巴士公司職員有無權阻止乘客或路人拍片拍照?

講起，我之前都係機場通宵影N11（2010-12-05，04:49╱車隊編號2259），跟住裡面個司機話我咁影法要收返我「肖像費」，成萬蚊果種。好彩最後我對返佢話圖片上網會打格仔先了事。

P.S. 我係當日係中環搭N11╱2259到東涌，停留一段時間再入機場，遇返同一架巴士同埋司機，個司機仲記得我係「東堤」落車

有關圖片如下：

原帖由 petcity 於 2011-2-15 19:37 發表
早年我都經常係德福影224M，都係呢三位師傅做掛牌
但未遇過任何不快事件，亦唔覺邊個特別惡

另回Alex01，你講明影唔到人地唔等於大哂，或者人地咁就要
俾你影，我做野個度有句術語叫見景，即係執生咁解，仲要識
鑑貌辨色，總之凡 ...

其實歸根究底 係咪師傅怕放上網之後俾人「點相」？
所以有0的師傅特別怕人影車

原帖由 JN6854 於 2011-2-15 22:53 發表

其實歸根究底 係咪師傅怕放上網之後俾人「點相」？
所以有0的師傅特別怕人影車

試過遇著兩次連人帶車咁影(司機在車上):
63X的司機一個語氣惡少少，鬧兩句之後只係叫我曬完之後燒左張相(個人相信比我盞閃光燈嚇親XD)
51的司機叫我刪左相，然後問我想點解想影部車，我答完佢部車比同款AA特別，司機就帶我上車話多支手動減速器，再講多句，影部車無問題，但唔好影到佢，跟住影完我就落左車

原帖由 da54 於 2011-2-15 15:06 發表
我自己簡單而言，就係司機態度唔岩，但係件事亦唔係無可避免。
而係 italk 黎講，我地改變唔到司機的態度，但就可以教板友點樣趨吉避凶。
所以樓上的板友我覺得都係想「預防勝於治療」，唔好諗到到係寫衰或者抽水....

另外唔知樓上 GF2158 兄係咪真係知道警察會叫人刪片。以我個人經驗，
即使出現糾紛，警察係唔會叫人刪去合法拍攝的相片或片段。而「警察已經有
半邊腳企左係司機果邊」呢句 statement，恐怕亦非警員正常的處理態度。
這樣形容警員，對警隊並不是十分公平。

之前我所講既其實係某條1字頭九灣廠線既真人真事
當然個主角就唔係本人, 最後要刪相不特只仲俾人警戒
至於點解無人知就係因為唔係個個主角都會好似樓主咁將件事講番出黎
不過既然閣下對我講既野存有質疑既話, 可以過黎港島區影多d果條線
好快就有機會親身經歷下, 到時可以睇下結果係咪同我之前所講既一模一樣

原帖由 ricky619 於 2011-2-15 17:10 發表
如果係我, 車長鬧我時我會影住佢, 跟住放上youtube
畀人睇下車長態度有幾惡劣...

你呢啲人咪係唯恐天下不亂囉
影片真係大晒咩？你咁做，盞一陣自取其辱
好似之前有個西鐵讓座男，諗住影住人地阿婆話佢夾硬要人讓座、恥笑
到頭來俾成村人話佢唔敬老、冇家教、連個囡都唔好好教

就係呢啲行為
搞到youtube一塌糊塗囉

原帖由 ATE123LF6005 於 2011-2-14 19:55 發表
應該是這位司機
黑口黑面...

早更師傅見我由沙鐵影到恆安都沒有一句怨言, 真系好
而家d司機... ...

點解有d司機會唔鍾意，咪就係有板友貼張相，仲要講係咪依個黑口黑面！

個司機都出左聽，就醒水啦，點知你會唔會係鬼呀！

原帖由 ATE123LF6005 於 2011-2-14 19:55 發表
應該是這位司機
黑口黑面...

早更師傅見我由沙鐵影到恆安都沒有一句怨言, 真系好
而家d司機... ...

冇怨言唔代表咩
黑口黑面就擺明人地唔鍾意你影佢
仲要中個頭埋去
咁就錯不在人家啦
人地都只係打份工
人地唔係收你人工架
駛唔駛擺上網、點人相、仲話人黑口黑面呢？
人地唔係規定要被你影既
唔想被人黑口黑面對住
點解唔醒水、等人落車後先至影人呢？

原帖由 GF2158 於 2011-2-16 01:25 發表

之前我所講既其實係某條1字頭九灣廠線既真人真事
當然個主角就唔係本人, 最後要刪相不特只仲俾人警戒
至於點解無人知就係因為唔係個個主角都會好似樓主咁將件事講番出黎
不過既然閣下對我講既野存有質疑既話, 可以 ...

小弟試過係有人透過警察要求我刪去合法相片，亦試過兩次親眼目睹有類似情況，
發生係小弟身上果次，個警員係調停時知道我只係拍攝普通巴士相後，清楚確認
我有權唔刪除合法相片，甚至讓我先行離開以免投訴人繼續滋擾。而另外兩次，
處理情況亦都相類似，警察都係分開兩邊進行勸說就算。

呢類民事糾紛，警察應該就唔會點插手，警察程序手冊或者警務手冊可能有講。
如果要去到警誡，咁就可能係涉及其他刑事問題喇。

小弟唯一一次影巴士被人迫刪相，發生係深圳。

無論如何，我認為板友唔應該隨便話「唔好搵警察，否則自己可能更麻煩」。

車長哪有權要求別人刪相呢？

我地拍巴士影片時，都曾經遭到車長唔禮貌對待，有車長警告我地唔好等佢地在車上時拍攝，為免麻煩，我地都等佢地唔在車上先再拍。其實我地只係影巴士，唔係影佢地，亦對佢地是否在車內根本無興趣。 如果大家都睇過我地的影片，只知道影片的解像度根本睇唔到車長的樣貌，佢地太過敏感。如果車長求拍攝者刪除相片的話，咁樓主的個案就更加離譜。

車長對影巴士相咁反感，最大可能係驚公司知道佢地有無偷懶。

[ 本帖最後由 ricky 於 2011-2-16 17:01 編輯 ]