，只有好少數係由九記捐左俾志願機構，包括黃大仙醫院架EB7408 (ex-AT41)，另外記憶中好似AT74(EK9655)都係捐左俾人

[ 本帖最後由 bbahwing 於 2011-2-7 16:49 編輯 ]

原帖由 edylau 於 2011-2-7 15:19 發表
想問下有幾多架九巴Toyota搵到二手買家? 我只係記得有一架做左黃大仙醫院專車.

雖然Toyota係九巴屬過渡性ge車型, 好多行左僅僅十年就退役, 但都吸引九巴買八十幾架. 而做左紅頂和綠頂ge Toyota, 不單係小巴界手執牛 ...

九記係買左 91 架 Coaster ~

其實當年引入AT的原意是代替亞比安行90, 208及281的, 因為安達臣道及寶琳南路也是不容許一般長度的巴士行走的, 而208及281是當年碩果僅存的豪華巴士線, 及後車輛足夠就開了不經安達臣道的290, 以及將281延長並成了今天的284.

很多AT其實也服役不足十年就退役, 而且批車根本冇二手市場(專利巴士里數高, 加上長期滿客處於高負載狀態), 撞毀了也不易復修, 所以除了有幾部捐到慈善機構, 及有幾部經必達巴士賣埠外, 其餘AT都在退役後拆毀.

反而退役前的AT才精彩, 90/290取消後, 甩出來的AT竟然派出行走203E, 當時203E的客量已需要由AN/AF來擔當, 批車佐敦開不出油麻地就已經載滿, 曾經聽過有師奶話﹕「撞鬼咩, 咁細架車」, 可想而知臨退役前的AT有幾不受歡迎.

如果無記錯, 早期的AT也是高背座椅的, 但就沒有原裝牌箱, 所以早期AT的牌箱都是尖角的, 後來新聞透視講過呢批小巴裝了2+2高背座椅後, 通道非常狹窄, 所以後來訂購的AT都改用熱狗座椅(但後期都有了原裝牌箱, 其實熱狗椅的AT也是狹窄的)

行過AT的路線究竟有邊幾條呢? 小弟知的有: A4(機場--中港碼頭), A5(機場--太古城), A7(機場--九龍塘站), A8(機場--太子站, 新春期間服務), B1(太子--尖沙咀碼頭), 8A, 30X, 90(彩虹--調景嶺經安達臣道, 此線必須使用AT), 94, 202(尖沙咀--柯士甸道循環線), 203, 203E, 208, 211, 212, 216M, 219M(麗港城--觀塘裕民坊循環線, 此線因某段茶果嶺道不容大車行走而必須使用AT), 219X, 223(大埔墟站--新屋下臨時路線), 230X, 234M, 234X, 235, 235M, 238M, 238X, 243M, 263R, 270, 273, 276, 282, 284, 290(彩虹--調景嶺經四順區, 此線必須使用AT), 291R(大拗門--大坑燉假日路線), 293S, 299

仲有行過38M(238M前身), 53S(大欖涌---浪翠園), 299S(泥涌---企嶺下老圍(循環線))

原帖由 kiwai 於 2011-2-7 18:16 發表
仲有行過38M(238M前身), 53S(大欖涌---浪翠園), 299S(泥涌---企嶺下老圍(循環線))

仲有一條臨時線由大埔墟往三門仔(小弟唔記得路線編號)，呢條線係由於大埔往三門仔嘅綠小罷駛而開辦，當年係用270批掛牌AT行

原帖由 bbahwing 於 2011-2-7 20:38 發表

仲有一條臨時線由大埔墟往三門仔(小弟唔記得路線編號)，呢條線係由於大埔往三門仔嘅綠小罷駛而開辦，當年係用270批掛牌AT行

223，呢條係去新屋下．綠小罷工當日74K臨時全日服務．

[ 本帖最後由 3asv6 於 2011-2-7 21:04 編輯 ]

219M 雖然要上茜發道掉頭, 但係可以用AM的, 亦好似掛過牌
小弟做細路既時候搭過兩次219M都係AM

224X都行過AT，小弟都坐過，感覺似搭小巴出尖沙咀……

謝謝。

補充一點　223 亦都係唔能夠行大架d 嘅車
行AM 都要試路架啦