唱得比原曲更好聽既歌

其實自譚校長年代開始
香港樂壇就已經有好多由外國改篇既廣東歌
而最近亦興起翻唱舊歌
呢d 歌有d 就難聽講句
佢唱衰左隻原曲
但有d 就比原曲更好聽

唔知大家覺得有邊d 改篇歌/翻唱歌
係比原曲更出色呢？

我又講十隻：

1. 劉雅麗 - 你為了愛情
初初聽劉玉翠唱呢隻歌
覺得冇乜特別
但劉雅麗響《我和春天有個約會》唱呢隻歌
我覺得佢唱得出色過劉玉翠好多
令我覺得都唔知有冇人記得
呢隻歌既原唱者係「牛肉碎」！

2. 范逸臣 - I Believe
啤利既廣東話版本都真係唔好再提
但係范逸臣呢個國語版
我覺得佢係咁多個語言版本之中
感情最近貼近韓語既原版本
同埋同套電影好呼應
所以我覺得呢個版本改得好
甚至比原版本更出色

3. 林憶蓮 - 情人
原本家駒既版本
已經唱得頗為傷感
估唔到憶蓮呢個版本會更傷感

4. 張崇基、張崇德 - 認錯
雖則佢地隻「龍珠」真係唔掂
但係佢地參加新秀時唱既呢隻《認錯》
佢地大玩二重唱
聽落比優客李林得一個人唱既版本更有共鳴
真係抵佢地拎新秀冠軍啦！

5. 張學友 - 小城大事
千嬅既版本已經好好聽
但估唔到張學友呢個版本唱得仲好聽！

6. 容祖兒 - 小天使
呢隻歌係韓國歌手WAX既《為你補妝》既廣東話版本
老實講原裝版本我覺得佢唱得唔算好
都係嫌佢高音位似嗌歌
但Joey既廣東話版
就變左好抒情
聽得好舒服

7. 張柏芝、陳曉東 - 留給最愛的說話
雖然張柏芝係「鵝公喉」
但係佢唱歌果陣把聲都幾「嗲」下
我覺得佢呢隻歌
唱得比以前前商台DJ張麗瑾更傷感
但個人認為featuring既陳曉東把聲就略沉
略嫌冇阿旦咁深情
但都合格既

8. 鄭中基 - 愛是最大權利
其實隔離題目都有版友講過
話鄭中基呢個版本
有一種滄桑既感覺
我絕對認同

9. 鄭中基 - 友情歲月
(又係佢...)
其實呢隻歌我只係睇廣告
佢賣果隻online game聽番黎
雖則只係得副歌一部份
但果一部份都比鄭伊健成隻歌
唱得更有江湖味道
(唔知有冇佢唱哂成首歌既版本呢？)

10. 任賢齊 - 對面的女孩看過來
我覺得佢唱得好聽過阿牛既版本
(不過我想知道
其實呢隻歌係任賢齊翻唱阿牛隻歌
定係阿牛作完俾阿牛唱
見佢大收就自己唱番呢？)

無分先後亂排.

關淑怡 - 《忘記他》(原唱:鄧麗君)
要數番唱一定有呢首《忘記他》,
關淑怡獨特既咬字方法加上重新編曲更易入耳.

關淑怡 - 《深夜港灣》(原唱:甄楚倩)
原唱失敗之處在於 chorus 後段塞左太多歌詞係度,
關淑怡番唱既時候將歌詞略為刪減,
再加上耳語般既唱腔將「深夜」同「冷風」既感覺都帶番出黎.

at17 - 《十八變》(原唱:Twins)
既然原唱係 Twins, 番唱既係邊個都無傷大雅.
雖然低音部份略為失色, 但係 chorus 和音一段都補番曬數.

林憶蓮 - 《靜夜的單簧管》(原唱:王菲)
林憶蓮既唱腔一向都有王菲早期既味道,
不過番唱既時候感情比王菲更收放自如.

王傑 - 《沒有煙抽的日子》(原唱:張雨生)
王傑既唱腔本來就屬於呢類歌,
番唱既時候捉番住原曲應有既孤獨感覺,
相比之下張雨生反而唱得無乜感情.

林子祥 - 《海闊天空》(原唱:Beyond)
番唱之中最難既就係番唱太經典既作品,
因為歌曲本身既形象已經係聽眾既心目中根深蒂固,
呢首林子祥絕對可以同 Beyond 平分秋色.

黃秋生 - 《偶然》(原唱:陳秋霞)
黃秋生番唱既時候將個 key 壓到好低,
反而有一種低吟既感覺,
加上編曲比原曲出色好多.

黃耀明  - 《忘了我是誰》(原唱:王海玲)
唱過呢首歌既重有歐瑞強等等,
不過論感情豐富論聲線感染力都係黃耀明既版本最強.

黃耀明 - 《無間道》(原唱:劉德華)
黃耀明同劉德華其實係咬字方面都有唔少共通點,
但係都因為同上既原因而揀選.

張學友 - 《時間人物地點》(原唱:鄭中基)
鄭中基既咬字方法亦都同張學友有幾分相似,
當然以唱功黎計張學友絕對高一級,
理所當然張學友番唱佢既歌會比佢好聽.

小小地幾首

AT17- 你好嗎(張立基)

林志炫- 離歌(信樂團)

信樂團- 北京一夜(陳昇)

VRF- 下雨天(BLUE JEANS)

李克勤-也曾相識(原唱：譚詠麟)
克勤把聲同首歌好夾~

關心妍/官恩娜-別怪她(原唱：吳卓羲)
唔知係咪女仔唱好聽d呢~

張崇基/張崇德-終身美麗(原唱：鄭秀文)
二重唱，一得字  正！

彭羚-非走不可
張學友-傷追人
張信哲-眼紅館
張智霖-少女的祈禱
王耀明-如果你知我苦衷

李克勤---心淡 (原唱者: 容祖兒)

其實容祖兒已經唱得好好,
不過又唔係話李克勤唱得比容祖兒特別好,
但那份驚喜和另一種味道足以令我愛上李克勤唱的版本
(容祖兒唱的版本我都愛)

不能不提﹕

張學友《小城大事》
公平點說吧，他比楊千嬅更能唱出原曲幽怨悲淒的調子…

其實《我和春天有個約會》第一次唱都係劉雅麗,舞台劇出了後
劉玉翠才出她的版本.

原帖由 EV2021 於 2006-1-27 00:58 發表
不能不提﹕

張學友《小城大事》
公平點說吧，他比楊千嬅更能唱出原曲幽怨悲淒的調子…

你要幽怨悲淒，倒不如要葉麗儀的吧！

原帖由 皓庭 於 2006-1-28 01:59 發表

你要幽怨悲淒，倒不如要葉麗儀的吧！

應該係葉德嫻..
不過還是覺得原唱最有味道..