火炭站高壓電纜故障

剛才大約08:20，我在九龍塘站地鐵月台上大堂時聽到廣播，話火炭站發生故障，列車服務受阻10分鐘。
騎虎難下，我都係照走去搭火車。

上到月台，T824正在通過，月台上的候車人數大致同平時差唔多。
平時在T824前面的一班羅湖車調到T824後面，顯示為4分，下一班落馬洲車顯示好似係9分。
我真係等了大約4分鐘，羅湖車到站，我預期會好迫人，但除了列車中段迫爆外，車頭車尾尚有大量空間。

列車比平時停耐少少，出廣播叫人行入車廂，但車程內一直無提及火炭站故障。
我見直通車都照開，心諗問題大極有限，都放心返Ｄ。

沿途列車沒有受阻，但見大圍站南行比平時多人，南行列車亦似乎比平時疏車。
大圍站北行月台的顯示屏漆黑一片。
去到沙田，我班車停1號月台，隱約聽到車站廣播叫往火炭的乘客「往對面2號月台等車」，
但我的車內沒有廣播，我心諗架車會唔會轉入馬場飛火炭？
隨後開車，沒有異樣，照有廣播下一站係火炭，右邊車門將會打開，去到火炭終於真相大白，
中間軌停了一列南行載客列車，開走後，見到4號月台有一列吉車。即係出事的係南行4號月台。
到大學站，見到有臨時板指大學至大圍列車係8分鐘一班，但當時似乎已經接近正常。



報告完畢，以下係感想。

港鐵真係死好命，死．好．命！
上次早繁出事係沙田，今次早繁出事係火炭，兩個站都係有多條軌，
只要南移一點、北移一點，足以癱瘓通勤交通，令半個新界怨聲載道，要搵人上去立法會被ＸＸ。
港鐵唔係有幾多運氣剩低架咋，第三次最多出埋大埔墟，第四次可能係畢架山隧道。

另外，近日亦發覺觀塘綫早繁西行比以前更多人，在鑽石山第八卡都有人龍（2010年冇人排的），
今朝在鑽石山至黃大仙之間都要chok車，但一直見東行列車好少人，令人「妒忌」。
在未聽到火炭站的廣播之前，我本來係諗緊，可唔可以調幾班東行車以彩虹為終點站，
然後回頭做西行，靈活調配資源，以免一邊有車冇人搭，一邊就排晒長龍迫過沙甸魚。
如果兩邊都迫都冇計，但睇到對面架車咁吉，何不善用？

[ 本帖最後由 DIH 於 2011-2-17 20:46 編輯 ]

其他討論區有受影響網民稱由大埔墟去沙田用左約33分鐘,
未知佢搭果班車係咪出事列車後面果班/第二班車,
所以佢搭果班車直情飛左火炭站, 兜入馬場再出返去往沙田站@@
我今日0808-0813左右由粉嶺站往上水站途中未有察覺班次異常,
更加無廣播指有高壓電纜故障

另外有人觀塘綫指近兩日都出少一抽車,
借左俾壞左一抽車而唔夠車用的將軍澳綫
(但出少一抽車影響竟然咁大@@)
"在鑽石山第八卡都有人龍"
不過觀塘綫, 觀塘站至調景嶺站一段都有好多人轉車,
亦見過有乘客指西行往油麻地方向,
係觀塘站已因上落客的人太多而延誤開車,
所以係唔夠車的情況下, 都幾難再調多幾班彩虹特車清客

商台新聞
http://hk.news.yahoo.com/article/110217/18/mqn6.html
期間由大學站前去沙田的列車，一度要駛經馬場站

係火炭返工的大埔區/北區居民, 應該有不少人遲到了

[ 本帖最後由 ES464470X 於 2011-2-17 09:45 編輯 ]

咁嘅情況, 港鐵有無安排緊急接駁?
如果唔係火炭班人點算? 嗰度得咁少巴士線...

原帖由 053h4 於 2011-2-17 11:08 發表
絕緣失效，燒左支電弓？

個VCB好似爆開左......

原帖由 Quanta 於 2011-2-17 11:12 發表
咁嘅情況, 港鐵有無安排緊急接駁?
如果唔係火炭班人點算? 嗰度得咁少巴士線...

緊急接駁就係北行列車。
如新聞所言，港鐵係將南行列車經馬場，叫人去到沙田轉北行列車。
同樣地，火炭入站南行的乘客，應該都係搭北行去到大學轉返南行。
睇返相關報導，列車係在入站前有故障，所以阻到後車，要佢拖／行左入站，南行列車先可以入火炭站。

[ 本帖最後由 DIH 於 2011-2-17 12:41 編輯 ]

呢間公司今日對外報細數:

http://cablenews.i-cable.com/web ... .php?news_id=353411
南 行 列 車 今 早 正 駛 入 火 炭 站 時 ， 供 電 系 統 跳 掣 ， 產 生 火 花 ， 車 上 五 百 名 乘 客 要 疏 散 ， 沒 有 人 受 傷 。

一部車都唔止500個位, 可況係早上既繁忙時間, 一列點止500人呢.
每次都報細數, 真係咁岍岩都出錯?

原帖由 DIH 於 2011-2-17 09:21 發表
另外，近日亦發覺觀塘綫早繁西行比以前更多人，在鑽石山第八卡都有人龍（2010年冇人排的），
今朝在鑽石山至黃大仙之間都要chok車，但一直見東行列車好少人，令人「妒忌」。
在未聽到火炭站的廣播之前，我本來係諗緊，可唔可以調幾班東行車以彩虹為終點站，
然後回頭做西行，靈活調配資源，以免一邊有車冇人搭，一邊就排晒長龍迫過沙甸魚。
如果兩邊都迫都冇計，但睇到對面架車咁吉，何不善用？

不太認同KTL東行早繁少人的言論，有朝去九龍灣，miss左89C，改坐84M出鑽地轉鐵。當時D東行車既車廂已經逼到阿媽都唔認得，DIH係好少人落既，我要等到第二班車先勉強逼到入去，而兩列列車既車門都重開左幾次

我記得事後當日KTL既日間車序要+2

原帖由 Wright---AVW16 於 2011-2-17 13:34 發表

不太認同KTL東行早繁少人的言論，有朝去九龍灣，miss左89C，改坐84M出鑽地轉鐵。當時D東行車既車廂已經逼到阿媽都唔認得，DIH係好少人落既，我要等到第二班車先勉強逼到入去，而兩列列車既車門都重開左幾次

我記得事後當日KTL ...

純粹詢問：請問當時係幾點？
我通常0805-0810左右在鑽石山站，大約0815去到九龍塘。

我見到的情況，那段時間可能係東行人潮高峰未至，但西行已經越來越多人。
我的感覺是，近來西行列車到達鑽石山時，車上比以前多人，月台上也比以前多人，
唔理佢原因係減車定乜，每班車的乘客量的確有所增加。
我無意否定觀塘綫東行多人，畢竟講緊的只係我觀察到的十幾分鐘。

既已知道係因為減車，而我亦明白其他路段都有一定客量，
那些增加彩虹特車的說法就當我吹水啦（其實唔當都係吹水）。