太平道的交通問題

這相係我屋企影的, 係九龍太平道...因為呢度多泊位, 但只是雙線雙程行車,
但好多不負責任的司機, 往往都停係一條線等泊車, 往往造成阻塞, 引起
好多車響按的噪音! 多次投訴後, 一邊加左黃線, 但d車都係唔理!! 日日都係咁,
星期日特別嚴重!!

好似張相, 2 紅圈的車停係度唔行, 一多dd車就好塞/塞死, 同類情況, 一日發生多次,
而且相中的寶馬司機, 更是非常可恥!! 黃線停車已經唔o岩, 阻住其他車亦係唔o岩,
最離譜後面部白車, 係咁閃燈同響按, 都唔走!! 人地可能去緊救人o既, 都唔行,
簡直離譜....即你等都好, 但阻到人, 最少肯走啦..好多人往往唔肯走, 盡顯香港
司機自私的一面..

情況一直無改善, 係有時警車/警察行過先趕一趕, 向區議員, 警察, 運輸署投訴過
都無用....

其實除左畫黃線外, 實際唯一解決方法應該係改為單程行車....

歡迎討論...

[ 本帖最後由 3ASV196 於 2006-1-22 16:39 編輯 ]

我都試過有一段經歷.....話說太平道有個好平既停車場....咁岩果日星期日停車場滿左...而其他車就打斜咁停左門口等...當有車出時停車場出黎就比佢頂住左...而出面既交通都係一樣比佢頂死晒...而我就係咁比架車塞左半個鐘先出到黎....
我諗果到d交通真係要正視下
p.s  我都經常特登經過太平道睇靚車~~

下方的車阻礙救護車前進，是否已經犯法？

似乎應該賦予所有緊急車輛鎖走任何無理阻礙它們
前進的非緊急車輛，以及控告有關車輛的司機的權
力。

[ 本帖最後由 238X 於 2006-1-22 19:55 編輯 ]

如果改單程，改為向窩打老道方向應該較合理．因為車輛可以用棱椏道回流．亦可
消除由太平道左轉入亞皆老街左一二線的車流, 令亞皆老街更暢順．

基本上繁忙時間去到太平道一定無晒錶位，去到都唔知要等幾耐，
好多時仲唔止一架等緊，有時爭起位上黎仲麻煩，所以去旺角我
多數泊朗豪坊，如果短時間既就泊柏裕．

原帖由 客訪 於 2006-1-22 18:00 發表
我都試過有一段經歷.....話說太平道有個好平既停車場....咁岩果日星期日停車場滿左...而其他車就打斜咁停左門口等...當有車出時停車場出黎就比佢頂住左...而出面既交通都係一樣比佢頂死晒...而我就係咁比架車塞左 ...

呢個位就係停車場的位置, 最惡劣的位置,
前面間寵物店, 有d司機係馬路中心當泊車,
就咁停車就走左去買野, 而再前d, 有間車行,
又成日鍾意停車係馬路, 加上有d車等入停車場,
結果成日塞死晒, 真係乜情況都試過, d司機
下車打交都有..... 而最煩係, 一塞死, 全部
車長響按, 真係住係度煩到呢.....

我地建議過加黃線, 減泊位, 但政府洛咨詢時,
那d商店就反對....亦建議過單向, 政府又話
會影響交通流量..... 真係無晒乎 ><

原帖由 3ASV196 於 2006-1-22 14:38 發表
最離譜後面部白車, 係咁閃燈同響按, 都唔走!! 人地可能去緊救人o既, 都唔行,
簡直離譜....

我見過係條單程路度﹐架白車閃晒燈﹐係正前面架車仲夠膽停車打死火燈落人
真係乜人都有