九巴118與118P既紛爭

小弟近來好少可會係晚上繁忙時間由紅隧收費廣場等車過香港島，今晚有事
需要去銅鑼灣，選擇東鐵轉隧道巴，結果眼界大開。

現場只見九巴有兩名稽查，基本上只係應付118及118P，已經難以處理。

相信唔少朋友都知，紅隧A出口連接既隧道巴士站，人龍最長通常都係102/106及
118，今晚亦唔例外，但奇就奇在走既118唔係班班都頂閘，但人龍一直排番上A
出口天橋。我聽到幾次稽查向人龍大叫，複述同一番說話，就係"118既行出來，
仲有位上車"，兩位稽查就係一人叫，一人協助乘客上車已經「忙得不可開交」。

我在旁睇左一陣，中途有3架118經過，第一架118，叫完之後成堆客湧出來，坐
位固之然無晒，中門打後基乎無人企，但車站有十幾人上唔到車，結果稽查要開
中門迫人行入車尾，然後再夾車頭乘客行入D，但最後呢十幾人都上唔晒剩低幾
個客。當時企車頭既稽查就"話"佢同事好叫晒乘客行出來結果花左成兩分鐘先至
散到堆客，仲頂死後面架102走唔到。我心想奇怪，為何118有位坐，排在前面
人龍(近二十人)仍然唔上車。

另外兩架118，唔知係咪稽查叫得細聲左，定係D客唔理佢，結果條龍仍然排到天
橋，但呢2架118只係企左十多二十人就走左。即係天橋上面排隊既客唔知架車仲
有大把企位。

這時我才醒起呢個鐘數有118P。

好戲來了，118P車來，排龍頭呢十幾廿人等118P，固然上晒車，但輪到118既客
企晒龍頭，後面有人走出來追架118P，第一批追車既客上到，不過車長一見再無人
即刻關門走人，兩位稽查又剛好行左去102果度，結果出事。

跟住再追車既乘客一衝到車門邊，車長剛好關門出左中線，我好清楚見到車長做足
功夫望左左邊後鏡先走，亦即係佢肯定知有人追車，呢十幾個客當然找稽查悔氣...
...

稽查都解釋唔到，唯有對講機知會上級呢件事，然後好似拿左紙筆出來記低呢件事
，亦相信乘客會再打電話投訴，我估呢個118P車長亦走唔甩書面警告吧。

後來我亦上左車去銅鑼灣。

其實，紅隧收費廣場既巴士路線，一日唔重組，類似問題仍然會出現，我相信呢類
事件唔係冰山一角。但最慘係，紅隧線係唔同時段，唔同路線有唔同客量高峰... ...

其實紅隧口個站下繁好多時都會排到上天橋
有時甚至要排到紅磡站 A 出口閘口 ...
究竟巴士公司有冇諗過點樣解決呢個問題 ?

其實，紅隧巴士線太多、但巴士站空間太少，改無可改，出現樓主上述情況也真的無可奈何。

小弟也試過樓主所述的情況，不過在107P那邊發生。

只不過，東區線打蛇餅情況，我覺得除左將110調返去102/106條隊一齊排會較好外，都唔知可以再點調

[ 本帖最後由 le914 於 2011-2-8 01:22 編輯 ]

原帖由 ben2004 於 2011-2-8 01:11 發表
其實紅隧口個站下繁好多時都會排到上天橋
有時甚至要排到紅磡站 A 出口閘口 ...
究竟巴士公司有冇諗過點樣解決呢個問題 ?

如果你係巴士公司職員，你又會點解決？

原帖由 ben2004 於 2011-2-8 01:11 發表
其實紅隧口個站下繁好多時都會排到上天橋
有時甚至要排到紅磡站 A 出口閘口 ...
究竟巴士公司有冇諗過點樣解決呢個問題 ?

我覺得係天橋度劃左線之後已經改善左，起碼字軌客識得排隊。
我係覺得老生相談既紅隧巴士站重組一日唔落實，問題唔會解決
，好簡單我相信紅隧排102、106既客有唔少都係銅鑼灣天后一
帶，起碼而家咁樣排隊，而且與110、112及116相距甚遠，令
而家102及106長做長有，亦令條龍咁長，112及116亦幫唔到散
客。當然我知道執站客涉及公司利益問題。

我記得以前112及116的站人龍都係好長，但唔知咩時間開始小左
好多客等車，究竟係小左人去銅鑼灣，定係早年執左站位之後既後
果？

原帖由 le914 於 2011-2-8 01:20 發表
其實，紅隧巴士線太多、但巴士站空間太少，改無可改，出現樓主上述情況也真的無可奈何。

小弟也試過樓主所述的情況，不過在107P那邊發生。

只不過，東區線打蛇餅情況，我覺得除左將110調返去102/106條隊一齊排會較好外，都唔知可 ...

