ontv: 小巴業界爆巴士違規搶海洋公園客

原帖由 GF2158 於 2011-2-12 03:09 發表

其實九記係由9號開始先派車入去做旺角
仲要係無紅VAN做既1900前時段
紅VAN最眼紅都係2000後散場客俾人搶姐

至於城巴..佢絕對無睇錯事發日期...
因為呢幾日D車候開期間係都係出171R ...

九巴叫 171, 城巴攪 171R,
咁最後係收 $11.10 定 $21.00?

原帖由 GTI 於 2011-2-12 10:05 發表
區議員都其實是法定地區人士

#15版友所指的 地區人士 並非 地區人士，更加不是區議員

原帖由 limited 於 2011-2-12 01:27 發表
http://tv.on.cc/index.html?s=3&i=ONS-110211-11424-16M&d=1297441712

小巴業界眼紅大反擊   城巴九巴就回應不一
城巴: 新春期間開 171R 繞經海洋公園, 冇當海洋公園係總站, 職員係指示遊客搭車並非拉客
...

文字版在此:  http://orientaldaily.on.cc/cnt/news/20110212/00176_032.html

講真, 呢單野真係 "賊喊捉賊"
小巴公然話巴士公司搶客, 咁佢地平時有理無理將架小巴停 o係巴士站 / 繁忙行道上, 遲遲唔肯開走, 阻住巴士埋站 (甚至其他道路使用者), 咁又點計呢?

投訴紅頂冇Octopus.

我支持專利巴士服務!!

原帖由 E400 於 2011-2-12 12:42 發表


好老實講巴士公司同小巴一樣知道海洋公園有咁大個米倉,　所以先咁積極派車入去做,　兩者最大目的咪又係為賺錢
再者,　城新向來都係把握每個由載客所得來既賺錢機會,　好難話佢純粹只係為疏導乘客 ...

應該話巴士公司係合法疏導乘客
至於紅小既路線，同專利巴士路線/客源近乎一樣，咁樣搶客
係唔係合法就值得商榷

原本呢堆相我諗住只係自己 facebook 貼，費時搞大，點知班小巴佬搞埋上報，我就貼出黎俾大家評下理，
兼且俾上面話咩「大小通吃」的人望下實際情況。

------

年初三海洋公園例牌爆多人，內地客本地客全部湧晒入公園，照計城巴處理應該駕輕就熟。

不過今年有 d 唔同。海洋公園個新入口同埋夢幻水都係一月底開幕，以後海洋公園正門散場時
會好似迪士尼咁有煙火表演。



問題就係呢度。散場有表演，即係話觀眾會睇完先走，結果就會將散場人潮集中，令散場車要處理的
人流更加龐大。結果令 629 出現超長人龍，最高峰期城巴要同時開部 5 部 629 總共 8 隻門同時上客....





大陸客加香港客一齊衝上車



人龍不見尾





原來去到幾個站位外



而由於放完煙花已經係八點三，所有過海車已經唔兜入海洋公園，結果大量乘客要行去香港仔隧道口搭車。
有部分遊客不滿巴士公司無相應延長巴士兜入海洋公園的時間，即場向巴士公司職員投訴，甚至大罵職員。

值得留意的係，當晚係並無紅小入海洋公園，估計可能係因為農曆年期間少左司機開工。
我唔知黎銘洪點樣知道城巴係年初二開始有加班車。

而當我行返出香港仔隧道口時，發現由海洋公園行出去的遊客塞爆晒個巴士站，甚至企到出慢線。過多的人流
亦令過海車上客超耐，每部過海車上左兩三分鐘先開得走，情況混亂，亦令香港仔隧道入口排起長長的巴士龍。





連 170 都要頂閘走！ (已經大約是 9pm 了)



*******

去到年初五 (星期一)，我再去睇，當時城巴已經加開 171 特車，並準備好 171R 易拉架，不過遮住個 R 字。
以我所知，呢個係第一日有 171 特車。



但係當第一班車上客時，小巴佬即刻黑面發惡，質疑城巴開特車有無運輸署批准，並且影相拍低「證據」。



後來連海洋公園保安都加入干涉，態度不友善地批評城巴職員開特車未經運輸署批准，又聲稱個站係海洋公園範圍，
未得海洋公園同意，唔可以話開線就開線，要求城巴職員立即停止 171 服務。



連保安都影埋一份.... 另一個女保安更聲稱一定會打去 1823 投訴城巴開非法路線。



後來城巴職員致電上級知道運輸署已批准後，海洋公園保安就改為要求將 171 個站移去站頭，
原因係阻住 629 入站，同時保安亦要求移走易拉架。



結果城巴職員同意將 171 移去 629 前面，易拉架就放去 629 售票亭放埋一邊。





不過之後保安再度要求收埋個易拉架，話個亭係 629 專用，唔准放其他路線的野。
結果呢個易拉架係往後的日子再無出現。

事實上，171 的需求都好大，一樣要排隊，絕對係便民措施，亦可以避免香隧口
係放工時間大擠塞。



******

星期三同星期四我再落去... (星期三晚係九巴第一晚加入 171 特車行列)
連續兩晚都有反黑組同軍裝警員落場監察同查證。



而 629 的車亦係海洋公園保安控制下，要留返個位俾人行過去小巴站
(但係一個車位後已有合法過路處同安全島)

星期四晚亦見到有個金毛司機突然發難，企係架 629 前面挑釁，阻住架車入站，
大聲話城巴大晒咩？兼且同時大聲拉客.... 幸好及時有警員制止該司機。





******

另外點解海洋公園保安會咁熱心地趕走 171？我都好奇怪....

唯有要問下下圖藍色衫，年初三第一個主動出聲鬧城巴的保安員喇....



[ 本帖最後由 da54 於 2011-2-12 13:46 編輯 ]