ontv: 小巴業界爆巴士違規搶海洋公園客

原帖由 E400 於 2011-2-12 17:12 發表


點解你一定要城巴放個易拉架,　唔准俾人收埋
如果換著小巴放個易拉架係度,　俾人投訴,　一樣要收返埋
點解又唔可以俾人知道有小巴出旺角

唔該你唔好反問我一啲不設實際既問題
城巴放易拉架乃屬公布資料
除非海洋公園你幫人整番個好似迪迪尼咁既電子板
而小巴佬放個易拉架，佢可以架，但只係佢唔做姐

另外小巴喺海洋公園果度係咪真係有咁大作用？
對於一個容納接近四萬人既大型樂園嚟講
小巴既角色根本就顯得好細微
佢地有客嚟只可以當Bonus
唔可以話巴士搶佢地客仔
相信世界上冇一個大型樂園係需要靠只有16座既交通工具去疏散人潮
靠佢地既話大家都齊齊凍死街頭啦

請你唔好將小巴既作用同地位用放大鏡將佢放大啦

原帖由 da54 於 2011-2-12 17:17 發表

以運輸署驚青同本末倒置的作風，搞大左件事，分分鐘以後都無 171 特，害返遊客轉頭，
呢個係我其中一個最初唔想 post 出黎的原因。

我就主張算數，話晒開埋呢兩日就無.... 倒不如大家落場睇下戲仲好。 ...

咁又唔怕搞大左件事喎
當初629仲係非專利線, 有人見到629用專利巴士行走, 就向運輸署投訴
結果629專利版就叫629R, 後來就索性將629變成專利版

之後海洋公園888用專利巴士行, 有人向運輸署投訴後, 專利版就變成629C

如果今次攪大件事, 根據過往經驗, 171特可能會變成永久線都未定(永久在有需要時就開的特別線), 唔駛每次都申請PERMIT

原帖由 E400 於 2011-2-12 17:22 發表


開頭保安員以為非法,　先叫城巴停
後來證實左合法,　咪都有得留低繼續做
證實合法之後,　有得留低繼續做,　咁都叫打壓,趕絕

小巴又冇誇到整塊易拉架,　最多咪搵個人舉塊比手板大小小既「旺角」牌 ...

由佢去刁難個易拉架去睇, 佢只係趕人唔到而唔係唔趕, 唔該你唔好混淆兩者來抽水。

回到我最初的問題, 咁佢又憑乜一口咬定人係非法, 又拉又鎖??!!

你由頭到尾無回應過我問題, 只係一直一個問題拉去另一個問題咋喎

原帖由 kiwai 於 2011-2-12 17:23 發表


咁又唔怕搞大左件事喎
當初629仲係非專利線, 有人見到629用專利巴士行走, 就向運輸署投訴
結果629專利版就叫629R, 後來就索性將629變成專利版

之後海洋公園888用專利巴士行, 有人向運輸署投訴後, 專利版就變成629 ...

唔同.... 如果涉及唔同利益團體關係的話，運輸署通常都會極度謹慎.....

原帖由 E400 於 2011-2-12 17:22 發表
開頭保安員以為非法,　先叫城巴停
後來證實左合法,　咪都有得留低繼續做
證實合法之後,　有得留低繼續做,　咁都叫打壓,趕絕

小巴又冇誇到整塊易拉架,　最多咪搵個人舉塊比手板大小小既「旺角」牌 ...

即係根本班保安員已經先入為主
一口咬定城巴非法開線
估計小巴佬以為果晚可以賺到笑爆咀
點知臨時殺出城巴呢個程咬金
結果有人就怒羞成惱
出茅招趕走城巴

班保安員當然想打壓城巴啦
點知城巴出咗招攞正牌
咪結果搞吓啲小動作，又唔俾拉架、又要移前站頭、又話要留位「俾客見到啲小巴」
否則都唔駛搞咁多呢啲嘢啦巧話？

小巴佬舉塊「比手板大小小既「旺角」牌」就得
城巴拉番show資料既牌就唔準
咩道理呀？根本係剝奪乘客知情權

原帖由 da54 於 2011-2-12 17:26 發表

唔同.... 如果涉及唔同利益團體關係的話，運輸署通常都會極度謹慎.....

其實依家都攪到見報, 如果只根據報章說法, 反而將來繼續開 171特 的機會更少,
因為依家小巴扮演緊弱者角色, 公眾普遍都會「鋤強扶弱」

如果能把所有事實公開, 讓公眾知道真相, 171特 保留的機會應該更大

講真, 如果海洋公園真係玩野, 城巴大把野可以玩
0係K11做過咩, 只要佢0係海洋公園照做, 就已經完全玩晒!

好恐怖, 此 post 絕對證實何為「人言可畏」. 「都唔知係咪xxx」「估計...」「分分鐘...」, 然後的想像說話, 可以帶來好多傷害.
收受利益可以係非常嚴重既指控, 而家似乎無明顯既行為去證明到保安同小巴經營者之間有利益關係.

從最清白的角度睇, 可以只係一開始的時候保安係知道唔應該有 171 出現, 所以就叫城巴唔好開 171, 維持秩序. 後來了解過後就不再禁制 171 特別車.
至於限制易拉架, 就的確似係保安問題多 d, 純屬估計地去講, 我都可以話係保安要面子, 所以點都要搵 d 野講下. 但當中真正原因就唔知道.

原帖由 E400 於 2011-2-12 17:43 發表


本來平日就係無１７１兜入海洋公園服務,　城巴批准開特車事先又冇通告出,　
海洋公園方面又唔知,　保安員咪以為非法,　當時係佢地既角度為左保障遊客避免坐左一Ｄ未經准許既交通路線,　
所以即刻叫停,　後來證實左合法,　 ...

呢個只係你簡單的"推測"吧！