其實我反而想知早上繁忙時間104、301係咪真係咁多客，我覺得
自從開左幾條鐵路線之後，紅隧口上104既客應該係小左，如果將
104及301大膽與115、182等合併排隊，會唔會有效散走人流及謄
空一個較大候車空間。

但問題係我唔肯定在115、182果邊長時間擺車會唔會塞住D車過海
。

東區線打蛇餅，其實正如我上面講，我覺得重點係巴士公司未有充份
利用112及116的資源協助102及106散客。

104唔係講笑，就算非繁稍為10分鐘無車人龍已經排到上天橋。
非繁都見過要開紅隧特車，要搞都搵其他線。

原帖由 2A_DL13 於 2011-2-8 01:25 發表


其實我反而想知早上繁忙時間104、301係咪真係咁多客，我覺得
自從開左幾條鐵路線之後，紅隧口上104既客應該係小左，如果將
104及301大膽與115、182等合併排隊，會唔會有效散走人流及謄
空一個較大候車空間。

但問題係我唔 ...

你不如下星期搵日平日朝早去紅隧睇下，就知 104/301 條隊同 102/118 條隊有無分別，
唔好隨便用「覺得」黎做建議理據。

原帖由 kay 於 2011-2-8 01:28 發表
104唔係講笑，就算非繁稍為10分鐘無車人龍已經排到上天橋。
非繁都見過要開紅隧特車，要搞都搵其他線。

紅隧104特車會唔會係因為回唔切車啊？

我唔否認繁忙時間有客量，但如果非繁忙時間就更可以用115及
182既資料協助散客。講到尾都係唔同時間有唔同客量。

原帖由 da54 於 2011-2-8 01:31 發表

你不如下星期搵日平日朝早去紅隧睇下，就知 104/301 條隊同 102/118 條隊有無分別，
唔好隨便用「覺得」黎做建議理據。

所以我就係問番如果係平日早上繁忙時間既客量，我講明覺得就係
我未有切實睇過環境，想知下實際環境係點樣。呢個只係"如果"而唔係
"建議"

[ 本帖最後由 2A_DL13 於 2011-2-8 01:37 編輯 ]

原帖由 2A_DL13 於 2011-2-8 01:20 發表


我覺得係天橋度劃左線之後已經改善左，起碼字軌客識得排隊。
我係覺得老生相談既紅隧巴士站重組一日唔落實，問題唔會解決
，好簡單我相信紅隧排102、106既客有唔少都係銅鑼灣天后一
帶，起碼而家咁樣排隊，而且與110、112及1 ...

如果102/106(調埋110落呢一組)巴士站位置不變
108不變
118/118P呢組，同112/116呢組位置對調，會否是一個較理想的方法?

講真，我覺得102/106，同埋118/118P上客時間相對較長，112/116相對較少客，比較快手上完客走人。
如果將兩組上客較耐的路線拆開，一頭一尾停，中間夾住比較快走人的112/116/108，唔似依家咁黐住一齊鬥耐慢慢塞。

對102/106而言，上完客後若需等前面部車開走才能離開，跟住112/116尾，總比跟住118/118P尾快手離站
對118/118P而言，依家埋站成日都要猶疑跟唔跟住102/106尾好，結果唔少118都選擇在內線慢慢等前車開走，浪費唔少時間。
如果118在新位置埋站，那就不用考慮太多，直接由外線cut入內線上客，唔駛跟住102/106尾，慳唔少時間埋站。
當然，咁樣做，似乎108/112/116乘客變成輸家，比依家相對較耐先可以離站。

對住天橋排隊的乘客而言，其實都有好處。
在新方法下，最長的102/106和118/118P條隊再唔係黐住排，而係隔空左中間112/116條隊。
講真，112/116等車的人多極有限，我覺得要排到上樓梯口的情況不會太多。
而118個站相對較前，排隊應該再唔駛好似以前咁，成日排到上天橋，阻住出入。我估在新情況下，118條隊排到上樓梯級，就會有車到站清客。
在天橋上排隊的人龍，應該相對短左，天橋上的行人路應該相對流暢
同時，102/106維園客，轉態去112/116，相對較方便，行出隔離就得
而在天橋或樓梯上要搭102P的客，也可以行出隔離112/116條隊，攝位向前走(假設當時112/116條隊唔多人排隊，唔駛排到上樓梯)
118P的客，直情可以「直奔大外檔」，走到最外邊攝位上車。

不知這個方案會否較好?

[ 本帖最後由 le914 於 2011-2-8 01:52 編輯 ]