ontv: 小巴業界爆巴士違規搶海洋公園客

原帖由 E400 於 2011-2-12 18:23 發表


你係巴士迷,　梗係絕對相信巴士公司唔做非法野
但係保安員同小巴佬唔係,　巴士公司開１７１特車事前又冇向外界（包括海公）通知,　突然間果晚殺多條１７１特車出黎,　
仲要之前未開過,　一定會俾人話非法,　後來保安員向運輸署證實 ...

首先, 我唔明點解你連續幾頁既回文不斷咁指責其他版友幫住巴士公司
而家仲要攞「巴士迷」黎講, 真係好過份!

第一,
你話保安員冇錯, 只係未獲通知有171特車所以懷疑城巴非法服務因此叫停城巴。
但係對於大家懷疑保安員收收利益, 你就極力話人幫住城巴、胡亂猜測、冇證據。
我想問, 點解保安員一有懷疑就可以發惡、立即採取行動禁止、影相、投訴...
但版友對保安員既"熱心"有懷疑就連響iTalk講出黎都唔比?
據我所知, 只要有合理懷疑就可以作出舉報, 你似乎將"舉報罪案"同"定罪"兩者混淆。

第二,
你話保安員因為驚乘客冇選擇權、唔知有小巴,同埋搭左非法車所以先做出連串行為。
我想問, 保安員既工作唔係維持治安咩? 幾時變左"悍衛人權"?
如果驚乘客冇選擇權, 咁為咩事要趕走171防止乘客搭巴士直出旺角?
如果驚乘客唔知有小巴, 點解另一邊又要城巴收起路線資料易拉架, 唔比乘客知道有171去旺角及其停站位置?
如果驚乘客搭左非法車, 城巴咁大間專利巴士公司就算非法加班都投訴有門, 追究有法, 反而紅小唔係更加值得關注咩? 紅小連行咩路都肯定唔到, 有事既話負責人係邊個都要慢慢查。

第三,
身為一個保安員, 竟然叫巴士留返個空位比人非法過馬路又係什麼道理呢?

第四,
保安員話冇海洋公園批准, 邊個都唔准開線。
佢既言論似乎將海洋公園既權力凌駕左運輸署, 到底又是否合理?

最後,
我本人對版友E400既身份有保留。

[ 本帖最後由 ctb8107 於 2011-2-13 01:44 編輯 ]

http://news.mingpao.com/20110212/gok1.htm明報報導
運輸署表示城巴於2月7日(初五)申請並即日穫批開171R
2月7日至12日服務
九巴於2月9日(初七)申請即日穫批,
該處亦收到一宗有關171服務的查詢
咁到底有冇171由海洋開???!

原帖由 sea1986 於 2011-2-12 16:05 發表


一間公司上下唔協調有幾唔出奇？
下面唔知，唔代表上面唔知
政府都可以咁樣囉，點解一間私人公司唔可以有咁既情況出現？

至於你之前提及既巴士總站屬海洋公園範圍
就當你啱
但唔代表保安員有執法權力
佢地既職責應屬維持 ...

我唔否認有機會是小巴業界知悉城巴開辦171服務後向海洋公園保安反映非法
服務，保安可能只是按本子辦事，不過我只係奇怪為何向政府(1823)反映懷疑
非法巴士服務會是由前線保安員直接致電，寫字樓就算係公眾假期，也沒理由
沒有更高級的保安主管負責。

另外城巴與海洋公園有多年合作關係，年資長的員工沒有理由不知情，先莫論
男女保安是否與小巴業界有任何親屬甚至利益關係，但我實在懷疑海洋公園
管理層會否因為(疑似)上下不協調或其他原因導致巴士服務的不愉快事件而
要向巴士公司道歉。

原帖由 2A_DL13 於 2011-2-13 01:48 發表


我唔否認有機會是小巴業界知悉城巴開辦171服務後向海洋公園保安反映非法
服務，保安可能只是按本子辦事，不過我只係奇怪為何向政府(1823)反映懷疑
非法巴士服務會是由前線保安員直接致電，寫字樓就算係公眾假期，也沒理由
...

若然我渣架私家車跑白牌去拉客，保安按本子辦事的話應該報警，因為海洋公園巴士站唔係私家路，佢無權阻我上客亦無權趕我走

而家呢單野好明顯係有人越權。

過年流流，斟茶灌水利利是是呢d 野邊個唔識做？

原帖由 E400 於 2011-2-12 17:43 發表
本來平日就係無１７１兜入海洋公園服務,　城巴批准開特車事先又冇通告出,　
海洋公園方面又唔知,　保安員咪以為非法,　當時係佢地既角度為左保障遊客避免坐左一Ｄ未經准許既交通路線,　
所以即刻叫停,　後來證實左合法,　 ...

咁即係未查明真相就先判人死刑
但知道真相後判唔到人死就繼續打人30大板咁啦？

保安員避免遊客坐咗一D未經准許交通路線？
佢地會唔會有咁神心？
到底巴士安全啲定小巴安全啲呀嗱？

原帖由 E400 於 2011-2-12 17:52 發表
呢篇ＰＯＳＴ好多人,　知道巴士第一下俾人趕,
都不自覺地覺得巴士係俾保安「趕盡殺絕」

繼而仲有人誇大到懷疑小巴佬同保安員有利益輸送

咁保安員有冇咁做有冇「想」咁做先？
冇被人趕到絕只係因為人地城巴係間大公司
你話幾個公園卒仔想趕就想趕呢咩？

至於誇大
唔該你擘大你隻眼
冇人實牙實齒講，只係懷疑、疑似
咁都叫誇大？如果冇既話，你駛唔駛咁敏感？

開多條小巴線去荃灣, 屯門  , 元朗 , 仲好呀
反正d 車都係做1-2 單, 車都回唔切 , 找多d , 不需與171 正面交峰

原帖由 大傻哥 於 2011-2-12 18:30 發表

朋友..你咁講就串左d同誇張...

正路根本唔會有11.1o既171係指定時間過後出現海洋公園o既...

而小巴佬呢次咁講都可以話係合理..根本連巴士公司官網都冇出呢d特別班tim...

人地係呢d無171R..同埋過左171假期入站時 ...

人地都話攞正牌囉
仲嘈咩「171特車」應唔應該出現呢個問題？
家下焦點所在係保安員點解要咁神心去趕城巴走
唔再係171特車應唔應該出現

原帖由 E400 於 2011-2-13 02:07 發表

問題係１７１閒日本來就唔經海洋公園,　
如果保安員是先知道當晚將會有１７１特車服務,　就唔會走去阻止城巴開１７１特車,　
保安員未知係咪已得到ＴＤ批准之時,　佢地唔俾城巴開車住,　
懷疑佢地都係怕上頭話佢地唔理唔阻止果Ｄ未經ＴＤ批既線 ...

但係問題係, 呢個唔係保安的工作範圍。

你loop完文未?!

原帖由 大傻哥 於 2011-2-12 23:55 發表
你地成班朋友都真係非常過癮...

好似好多位人兄都同紅van司機深仇大恨咁...

不過無所謂o既..我信因果關係..你地無啦啦咁搞人地..對自己根本無好處...

有d野真係事不關己..不需勞心..

除非有人得罪自 ...

大傻哥，你真係大傻哥既姐
冇人同小巴佬有仇
只係有人聲大夾惡先
人地攞正牌做合法生意都要出茅招趕人走
咁呢啲又唔知叫咩呢？

唔該你，回頭是岸吧